ମସ୍ତିଷ୍କକୁ ତାଜା ରଖେ ସବୁଜ ପରିବା !
ସବୁଜ ପନିପରିବା ସ୍ୱାସ୍ଥ୍ୟ ପାଇଁ ହିତକର । ପ୍ରତିଦିନ ସବୁଜ ପନିପରିବା ଖାଇବା ଉଲ । କାରଣ ସବୁଜ ପନିପରିବାରେ ଭରପୂର ମାତ୍ରରେ ଭିଟାମିନ ରହିଛି । ଏହା ମସ୍ତିଷ୍କର ଶକ୍ତି ବୃଦ୍ଧିରେ ସହାୟକ ହୁଏ । ପନିପରିବା, ଶାଗ, ସାଲାଡ ଆଦି ଖାଇବା ଦ୍ୱାରା ବୟସଜନିତ ବିସ୍ମୃତି ବା ସ୍ମରଣ ଶକ୍ତି କମିବା ବିଳମ୍ବ ହେଇଥାଏ ।
Kanak News is now on WhatsApp
Join and get latest news updates delivered to you via WhatsApp
ସାଧାରଣ ଭାବେ ମସ୍ତିଷ୍କର ଦକ୍ଷିତା ଯେଉଁ ପରିମାଣରେ କମିବା କଥା କମେ ନାହିଁ, ପାଖାପାଖି ଏଗାର ବର୍ଷ ଘୁଂଚିଯାଏ । ନିକଟରେ ଆମେରିକାର ରସ ୟୁନିଭର୍ସିଟିର ଦଳେ ସ୍ନାୟୁ ବିଶେଷଜ୍ଞଙ୍କ ଦଶ ବର୍ଷର ଅଧ୍ୟୟନରୁ ଏହି ନିଷ୍କର୍ଷ ମିଳିଛି । ଅଶୀ ବର୍ଷ ବୟସର ପାଖାପାଖି ଏକ ହଜାର ବୃଦ୍ଧଙ୍କୁ ପାଂଚଟି ପର୍ଯ୍ୟାୟରେ ଅଧ୍ୟୟନ କରାଯାଇଥିଲା । ଏମାନଙ୍କ ଦୈନନ୍ଦିନ ଆହାରରେ ସବୁଜ ପନିପରିବା ପରିମାଣ ଓ ସ୍ମରଣ ଶକ୍ତିର ମାନ ଆଧାରରେ ଗବେଷକମାନେ ଏହା ଜାଣିପାରିଥିଲେ । ଏ ବାବଦରେ ବିସ୍ତୃତ ରିପୋର୍ଟ ‘ଜର୍ନାଲ ନ୍ୟୁରୋଲୋଜି’ରେ ପ୍ରକାଶ ପାଇଛି ।