ଚଳିତ ମାସର ଶେଷ ଦୁଇ ଦିନ ସରକାରୀ ବ୍ୟାଙ୍କରେ ଝୁଲିବ ତାଲା । ସରକାରୀ ବ୍ୟାଙ୍କର କର୍ମଚାରୀ ଓ ଅଧିକାରୀ ମେ ୩୦ରୁ ଦେଶବ୍ୟାପୀ ଦୁଇ ଦିନିଆ ହରତାଳକୁ ଓହ୍ଲାଇବାକୁ ଯାଉଛନ୍ତି । ମାତ୍ର ଦୁଇ ପ୍ରତିଶତ ବର୍ଦ୍ଧିତ ଦରମା ପ୍ରସ୍ତାବର ବିରୋଧରେ କର୍ମଚାରୀ ମାନେ ଏହି ହର଼ତାଳ କରିବେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ୟୁନିୟନ ମୁତାବିକ, ଇଣ୍ଡିଆନ ବ୍ୟାଙ୍କର୍ସ ଆସୋସିଏସନ ଚଳିତ ଥର ମାତ୍ର କର୍ମଚାରୀଙ୍କ ମାତ୍ର ଦୁଇ ପ୍ରତିଶତ ଦରମା ବଢ଼ାଇବାକୁ ପ୍ରସ୍ତାବ ଦେଇଛି । ମେ ୫ରେ ହୋଇଥିବା ବୈଠକରେ ଏହି ନିଷ୍ପତି ନିଆଯାଇଛି । କିନ୍ତୁ ବ୍ୟାଙ୍କ ୟୁନିୟନ ଏଭଳି ପ୍ରସ୍ତାବକୁ ଗ୍ରହଣ କରିନାହିଁ । ୟୁନାଇଟେଡ଼ ଫୋରମ ଅଫ୍ ବ୍ୟାଙ୍କ ୟୁନିୟନର ଅଧିକାରୀଙ୍କ କହିବା ଅନୁଯାୟୀ, ବ୍ୟାଙ୍କର ଯାହା ବି କ୍ଷତି ହେଉଛି ତାହା ମାତ୍ରାଧିକ ଲୋନ ଦେବା ଯୋଗୁଁ ହେଉଛି । ଏହାପାଇଁ କୌଣସି ବ୍ୟାଙ୍କ କର୍ମଚାରୀ ଦାୟୀ ନୁହଁନ୍ତି ।
ବିଗତ ୨ରୁ ୩ ବର୍ଷ ହେଲା ବ୍ୟାଙ୍କ କର୍ମଚାରୀ ବିନା କୌଣସି ସଙ୍କୋଚରେ ସରକାରଙ୍କର ବିଭିନ୍ନ ଯୋଜନାକୁ ଲାଗୁ କରିବାକୁ କାମ କରି ଆସୁଛନ୍ତି । ଏପରିକି ବ୍ୟାଙ୍କ କର୍ମଚାରୀ ଜନ-ଧନ ଯୋଜନା, ବିମୁଦ୍ରାକରଣ, ମୁଦ୍ରା ଯୋଜନା ଓ ଅଟଳ ପେନସନ ଯୋଜନା ଭଳି ସରକାରଙ୍କର ବିଭିନ୍ନ ଯୋଜନାକୁ ସୁଚାରୁ ରୂପେ ତୁଲାଇବାରେ ଅହମ ଭୁମିକା ଗ୍ରହଣ କରିଥିଲେ । ଏହି ସମୟ ଗୁଡ଼ିକରେ ବ୍ୟାଙ୍କ କର୍ମଚାରୀ ମାନେ ସରକାରଙ୍କର ଯୋଜନାକୁ ସଫଳ କରିବା ପାଇଁ ଦିନରାତି ଏକ କରି ଦେଇଥିଲେ ।
ସେହି ଅନୁସାରେ ବେତନରେ ମଧ୍ୟ ୧୫ ପ୍ରତିଶତ ବୃଦ୍ଧି କରିବାକୁ ଆଇବିଏ ପ୍ରସ୍ତାବ ଦେଇଥିଲା । କିନ୍ତୁ ଦରମାର ମାତ୍ର ୨ ପ୍ରତିଶତ ବୃଦ୍ଧି ପ୍ରସ୍ତାବକୁ ଏବେ ବିରୋଧ କରିଛନ୍ତି କର୍ମଚାରୀ । ତେବେ ହରତାଳ ପୂର୍ବରୁ ବ୍ୟାଙ୍କ କର୍ମଚାରୀ ମେ ୨୯ରେ ଭାରତୀୟ ଷ୍ଟେଟ ବ୍ୟାଙ୍କର ମୁମ୍ବାଇ ସ୍ଥିତ ମୁଖ୍ୟ କାର୍ଯ୍ୟାଳୟ ସାମ୍ନାରେ ବିକ୍ଷୋଭ କରିବେ । ମୋଟ ୯ଟି ବ୍ୟାଙ୍କର କର୍ମଚାରୀ ହରତାଳରେ ସାମିଲ ହେବେ ବୋଲି ଜଣାପଡ଼ିଛି ।