ଜିିଏସଟି ଲାଗୁ ହେବା ପରେ ଚାକିରୀ କ୍ଷେତ୍ରରେ ମିଳିବ ଲାଭ ! ଏକ ଲକ୍ଷରୁ ଅଧିକ ନିଯୁକ୍ତି ସମ୍ଭାବନା
ବହୁପ୍ରତୀକ୍ଷିତ ବସ୍ତୁ ଓ ସେବା କର(ଜିଏସଟି) ୧ଜୁଲାଇରୁ ଲାଗୁ ହେବାକୁ ଯାଉଛି । ବିଶେଷଜ୍ଞଙ୍କ ଅନୁମାନ ଏହି ନୂଆ କର ବ୍ୟବସ୍ଥା ଯୋଗୁଁ ଦେଶରେ ବହୁ ପରିମାଣରେ ନିଯୁକ୍ତି ସୁଯୋଗ ସୃଷ୍ଟି ହେବାର ସମ୍ଭାବନା ରହିଛି । ଶୁଣାଯାଉଛି ପାଖାପାଖି ଏକ ଲକ୍ଷ ନିଯୁକ୍ତି ସୃଷ୍ଟି ହେବ ଯେଉଁଠି ଟ୍ୟାକ୍ସ, ଆକାଉଂଟିଂ ଓ ଡାଟା ଆନାଲିସିସ୍ କ୍ଷେତ୍ରରେ ଯୋଗ୍ୟତା ରଖୁଥିବା ଲୋକେ ଅଧିକ ଲାଭବାନ ହେବେ ।
Kanak News is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ କହିବା ଅନୁସାରେ ଜିଏସଟି କାର୍ଯ୍ୟକ୍ଷେତ୍ରରେ ନିଯୁକ୍ତି ବୃଦ୍ଧି ହେବା ସହ ଏହି ବିଭାଗରେ ୧୦ରୁ ୧୩ ପ୍ରତଶତ ବାର୍ଷିକ ବୃଦ୍ଧି ହେବ ବୋଲି ଅନୁମାନ କରାଯାଉଛି । ଅର୍ଥ ବ୍ୟବସ୍ଥାର ବିଭିନ୍ନ କ୍ଷେତ୍ରରେ ମଧ୍ୟ ଅଧିକ ସୁଯୋଗ ସୃଷ୍ଟି ହେବ ।
ଇଣ୍ଡିଆନ ଷ୍ଟାଫିଂ ଫେଡ଼େରେସନର ଅଧ୍ୟକ୍ଷ ରେଣୁବାଳା ଚକ୍ରବର୍ତ୍ତି କହିଛନ୍ତି ଜିଏସଟି ବସ୍ତୁର କିଣାବିକା ଓ ବିତରଣ କ୍ଷେତ୍ରକୁ ବଢ଼ାଇବ । ଏହାଦ୍ୱାରା ପାରଦର୍ଶିତାବ ଢ଼ିବ । କ୍ୟାସ୍ କାରବାର ଉପରେ ଅନୁମାନ ଲଗାିବା ସହଜ ହେବ ଓ ଲାଭ ମଧ୍ୟ ବଢ଼ିବ । ଏହାଦ୍ୱାରା ୧୦ରୁ ୧୩ ପ୍ରତିଶତ ନିଯୁକ୍ତିର ଲାଭ ଉଠାଇହେବ ।
ଗ୍ଲୋବାଲ ହଣ୍ଟର ଏମଡ଼ି ସୁନୀଲ ଗୋୟଲଙ୍କ କହିବା ଅନୁସାରେ ଅନୁମାନ ରହିଛି ଜିଏସଟି ଲାଗୁ ହେବା ପରେ ଏକ ଲକ୍ଷ ନିଯୁକ୍ତିର ସମ୍ଭାବନା ରହିଛି । ଏହା ବ୍ୟତୀତ ଜିଏସଟିର ଗତିିବିଧି ଯୋଗୁଁ ୫୦-୬୦ ହଜାର ନିଯୁକ୍ତି ଭବିଷ୍ୟତରେ ସୃଷ୍ଟି ହେବ ।
ମନଷ୍ଟର ଡଟକମ ଏସିଆ ପାସିଫିକ୍ ଓ ମିଡ଼ିଆ ଇଷ୍ଟ ଏମଡ଼ି ସଞ୍ଜୟ ମୋଦିଙ୍କ ଅନୁସାରେ ନୂଆ କର ଲାଗୁ ହେବା ପରେ ବାଣିଜ୍ୟ କ୍ଷେତ୍ରରେ ଏକ ସକରାତ୍ମକ ପ୍ରଭାବ ପଡ଼ିବ । ଏହାଦ୍ୱାରା ବିଦେଶୀ ନିବେଶକ ଓ କମ୍ପାନୀ ଗୁଡ଼ିବ ଆକର୍ଷିତ ହେବେ । ଏହାଦ୍ୱାରା ସରକାରଙ୍କ ବିଭିନ୍ନ ଯୋଜନା ଲାଗୁ କରିବାରେ ସାହାଯ୍ୟ ମଧ୍ୟ ମଳିପାରିବ ।
ସୌଜନ୍ୟ – ଆଜତକ୍.କମ୍
ଏହାସହ ପଢ଼ନ୍ତୁ –ଜିଏସଟିକୁ ନେଇ ଜମା ବି କରନ୍ତୁନି ଏହି ୫ଟି ଭୁଲ୍ ! ହୋଇପାରେ ଜେଲ୍