ବନ୍ୟା ପରେ ଦାଉ ସାଜୁଛି ପରିବା ଦର ! ପିଆଜ, ଟମାଟୋ ଏବଂ କୋବି ଦାମ ଆକାଶ ଛୁଆଁ ହୋଇଥିବା ବେଳେ ୪ଶହ ଟଙ୍କାରେ ବିକ୍ରି ହେଉଛି କଞ୍ଚା ଲଙ୍କା ।
କେରଳରେ ଭୟଙ୍କର ବନ୍ୟା କାରଣରୁ ଅନେକ କ୍ଷୟକ୍ଷତି ହୋଇଛି । ଘର ଦ୍ୱାରା ସହ ଚାଷ ବାସ ମଧ୍ୟ ସବୁ ଉଜୁଡି ଯାଇଛି । ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଖାଇବା ତ ଦୁରର କଥା ଲୋକମାନେ ପିଇବା ପାଇଁ ପାଣି ଟିକିଏ ବି ପାଉନାହାନ୍ତି । ବନ୍ୟା ପରିସ୍ଥିତି ଟିକିଏ ସୁଧୁରି ଥିବା ବେଳେ ସେପଟେ ଦାଉ ସାଜିଛି ପନି ପରିବା ଦର ଦାମ । କୋଚି ଏବଂ ତାର ଆଖ ପାଖ ଅଞ୍ଚଳ ଗୁଡିକରେ ସାମାନ୍ୟ କଞ୍ଚାଲଙ୍କାର ଦାମ କିଲୋ ପିଛା ୪ଶହ ଟଙ୍କାରେ ବିକ୍ରି କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନିୟ ଲୋକଙ୍କ କହିବା ଅନୁସାରେ, ବନ୍ୟାର ପ୍ରକୋପ ଟିକିଏ କମିବା ପରେ ଦୋକାନ ବଜାର ଖୋଲିବା ସମ୍ଭବ ହୋଇଥିଲା । କିନ୍ତୁ ଦୋକାନିମାନେ ପ୍ରତ୍ୟକଟି ଜିନିଷକୁ ଉଚ୍ଚ ଦରରେ ବିକ୍ରି କରି ଲାଭବାନ ହେବାକୁ ଚେଷ୍ଟା ଚଳାଇଛନ୍ତି । ଅନ୍ୟ ପନି ପରିବା କଥା ତ ଛାଡ ଏଠାରେ ସାମାନ୍ୟ କଞ୍ଚା ଲଙ୍କା କିଲୋ ୪ଶହ ଟଙ୍କାରେ ବିକ୍ରି ହେଉଛି । ଯାହା ଫଳରେ ଲୋକମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଦୋକାନିମାନେ ଏପରି ଭାବେ ଦର ଦାମକୁ ବୃଦ୍ଧି କରିଦେବା ନେଇ ସ୍ଥାନିୟ ଲୋକେ ନିକଟସ୍ଥ ଥାନାରେ ଅଭିଯୋଗ କରିଥିଲେ । ପରେ ପୋଲିସ ଏହି ଘଟଣା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାରୁ ଦର ଦାମ କମିଥିଲା । ଦର ଦାମ କମିବା ପରେ ମଧ୍ୟ ଖାଦ୍ୟ ପଦାର୍ଥର ଦାମ ଏତେ ରହିଛି ଯାହା ଲୋକମାନଙ୍କ ପାଖରେ କିଣିବା ଅସମ୍ଭବ ହୋଇପଡିଛି । ଏବେ ବି କଞ୍ଚା ଲଙ୍କାର ଦର କମି କିଲୋ ପିଛା ୧୨୦ ଟଙ୍କା ରହିଛି ।
ପୋଲିସ ଦୋକାନିମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପୂର୍ବରୁ ପିଆଜ, ଟମାଟୋ ଏବଂ ବନ୍ଧା କୋବି ଭଳି ପରିବା ଗୁଡିକର ଦର କିଲୋ ପିଛା ୯୦ ଟଙ୍କା ରହିଥିଲା । ଦୋକିନିଙ୍କ କହିବା ଅନୁସାରେ, ଖାଦ୍ୟ ସାମଗ୍ରୀକୁ ଅଧିକ ଦାମରେ ବିକିବା ଛଡା ତାଙ୍କ ପାଖରେ ଆଉ କୌଣସି ବିକଳ୍ପ ନାହିଁ । କାରଣ ତାଙ୍କର ଟ୍ରାନ୍ସପୋର୍ଟଂ ଚାର୍ଜ ମଧ୍ୟ ବଢିଯାଇଛି । ଯାହା ଫଳରେ ଖାଦ୍ୟ ସାମଗ୍ରୀ ଅଧିକ ଦାମରେ ବିକ୍ରି କରାଯାଉଛି । ସେପଟେ ଅଧିକାରୀ ମାନେ ଦାବି କରି କହିଛନ୍ତି କି ଯଦି କୌଣସି ଦୋକାନି ଖାଦ୍ୟ ସାମଗ୍ରୀକୁ ଅଧିକ ଦାମରେ ବିକ୍ରି କରେ ତେବେ ତାଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ।