ମୃତ୍ୟୁ ଶୀତଳ ସ୍ପର୍ଶ କାହାକୁ କେତେବେଳେ କେମିତି ଛୁଇଁ ଯିବ କେହି କହିପାରିବେ ନାହିଁ । ସେଲଫି ନେବାବେଳେ ପାହାଡ ଉପରୁ ଖସିପଡି ହେଉ କି ନଦୀରେ ଗାଧୋଇବା ବେଳେ ପାଣି ମାଡି ଆସି ହେଉ ଅବା ରେଳ ଲାଇନ୍ ପାର ହେବା ବେଳେ ଟ୍ରେନ୍ ମାଡିଯାଇ ହେଉ ହଠାତ୍ ମୃତ୍ୟୁ ମାଡିଆସେ । ଆପଣ ଜାଣିଥିବେ ବାହାଘରକୁ ଗଲାବେଳେ ହେଉ କି ଫେରିବା ବେଳେ ଗାଡି ଦୁର୍ଘଟଣାଗ୍ରସ୍ତ ହୋଇ କେମିତି ବର କନ୍ୟାଙ୍କ ମୃତ୍ୟୁ ହୁଏ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଆପେ ଆପଣଙ୍କୁ ଏମିତି ଏକ ଦୃଦୟବିଦାରକ ଘଟଣା ବିଷୟରେ କହିବୁ ଯାହା ନିଜ ଆଖିକୁ ନଦେଖିଲେ ବିଶ୍ୱାସ କରିପାରିବେ ନାହିଁ । ଗୁଜରାଟ ଆନନ୍ଦ ଜିଲ୍ଲାର ସାଗର ସୋଲାଙ୍କିଙ୍କର ଥିଲା ବାହାଘର । ବାଣ ବାଜ । ରୋଷଣୀ ଭିତରେ ସାଙ୍ଗସାଥୀ ବନ୍ଧୁ ପରିଜନଙ୍କ ସହ ସାଗର ବାହାରିଥିଲେ ବରଯାତ୍ରୀ ନେଇ । କନ୍ୟା ଘର ପାଖରେ ଖୁସିି ଖୁସିରେ ନାଚଗୀତରେ ମାତିଥିଲେ ସାଙ୍ଗସାଥୀ । ପରଂପରା ଅନୁସାରେ ଏଠାରେ ବର ମଧ୍ୟ ନାଚିଥାଏ ।
ଆଉ ବରବେଶରେ ସଜେଇ ହୋଇଥିବା ସାଗରଙ୍କୁ କାନ୍ଧରେ ଧରି ସମସ୍ତେ ମସଗୁଲ ଥିଲେ । ସାଙ୍ଗ କାନ୍ଧରେ ଥାଇ ବି ଠୁମକା ଲଗାଉଥିଲେ । ସ୍ୱପ୍ନ ଦେଖୁଥିଲେ ଭାବି ପତ୍ନୀଙ୍କୁ ନେଇ, ସୁନେଲୀ ସଂସାରର ଭବିଷ୍ୟତକୁ ନେଇ । ଆଉ ମାତ୍ର କିଛି ସମୟ ପରେ ପହଂଚିଥାନ୍ତେ ବେଦୀ ନିକଟରେ । କନ୍ୟାବେଶରେ ସଜେଇ ହୋଇ ଅପେକ୍ଷା କରିଥିଲେ ଭାବି ପତ୍ନୀ । ତାଙ୍କ ପରିବାର ।
ହେଲେ ନାଚୁ ନାଚୁ ସାଙ୍ଗର କାନ୍ଧ ଉପରେ ହି ଟଳିପଡିଲେ ସାଗର । ପାଖରେ ଥିବା ସାଙ୍ଗମାନେ କଣ ହେଲା ବୁଝିବା ପୂର୍ବରୁ ତଳେ ପଡିଯାଇଥିଲେ । ଦୂରରେ ସାଙ୍ଗଙ୍କ ନାଚ ଚାଲିଥିଲା । ହେଲେ ଏପଟେ ହୃଦଘାତରେ ସାଗରଙ୍କ ପ୍ରାଣବାୟୁ ଉଡିଯାଇଥିଲା । ଉତ୍ସବରେ ମାତିଥିବା ଦୁଇଟି ପରିବାର ଉପରେ ଭାଙ୍ଗିପଡିଥିଲା ଦୁଃଖର ପାହାଡ । ଏହି ଘଟଣାର ଲାଇଭ ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ସୌଜନ୍ୟ-ଟିଏମଜେଡ ଭିଡିଓ