ବ୍ୟାଙ୍କକୁ ନେଇ ମୋଦି ସରକାର ନେବେ ସବୁଠାରୁ ବଡ଼ ନିଷ୍ପତ୍ତି ! ଲାଭରେ ରହିବେ ଗ୍ରାହକ
ସାଧାରଣ ବଜେଟ ପରେ ବ୍ୟାଙ୍କିଂ ସେକ୍ଟରକୁ ଅଧିକ ଲାଭ ମିଳିବ । କୁହାଯାଉଛି ସରକାର, ବେସରକାରୀ ବ୍ୟାଙ୍କକୁ ୧୦୦ ପ୍ରତିଶତ ଏଫଡ଼ିଆର ମଞ୍ଜୁରୀ ଦେବା ପାଇଁ ବିଚାର କରୁଛନ୍ତି । ସରକାରୀ ବ୍ୟାଙ୍କ ଗୁଡ଼ିକ ପାଇଁ ମଧ୍ୟ ଏଫଡ଼ିଆଇ(ବଦେଶୀ ନିବେଶ)ର ସୀମା ବଢ଼ାଇ ପାରନ୍ତି ସରକାର । ଖବର ଅନୁସାରେ ବଜେଟରେ ସରକାରୀ ଓ ବେସରକାରୀ ବ୍ୟାଙ୍କର ଏଫଡ଼ିଆଇ ସୀମା ବଢ଼ାଇବା ନେଇ ସରକାର ବିଚାର କରୁଛନ୍ତି । ବର୍ତ୍ତମାନ ସମୟରେ ବେସରକାରୀ ବ୍ୟାଙ୍କରେ ୭୪ ପ୍ରତିଶତ ବିଦେଶୀ ନିବେଶର ଅନୁମତି ରହିଛି ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କିଂ ସେକ୍ଟର ପାଇଁ ସରକାରଙ୍କ ନୂୂଆ ଯୋଜନା ଖବର ଅନୁସାରେ ଏନେଇ ଅର୍ଥ ମନ୍ତ୍ରାଳୟ, ଡିଆଇପିପି, ଆଇବିଏ ମଧ୍ୟରେ କଥାବାର୍ତ୍ତା ଜାରି ରହିଛି । ବିତ୍ତ ମନ୍ତ୍ରାଳୟ ଏହି ସମ୍ମନ୍ଧରେ ପିଏମଓର ମଞ୍ଜୁରୀ ନେଇପାରେ । ଏବେ ବିଦେଶୀ ବ୍ୟାଙ୍କକୁ ଭାରତରେ ନିଜର ସବସିଡ଼ିଆରୀ ବ୍ୟାଙ୍କ ଖୋଲିବାର ଅନୁମତି ରହିଛି । ତେବେ ୧୦୦ ପ୍ରତିଶତ ଏଫଡ଼ିଆଇ ରିହାତି ଦେଲେ ମଧ୍ୟ ମାଲିକାନା କ୍ଷେତ୍ରରେ କୌଣସି ପ୍ରଭାବ ପଡ଼ିବ ନାହିଁ ।
– ସରକାର ବେସରକାରୀ ବ୍ୟାଙ୍କର ଏଫଡ଼ିଆଇ ୭୪ ପ୍ରତିଶତରୁ ବଢ଼ାଇ ୧୦୦ ପ୍ରତିଶତ କରିବା ପାଇଁ ବିଚାର କରୁଛନ୍ତି ।
– ଅନ୍ୟପଟେ ସରକାରୀ ବ୍ୟାଙ୍କରେ ଏଫଡ଼ିଆଇ ୨୦ ପ୍ରତିଶତରୁ ବଢ଼ାଇ ୪୯ ପ୍ରତିଶତ କରିବା ପାଇଁ ବିଚାର ଜାରି ରହିଛି ।
– ସୁଚନାଯୋଗ୍ୟ ପୂର୍ବରୁ ମଧ୍ୟ ବ୍ୟାଙ୍କକୁ ଅର୍ଥ ମନ୍ତ୍ରାଳୟଠାରୁ ଏଫଡ଼ିଆଇ ବଢ଼ାଇବା ପାଇଁ ଦାବି ହୋଇଥିଲା ।
– ବ୍ୟାଙ୍କ ଗୁଡ଼ିକ ଏନେଇ ମନ୍ତ୍ରାଳୟରେ ଏକ ପ୍ରେଜେନଟେସନ ଦେଇଥିଲେ ।
ବିଶେଷଜ୍ଞଙ୍କ ଅନୁସାରେ ଏଫଡ଼ିଆଇ ବଢ଼ିଲେ ସରକାରୀ ବ୍ୟାଙ୍କକୁ ପୁଞ୍ଜି ମିଳିବ । ଏବଂ ବ୍ୟାଙ୍କିଂ ସେବାରେ ମଧ୍ୟ ସୁଧାର ଆସିବ । ଏହାସହ ବ୍ୟବସାୟ ବଢ଼ିବାରେ ସାହଯ୍ୟକାରୀ ସାବ୍ୟସ୍ତ ହେବ । ବ୍ୟାଙ୍କ ନୂଆ ଜ୍ଞାନକୌଶଳରେ ଅପଗ୍ରେଡ଼୍ ହେବ ।