କେନ୍ଦ୍ରମନ୍ତ୍ରୀ ଗଣପତଙ୍କ ବିବାଦୀୟ ବୟାନ୍ ! ରାହୁଲଙ୍କୁ କୁକୁର ଛୁଆ ସହ କଲେ ତୁଳନା, ମୋଦିଙ୍କୁ କହିଲେ ସିଂହ ।
କନକ ବ୍ୟୁରୋ : ଲୋକସଭା ନିର୍ବାଚନର ଦୁଇଟି ପର୍ଯ୍ୟାୟ ପାଇଁ ଭୋଟ ଗ୍ରହଣ ସରିଥିବା ବେଳେ ଏବେ ତୃତୀୟ ପର୍ଯ୍ୟାୟ ମତଦାନ ପାଇଁ ପ୍ରସ୍ତୁତ ହେଉଛନ୍ତି ରାଜନେତା । ନିର୍ବାଚନକୁ ଆଖି ଆଗରେ ରଖି କିଛି ଦିନ ତଳେ ଆରମ୍ଭ ହୋଇଥିବା ବୟାନବାଜି ଏବେ ଆହୁରି ତୀବ୍ର ହେଉଥିବା ଦେଖିବାକୁ ମିଳିଛି । ବିଜେପି-କଂଗ୍ରେସ ମଧ୍ୟରେ କଡ଼ା ବୟାନବାଜି ଜାରି ରହିଥିବା ବେଳେ ଏବେ ବିଜେପିର କେନ୍ଦ୍ରମନ୍ତ୍ରୀ ଗଣପତ୍ ବସାବା ରାହୁଲ ଗାନ୍ଧୀଙ୍କୁ ନେଇ ବିବାଦୀୟ ବୟାନ ଦେଇଛନ୍ତି । ମୋଦୀଙ୍କୁ ସିଂହ ସହ ତୁଳନା କରିବା ସହ ରାହୁଲଙ୍କୁ କୁକୁର ଛୁଆ ସହ ତୁଳନା କରିଛନ୍ତି ଗଣପତ୍ ।
Kanak News is now on WhatsApp
Join and get latest news updates delivered to you via WhatsApp
ଶନିବାର ଏକ ନିର୍ବାଚନୀ ରାଲିରେ ଯୋଗ ଦେଇ, ଯେତେବେଳେ ପ୍ରଧାନମନ୍ତ୍ରୀ ମୋଦୀ ଠିଆ ହୁଅନ୍ତି ସେତେବେଳେ ଗୁଜୁରାଟର ସିଂହ ଠିଆ ହୋଇଥିବା ଭଳି ଦେଖାଯାଏ । କିନ୍ତୁ ଯେତେବେଳେ ରାହୁଲ ଠିଆ ହୁଅନ୍ତି, ସେତେବେଳେ ଏକ କୁକୁର ଛୁଆ ନିଜ ଲାଙ୍ଗୁଡ଼ ହଲାଉଥିବା ଭଳି ଦେଖାଯାଏ । କାରଣ ଯଦି ପାକିସ୍ତାନ ଗୋଟେ ରୁଟି ଦିଏ ତେବେ ରାହୁଲ ସେଠାକୁ ଲାଙ୍ଗୁଡ଼ ହଲାଇ ଚାଲିଯିବେ । ଯଦି ଚୀନ୍ ଗୋଟେ ରୁଟି ଦିଏ ରାହୁଲ ସେଠାକୁ ମଧ୍ୟ ଚାଲିଯିବେ ବୋଲି କହିଥିଲେ କେନ୍ଦ୍ରମନ୍ତ୍ରୀ ଗଣପତ୍ ବସାବା ।