୯୫୦୦ କୋଟିର ରାଜସ୍ୱ ହରାଇବେ ୧୧ଟି ରାଜ୍ୟ ! ଏହି ତାଲିକାରେ ରହିଛି ଓଡ଼ିଶା
କନକ ବ୍ୟୁରୋ: ସାମଗ୍ରୀ ଏବଂ ସେବା ଟିକସ (ଜିଏସଟି) ଲାଗୁ କରାଯାଇଥିବାରୁ ଚଳିତ ବର୍ଷ ୧୧ଟି ରାଜ୍ୟ ୯୫୦୦ କୋଟି ଟଙ୍କାର ରାଜସ୍ୱ ହରାଇବେ । ଏହି ରାଜ୍ୟଗୁଡ଼ିକ ତାଲିକାରେ ଓଡ଼ିଶା ମଧ୍ୟ ରହିଛି । ଇଣ୍ଡିଆ ରେଟିଂ ନାମକ ସଂସ୍ଥା ପକ୍ଷରୁ କରାଯାଇଥିବା ସର୍ଭେରୁ ଏହା ଜଣାପଡ଼ିଛି । ଓଡ଼ିଶା ସମେତ ଆନ୍ଧ୍ର ପ୍ରଦେଶ, ଛତିଶଗଡ଼, ଗୁଜରାଟ, ହିମାଚଳ ପ୍ରଦେଶ, ମଧ୍ୟ ପ୍ରଦେଶ, ପଂଜାବ ଏବଂ ତାମିଲନାଡୁ ଭଳି ବଡ଼ ରାଜ୍ୟ ଜିଏସଟି ଯୋଗୁଁ ଚଳିତ ବର୍ଷ ୫୬୦୦ କୋଟି ଟଙ୍କାର କ୍ଷତି ସହିବେ ।
Kanak News is now on WhatsApp
Join and get latest news updates delivered to you via WhatsApp
ସେମାନଙ୍କ ରାଜସ୍ୱ କ୍ଷତି ଭରଣା କରିବାକୁ ହେଲେ ଏହି ଟଙ୍କା ସରକାରଙ୍କୁ ଯୋଗାଡ଼ କରିବାକୁ ପଡ଼ିବ ବୋଲି ଇଣ୍ଡିଆ ରେଟିଂ ପକ୍ଷରୁ କୁହାଯାଇଛି । ଗୋଆ, ଜମ୍ମୁ-କାଶ୍ମୀର ଏବଂ ଝାଡ଼ଖଣ୍ଡ ଭଳି ଛୋଟ ରାଜ୍ୟ ୩୯୦୦ କୋଟି ଟଙ୍କାର ରାଜସ୍ୱ ହରାଇବେ ।
ଜିଏସଟି ଲାଗୁ କରିବା ପରେ ଭାଟ୍, ବିକ୍ରି କର ଭଳି ପରୋକ୍ଷ ଟିକସଗୁଡ଼ିକ ଉଚ୍ଛେଦ ହୋଇଛି । ମାତ୍ର ଏବେ ବି ଆୟ, ସମ୍ପତ୍ତି ଏବଂ ପୁଞ୍ଜି ଆୟ, ପେଟ୍ରୋଲିୟମ୍ ଉତ୍ପାଦ, ରାଜ୍ୟ ଏକ୍ସାଇଜ୍ ଏବଂ ବିଦ୍ୟୁତ ଶୁଳ୍କ ଉପରେ ଜିଏସଟି ଲାଗୁ କରାଯାଇନାହିଁ । ତେଣୁ ଏହି ସବୁ କ୍ଷେତ୍ରରେ ସରକାର ଟିକସ ଆଦାୟ କରି ନିଜର ରାଜସ୍ୱ ପରିମାଣ ବଢ଼ାଇ ପାରିବେ ।