ନବରଙ୍ଗପୁର ତେଲେଗାଁରେ ଜଳିଲା ଅସନ୍ତୋଷର ନିଅାଁ
ନବରଙ୍ଗପୁର : ନବରଙ୍ଗପୁର ତେଲେଗାଁରେ ଜଳିଲା ଅସନ୍ତୋଷର ନିଆଁ। ଜଙ୍ଗଲ ଜମିକୁ ନେଇ ବିବାଦ ପରେ ଗାଁରେ ଗୋଷ୍ଠୀ ସଂଘର୍ଷ। ଆଉ ତାର ଫଳ ସ୍ୱରୂପ ଜଣଙ୍କ ଘରେ ନିଆଁ ଲଗାଇ ଦେଇଛନ୍ତି ଗୋଟିଏ ଗୋଷ୍ଠୀ । ଦୁଇ ଗୋଷ୍ଠୀ ମଧ୍ୟରେ ବିବାଦ ପରେ ଜଣଙ୍କୁ ହତ୍ୟା କରିଥିଲେ ବଳିରାମ । ଆଉ ଏଥିରେ ଉତ୍ୟକ୍ତ ହୋଇ ତାଙ୍କ ବିରୋଧୀ ଗୋଷ୍ଠୀ ଗତକାଲି ରାତିରେ ତାଙ୍କ ଘରେ ନିଆଁ ଲଗାଇ ହତ୍ୟା କରିବାକୁ ଉଦ୍ୟମ କରିଥିଲେ । ତେବେ ବଳିରାମ ଏଥରୁ ବର୍ତି ଯିବା ପରେ ତାଙ୍କୁ ପିଟିପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି।
Kanak News is now on WhatsApp
Join and get latest news updates delivered to you via WhatsApp
ବନ ବିଭାଗ ଓ ଜଙ୍ଗଲ ସୁରକ୍ଷା କମିଟି ବଳିରାମ ହରିଜନଙ୍କୁ କିଛି ଜଙ୍ଗଲ ଜମି ଦେଇଥିଲେ । କିନ୍ତୁ ବଳିରାମ ଗାଁ କମିଟି ଜାଗାରୁ କିଛି କବଜା କରିଥିବା ଅଭିଯୋଗ ହୋଇଥିଲା । ଏହି ଜାଗାରେ ଗାଁ କମିଟି ତରଫରୁ ଗଛ ଲଗାଯାଇଥିବାବେଳେ ଏହାକୁ ଓପାଡି ଫିଙ୍ଗି ଦେଇଥିଲେ ବଳିରାମ । ଆଉ ଏହାର ପ୍ରତିବାଦ କରି ଗତକାଲି ଫଗୁନୁ ଭତ୍ରା ଓ ଗୁରୁବାରୁ ଭତ୍ରା ତାଙ୍କ ଘରକୁ ଯାଇ ବଳିରାମଙ୍କୁ ଡାକିଥିବାବେଳେ ପ୍ରଥମେ ଫଗୁନୁଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ ସେ । ଫଳରେ ଫଗୁନୁଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ସେହିପରି ଗୁରୁବାରୁଙ୍କୁ ମଧ୍ୟ ଆକ୍ରମଣ କରିବାରୁ ସେ ଗୁରୁତର ଆହତ ହୋଇଥିଲେ । ଏଥିରେ ଉତ୍ୟକ୍ତ ହୋଇ ଫଗୁନୁ ଓ ଗୁରୁବାରୁଙ୍କ ସମର୍ଥକ ବଳିରାମଙ୍କ ଘରେ ନିଆଁ ଲଗାଇ ଦେବା ସହ ତାଙ୍କୁ ପିଟିପିଟି ମାରି ଦେଇଥିବା ଅଭିଯୋଗ ହୋଇଛି । ଗୁରୁବାରୁଙ୍କୁ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି । ଘଟଣାକୁ ନେଇ ଗାଁରେ ଉତେଜନା ଲାଗି ରହିଥିବା ବେଳେ ୪ ପ୍ଲାଟୁନ୍ ଫୋର୍ସ ମୁତୟନ ହୋଇଛନ୍ତି । ଘଟଣା ପରେ ଗାଁରେ ଉତେଜନା ଲାଗି ରହିଥିବାରୁ ବାହାର ଜିଲ୍ଲାରୁ ପୁଲିସ ବଳ ମଗାଯାଇଥିବା ଜଣାପଡିଛି ।
ଘଟଣାରେ ଏପର୍ଯ୍ୟନ୍ତ କାହାରିକୁ ଗିରଫ କରାଯାଇ ନଥିବାବେଳେ, ସ୍ଥିତି ଅନୁଧ୍ୟାନ କରିଛନ୍ତି ନବରଙ୍ଗପୁର ଏସପି ସୁଧାଂଶୁ ଶେଖର ମିଶ୍ର । ଜିଲ୍ଲାରେ ଜଙ୍ଗଲ ଜମିକୁ ନେଇ ଆଦିବାସୀ ଓ ଅଣ ଆଦିବାସୀଙ୍କ ଭିତରେ ବିବାଦ ଲାଗିରହିଥିବା ସେ କହିଛନ୍ତି । ସେହିକାରଣରୁ ତେଲେଗାଁରେ ଏଭଳି ଅଭାବନୀୟ ଘଟଣା ଘଟିଲା । ପରିସ୍ଥିତି ପୁଲିସ ନିୟନ୍ତ୍ରଣରେ ଥିବା ଏସପି କହିଛନ୍ତି । ଅଧିକ ତଥ୍ୟ ଏହି ଭିଡିଓରେ :