ଔଦ୍ଧତ୍ୟର ସବୁ ସୀମା ଟପିଗଲେ ଜିଲ୍ଲା ପରିଷଦଙ୍କ ପୁଅ…ସରକାରୀ ଡାଲି ଯୋଗାଣରେ ଅନୀୟମିତତା ଅଭିଯୋଗ କରିବାରୁ ଯୁବକଙ୍କୁ ଗୋଡାଇ ଗୋଡାଇ ମାରିଲେ ମାଡ
ଏପଟେ ଢେଙ୍କନାଳରେ ସଂଗରୋଧ କେନ୍ଦ୍ରରେ ସରପଂଚଙ୍କୁ ଆକ୍ରମଣ
କନକ ବ୍ୟୁରୋ: ସବୁ ଔଦ୍ଧତ୍ୟର ସୀମା ଟପିଗଲେ ଜିଲ୍ଲା ପରିଷଦଙ୍କ ପୁଅ । ଲୋକଙ୍କ ସାମ୍ନାରେ ଜଣେ ଅଭିଯୋଗକାରୀଙ୍କୁ ଗୋଡାଇ ଗୋଡାଇ ମାଡ ମାରିଲେ ଜିଲ୍ଲା ପରିଷଦଙ୍କ ପୁଅ ଓ ତାଙ୍କ ସାଙ୍ଗମାନେ । କେବଳ ଏତିକି ନୁହେଁ ଅସଭ୍ୟ ଭାଷାରେ ଗାଲି ଗୁଲଜ ମଧ୍ୟ କରୁଛନ୍ତି । ଯେଉଁ ଭାଷାକୁ ଆମେ ଆପଣମାନଙ୍କୁ ଶୁଣାଇ ପାରିବୁନାହିଁ । ପୁରୀ ଜିଲ୍ଲା ପିଲିଲି ୨୩ ନମ୍ବର ଜୋନ୍ ଦୁର୍ଗା ଦାସ ପୁର ପଂଚାୟତରୁ ଏଭଳି ଚିତ୍ର ସାମ୍ନାକୁ ଆସିଛି । ମିଳିଥିବା ସୂଚନା ଅନୁସାରେ, ଦୁର୍ଗାଦାସପୁର ପଂଚାୟତ ଅଫିସରେ ସରକାରଙ୍କ ପକ୍ଷରୁ ଦିଆଯାଉଥିବା ଡାଲି ବଂଟନ କରାଯାଉଛି । ଡାଲି ବଂଟନରେ ଅନିୟମିତତା ଅଭିଯୋଗ କରି ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ ମାଡ ଖାଉଥିବା ଏହି ବ୍ୟକ୍ତି ଜଣଙ୍କ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହି ଘଟଣାକୁ ନେଇ ୨୩ ନମ୍ବର ଜୋନ ଜିଲ୍ଲା ପରିଷଦ ଗୀତାଂଜଳୀ ଦାଶଙ୍କ ପୁଅ ବିଶ୍ୱଜିତ୍ ଦାସ ଏବଂ ଅଭିଯୋଗକାରୀ ଦୁର୍ଯ୍ୟୋଧନ ଜେନାଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ପରେ ଘଟଣା ପିପିଲି ଥାନାରେ ପହଂଥିଲା । ଥାନା ଅଧିକାରୀଙ୍କ ସହ ଆଲୋଚନା ପରେ ଉଭୟ ପକ୍ଷଙ୍କ ମଧ୍ୟରେ ଆପୋଷ ସମାଧାନ ହୋଇଥିଲା । ହେଲେ ପରେ ପୁଣି ସେହି କଥାକୁ ନେଇ ଦୁହିଁଙ୍କ ମଧ୍ୟରେ ବଚସା ହେବାରୁ ବିଶ୍ୱଜିତ୍ ରାଗି ଯାଇ ଦୁର୍ଯ୍ୟୋଧନଙ୍କୁ ମାଡ ମାରିଥିଲେ । ବିଶ୍ୱଜିତଙ୍କ ସାଙ୍ଗମାନେ ମଧ୍ୟ ଦୁର୍ଯ୍ୟୋଧନଙ୍କୁ ମାଡ ମାରୁଥିବା ଦେଖିବାକୁ ମିଳିଛି । ଏବେ ସେହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଦୁର୍ଯ୍ୟୋଧନ ଏନେଇ ପିପିଲି ଥାନାରେ ଅଭିଯୋଗ କରିଛନ୍ତି ।
ସଂଗରୋଧ କେନ୍ଦ୍ରରେ ସରପଂଚଙ୍କୁ ସଙ୍ଘବଦ୍ଧ ଆକ୍ରମଣ । ଢେଙ୍କନାଳ ଜିଲ୍ଲା ହିନ୍ଦୋଳ ବ୍ଲକ୍ ଗିରିଧର ପ୍ରସାଦ ପଂଚାୟତ ଥିବା ସଙ୍ଗରୋଧ କେନ୍ଦ୍ରରେ ଏଭଳି ଘଟଣା ଘଟିଛି । ସଙ୍ଗରୋଧ ଗୃହରେ ପ୍ରବାସୀ ରହିବା ଘଟଣାକୁ ନେଇ ଖଣ୍ଡତରି ଗାଁର ୪ଜଣ ଯୁବକ ଆସି ଏଭଳି ଆକ୍ରମଣ କରିଥିବା ନେଇ ଥାନାରେ ଅଭିଯୋଗ ହୋଇଛି । ଅଭିଯୋଗ ମୁତାବିକ, ଖଣ୍ଡତିରି ଗାଁରେ ହୋଇଥିବା ସଙ୍ଘରୋଧ କେନ୍ଦ୍ରରେ ତାମିଲନାଡୁ ରୁ ଆସି ୨୩ ଜଣ ପ୍ରବାସୀ ଏଠାରେ ରହିଛନ୍ତି । ଏହି ଘଟଣାକୁ ନେଇ ଗାଁର ୪ଜଣ ଯୁବକ ମାରାଣାସ୍ତ୍ର ନେଇ ସଙ୍ଗରୋଧ ଗୃହକୁ ପଶିଆସି ପ୍ରଥମେ ଧମକ, ଚମକ କରିଥିଲେ । କାହିଁକି ଆମ ଗାଁରେ ବାହାର ଲୋକଙ୍କୁ ରଖାହୋଇଛି କହି ସେମାନେ ଆକ୍ରମଣ କରିଥିଲେ । ଅଭିଯୋଗ ପରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିବାରେ ସକ୍ଷମ ହୋଇଥିବା ବେଳେ ଆଉ ୩ଜଣ ଫେରାର ହୋଇଯାଇଛନ୍ତି ।