ପିଜୁଳି ଚାଷ କରି ହେଲେ ଲକ୍ଷପତି ! ପରମ୍ପରାଗତ ଚାଷ ଛାଡ଼ି କିଛି ଭିନ୍ନ କରି ସଫଳ ହେଲେ ରାଜସ୍ଥାନର ଯୁବଚାଷୀ ସୋଭାଗମଲ
ଆଜିକା ସମୟରେ ସବୁଠାରୁ ବଡ଼ ସମସ୍ୟା ହେଲା ଚାକରି । ଉଚ୍ଚ ଶିକ୍ଷିତ ହୋଇ ମଧ୍ୟ ପିଲାମାନେ ବେକାର ବୁଲୁଛନ୍ତି । ପାଠ ପଢ଼ିବା ପରେ ସମସ୍ତେ ଚାକରି କରିବା ପାଇଁ ଚାହୁଁଛନ୍ତି । କିନ୍ତୁ ଆମ ଦେଶ ଭାରତରେ ଚାକରି ସମସ୍ୟା ଅନେକ । ତେଣୁ ଚାକରିକୁ ଅପେକ୍ଷା ନକରି ନିଜର କିଛି ବ୍ୟବସାୟ କିମ୍ବା ଚାଷ କରି ଅଧିକ ରୋଜଗାର କରିପାରିବେ ଯୁବପିଢ଼ୀ । ଚାକିରି ପାଇଁ ଅପେକ୍ଷା କରି କରି ନିଜର ଜୀବନ ନଷ୍ଟ କରିବା ଅପେକ୍ଷା ଅନେକ ଉପାୟ ଅଛି, ଯଦ୍ୱାରା ଭଲ ରୋଜଗାର ହୋଇପାରିବ । ଏବେ ବଜାରରେ ଫଳ ଓ ପନିପରିବା ଦର ଆକାଶଛୁଆଁ । ଯଦି କେହି ଚାକିରି ସମସ୍ୟା ଭୋଗୁଛନ୍ତି, ତେବେ ଚାଷ କରି ସେମାନେ ଲାଭବାନ ହୋଇପାରିବେ । ଏପରି କିଛି କରି ଉଦାହରଣ ସୃଷ୍ଟି କରିଛନ୍ତି ,ରାଜସ୍ଥାନ ନୈନବାରର ଯୁବଚାଷୀ ସୋଭାଗମଲ୍ ମୀଣା । ଯୁବ ଚାଷୀ ସୋଭାଗମଲ ବିଏ, ବିଇଡ଼୍ କରିବା ସତ୍ୱେ ସରକାରୀ ଚାକରି ପାଇଁ ଅପେକ୍ଷା କରିନଥିଲେ । ଚାକରି ପରିବର୍ତ୍ତେ ଚାଷକୁ ହିଁ ନିଜର ରୋଜଗାରର ପନ୍ଥା ବନାଇନେଲେ ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନର ଯୁବ ଚାଷୀ ସୋଭାଗମଲ୍ ଉଚ୍ଚ ଶିକ୍ଷିତ ହେବା ସତ୍ୱେ ଚାଷ କରିବା ପାଇଁ ଆଗ୍ରହ ପ୍ରକାଶ କଲେ । ଉଚ୍ଚ ଶିକ୍ଷିତ ହୋଇଥିବା ଯୋଗୁଁ ସେ ସରକାରଙ୍କ ବିଭିନ୍ନ ଯୋଜନା ବିଷୟରେ ଅବଗତ ଥିଲେ । ଏହାର ଲାଭ ଉଠାଇ ସେ ସରକାରୀ ସାହାଯ୍ୟ ନେଇ ବଗିଚା କରିଥିଲେ । କିଛି ଟଙ୍କା ନିଜେ ମଧ୍ୟ ବିନିଯୋଗ କରିଥିଲେ । ସୋଭାଗମଲ ପରମ୍ପରାଗତ ଚାଷ ଛାଡ଼ି ତାଙ୍କ ଜମିରେ ପିଜୁଳି ଗଛ ଲଗାଇଥିଲେ । ଆଉ ଚାରି ବର୍ଷ ବଗିଚାରେ କଠିନ ପରିଶ୍ରମ କରିଥିଲେ । ଏବେ ତାଙ୍କୁ ମିଳିଛି ତାଙ୍କର ପରିଶ୍ରମର ଫଳ । ଚଳିତ ବର୍ଷ ପର୍ଯ୍ୟନ୍ତ ପିଜୁଳି ବଗିଚାରୁ ସେ ୫.୫୦ ଲକ୍ଷ ଟଙ୍କା ଆୟ କରିସାରିଛନ୍ତି । ସୋଭାଗମଲଙ୍କ ସଫଳତାରେ ତାଙ୍କ ପତ୍ନିଙ୍କର ମଧ୍ୟ ସମାନ ଭାଗ ଅଛି । ସେ କହିଛନ୍ତି ତାଙ୍କର ଜଣେ ସହପାଠୀ ଉଦ୍ୟାନ ବିଭାଗରେ କାମ କରନ୍ତି । ଯିଏ ତାଙ୍କୁ ସରକାରୀ ସହାୟତା ବିଷୟରେ ଜଣାଇଥିଲେ । ସେଭାଗମଲ ଉକ୍ତ ଯୋଜନା ଲାଭ ଉଠାଇ ବଗିଚା ଆରମ୍ଭ କରିଥିଲେ । ୨୦୧୫ରେ ସେ ପ୍ରାୟ ୬୦ ହଜାର ଟଙ୍କା ଓ ୨୦୧୬ରେ ୨ ଲକ୍ଷ ଟଙ୍କା ଆୟ କରିଥିଲେ । ବର୍ତ୍ତମାନ ପିଜୁଳି ବଗିଚାରୁ ଆୟ ଲଗାତାର ଭାବେ ବଢ଼ୁଛି । ୨୦୨୦ ପର୍ଯ୍ୟନ୍ତ ୧୫-୧୬ ଲକ୍ଷ ଟଙ୍କା ରୋଜଗାର ହେବ ବୋଲି ସେ ଅନୁମାନ ଲଗାଯାଉଛି ।
ତେବେ ଖାଲି ଖାଲିରେ ସୋଭାଗଙ୍କୁ ମିଳିନି ସଫଳତା । ଏଥିପାଇଁ ତାଙ୍କୁ ୪ ବର୍ଷ କଠିନ ପରିଶ୍ରମ କରିବା ପାଇଁ ପଡ଼ିଥିଲା । ପିଜୁଳି ବଗିଚା ତିଆରି କରିବା ସମୟରେ ତାଙ୍କୁ ଥରେ ମାତ୍ର ଟଙ୍କା ଖର୍ଚ୍ଚ କରିବା ପାଇଁ ପଡ଼ିଥିଲା । କିନ୍ତୁ କଡ଼ା ପରିଶମ୍ରର ସଫଳତା ତାଙ୍କୁ ଧୀରେ ଧୀରେ ମିଳିଛି । ସେ କହିଛନ୍ତି, ପରାମ୍ପରାଗତ ଚାଷ କିରବା ସହ ଚାଷୀମାନେ କିଛି ନୂଆ ପ୍ରୟାସ କରବା ଜରୁରୀ । ଯଦ୍ୱାରା କୃଷକ ଆତ୍ମହତ୍ୟା କରିବେ ନାହିଁ । ତାଙ୍କ ହିସାବରେ ଅନ୍ୟ ସାଧାରଣ ଫସଲ ପରି ଚାଷୀମାନେ ଲାଭବାନ ହେଉଥିବା କିଛି ଫସଲ କରିବା ଉଚିତ । ତାଙ୍କର ସଫଳତା ଦେଖି ଅନ୍ୟ ଲୋକେମାନେ ମଧ୍ୟ ଚାଷ କରିବା ପାଇଁ ମନ ବଳାଇଲେଣି । ଅନ୍ୟ ଚାଷୀଙ୍କ ପାଇଁ ସେ ପ୍ରେରଣା ପାଲଟିଛନ୍ତି ।