କନକ ବ୍ୟୁରୋ : ଦୁଇ ଦୁଇଟି ଜୀବନ ନେଇଥିବା ଠିକା ସଂସ୍ଥା ପଣ୍ଡା ଇନଫ୍ରାକୁ ବମିଖାଲ ଓଭରବ୍ରିଜ୍ ନିର୍ମାଣ କାମରୁ ବାଦ ଦିଆଯାଇଛି । ଓଭରବ୍ରିଜର ବଳକା ନିର୍ମାଣ କାମରୁ ଆଜି ଠିକା ସଂସ୍ଥାକୁ ବାଦ ଦେଇଛି ପୂର୍ତ ବିଭାଗ । ଓଭରବ୍ରିଜର ବାକି ଥିବା କାମ, ଆଉ କରିବନି ପଣ୍ଡା ଇନଫ୍ରା । ୭ ମାସ ତଳେ ଜଣେ ସାଧାରଣ ନାଗରିକ ଏବଂ ଏବେ ଜଣେ ଶ୍ରମିକଙ୍କ ମୃତ୍ୟୁ ପାଇଁ ପଣ୍ଡା ଇନଫ୍ରାର ଅବହେଳାକୁ ଅକ୍ଷମଣୀୟ ଅପରାଧ ବୋଲି କହିଛନ୍ତି ପୂର୍ତ ସଚିବ ।
Kanak News is now on WhatsApp
Join and get latest news updates delivered to you via WhatsApp
ପୂର୍ତ ବିଭାଗ ସଚିବ କହିଛନ୍ତି, ଦୁର୍ଘଟଣାର ତଦନ୍ତ ରିପୋର୍ଟ ଆସିବା ପରେ ଦୁଇ ତିନ ଦିନ ଭିତରେ କାହାକୁ କାମ ଦିଆଯିବ , ସେନେଇ ନିଷ୍ପତି ନିଆଯିବ । ୨ ମାସ ଭିତରେ ନିର୍ମାଣ କାମ ସରିବ । ତେବେ ବ୍ୟୟବରାଦ ଆହୁରି ୪ରୁ ୫ କୋଟି ବୃଦ୍ଧି ପାଇବ । କାମ ସଂପୂର୍ଣ୍ଣ ହେବା ପରେ ତୃତୀୟ ପକ୍ଷ ପୋଲର ଯାଂଚ କରିବେ ।
ବୋମିଖାଲ ଓଭରବ୍ରିଜ ସମେତ ଭୁବନେଶ୍ୱରର ପୋଖରୀପୁଟ ଅଂଚଳରେ ଏକ ଫ୍ଲାଏଓଭର ନିର୍ମାଣ କରୁଛି ପଣ୍ଡା ଇନଫ୍ରା । ଏହି ବ୍ରିଜ୍ କାମ ମଧ୍ୟ ଜାରି ରହିଛି । ସେହିପରି ଜଟଣୀରେ ଏହି ଠିକା ସଂସ୍ଥା ଏକ ଓଭରବ୍ରିଜ ନିର୍ମାଣ କରୁଛି । ସମ୍ବଲପୁରରେ ପଣ୍ଡା ଇନଫ୍ରା କରୁଛି ଆଉ ଏକ ବଡ ବ୍ରିଜ୍ ନିର୍ମାଣ । ତେବେ ବ୍ରିଜର ମାନ ନେଇ ବାରମ୍ବାର ଅଭିଯୋଗ ହୋଇଆସୁଛି । ବମିଖାଲ ଓଭରବ୍ରିଜରେ ଦୁଇ ଦୁଇଥର ଦୁର୍ଘଟଣା ପରେ ଏବେ ଏସବୁର ନିର୍ମାଣ ଉପରେ ପ୍ରଶ୍ନ ଉଠିଛି ।