କନକ ବ୍ୟୁରୋ : ପୋଲିସ ପିଛା କରିବାରୁ ବର ଆଧାବାଟରୁ ଗାଡିରୁ ଓହ୍ଲାଇ ଚମ୍ପଟ ମାରିବା ଘଟଣା ସୋର ଅଚଂଳରେ ଚାଂଚଲ୍ୟ ସୃଷ୍ଟି କରିଛି । ଗତକାଲି ରାତିରେ ବାସୁଦେବପୁର ଥାନା ଅଂଚଳର ଜଗନ୍ନାଥପୁର ଗାଁର ଜିତେନ୍ଦ୍ର ନାୟକ ନାମକ ଜଣେ ଯୁବକ ସୋର ଥାନା ଅଂଚଳର ତଳନଗର ଗାଁକୁ ବିବାହ ପାଇଁ ଆସୁଥିଲେ । ଏହି ସମୟରେ ପୋଲିସ ମଧ୍ୟରାତ୍ରରେ ଗୋଡାଇବା ଯୋଗୁଁ ବର କାରରୁ ଡେଇଁ ଫେରାର ହୋଇଯାଇଥିବା ଜଣାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଅନୁସାରେ, ଜିତେନ୍ଦ୍ର ନାୟକଙ୍କ ବିରୋଧରେ ଜଣେ ଯୁବତୀ ବାସୁଦେବପୁର ଥାନାରେ ଅଭିଯୋଗ କରିବା ପରେ ପୋଲିସ ତତ୍ପର ହୋଇପଡିଥିଲା । ଏହି ଘଟଣା ପରେ କନ୍ୟାଘର ଲୋକେ ଉତ୍ତେଜିତ ହୋଇ ବର ଘରର ୨୨ ଜଣଙ୍କୁ ଅଟକ ରଖିଥିବା ଜଣାପଡିଛି । ବାହାଘର ପାଇଁ ଯୈାତୁକ ଦିଆଯାଇଥିବା ବରପକ୍ଷ ଲୋକେ କହିଛନ୍ତି ।
ସୂଚନାଯୋଗ୍ୟ, ଝିଅ ଘରେ ଜମିବାଡି ବିକ୍ରି କରି ବାହାଘରର ପ୍ରସ୍ତୁତି କରିଥିଲେ । ଯୈାତୁକ ପାଇଁ ନଗଦ ୫୦ହଜାର ଟଙ୍କା, ମୁଦି, ହାର ଇତ୍ୟାଦି କିଣାସରିଛି । ପୁଅ ଜଣକ ଇଂଜିନିୟର କହି ବିବାହ ପ୍ରଲୋଭନ ଦେଖାଇଥିବା ଅଭିଯୋଗ ହୋଇଛି । ସୋର ଥାନାରେ ଝିଅର ପରିବାର ଲୋକେ ଏତଲା ଦେଇଛନ୍ତି ।