ପ୍ରଦୂଷଣ ଉପରେ ଲାଗିବ ଲଗାମ୍ ! ସରକାର ନେବେ ନୂଆ ପଦକ୍ଷେପ, ଉପକୃତ ହେବେ କୃଷକ
ଦିଲ୍ଲୀରେ ଦିନକୁ ଦିନ ପ୍ରଦୂଷଣର ମାତ୍ରା ବଢି ବଢି ଚାଲିଛି । ବାୟୁମଣ୍ଡଳର ବିଷ ବଳୟରେ ବାନ୍ଧି ହୋଇ ଯାଇଛି ଦିଲ୍ଳୀ । ଯାହାର ପ୍ରଭାବ ସିଧାସଳଖ ସାଧାରଣ ଲୋକଙ୍କ ସ୍ୱାସ୍ଥ୍ୟ ଉପରେ ପଡୁଛି । ଦିଲ୍ଲୀରେ ଏଭଳି ପରିସ୍ଥିତି ଲାଗି ରହିଥିବା ବେଳେ ଅନେକ ଲୋକ ଦିଲ୍ଳୀ ଛାଡିବାକୁ ବାଧ୍ୟ ହେଉଛନ୍ତି । ରାଜଧାନୀ ଦିଲ୍ଲୀରେ ପ୍ରଦୂଷଣ ଉପରେ ଅଙ୍କୁଶ ଲଗାଇବା ପାଇଁ ସରକାର ଅଭିନବ ଉପାୟ ଚିନ୍ତା କରିଛନ୍ତି । ପ୍ରଦୂଷଣ ରୋକିବା ସହିତ ୟୁପି, ପଂଜାବ, ହରିୟାଣାର କୃଷକ ମାନଙ୍କର ମଙ୍ଗଳ ଚିନ୍ତା କରି ସରକାର ସେମାନଙ୍କ ଠାରୁ ନଡା କିଣିବାକୁ ନିର୍ଣ୍ଣୟ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୃଷକଙ୍କ ଠାରୁ କଣା ଯାଇଥିବା ନଡ଼ା ସାହାଯ୍ୟରେ ବିଜୁଳି ଉତ୍ପାଦନ୍ କରାଯିବ ବୋଲି କେନ୍ଦ୍ର ସରକାର ମତ ପ୍ରକାଶ କରିଛନ୍ତି । ଧାନ ଫସଲ କଟାଯିବା ପରେ ଖେତର ବଳକା ଅଂଶ ରହିଥିବା ନଡା ସାହାଯ୍ୟରେ ପ୍ରଦୂଷଣରୁ ମୁକ୍ତି ଅର୍ଥରେ ସରକାର ଏକ ନୂତନ ପଦ୍ଧତିକୁ ଆପଣାଇଛନ୍ତି । ଏବଂ ଏହି ନଡା କିପରି ବଜାରରେ ଭଲ ଦରରେ ବିକ୍ରି ହେବ ସେ ନେଇ ପଦକ୍ଷେପ ନେଇଛନ୍ତି । ବର୍ତ୍ତମାନ ଥର୍ମାଲ ପାୱର ଷ୍ଟେସନଗୁଡିକରେ ଇନ୍ଧନ ପ୍ରକ୍ରିୟା ଲାଗି କୋଇଲା ସହ ୧୦ ପ୍ରତିଶତ ନଡା ଜଳାଯିବ । ସରକାରୀ କମ୍ପାନୀ ଏନଟିପିସି ଖୁବ ଶୀଘ୍ର ନଡା କିଣିବା ଲାଗି ଟେଂଡର ଜାରି କରିବେ ।
କୃଷକଙ୍କୁ ମିଳିବ ଲାଭ-
ସରକାରଙ୍କ ଏପରି ପଦକ୍ଷେପ ଯୋଗୁଁ ବହୁଦିନ ଧରି କୃଷିମାନେ ଭୋଗି ଆସୁଥିବା ସମସ୍ୟାର ସମାଧାନ ହୋଇପାରିବ । କେବଳ ଯେ କୃଷକଙ୍କ ସମସ୍ୟା ଦୂର ହେବ ତା’ ନୁହେଁ ଥର୍ମାଲ ପାୱର ଷ୍ଟେସନ ଗୁଡିକରେ ନଡାର ବ୍ୟବହାରତ ଯୋଗୁଁ ପ୍ରଦୂଷଣ ସମସ୍ୟା ମଧ୍ୟ ହ୍ରାସ ପାଇବ । ସେହିପରି ଏଥିରୁ କୃଷକମାନଙ୍କୁ ମଧ୍ୟ ଅଧିକ ଫାଇଦା ମିଳିବ । ଏନଟିପିସି ନଡା କିଣବା ପ୍ରକ୍ରିୟା ପାଇଁ ଖୁବ୍ ଶୀଘ୍ର ଟେଣ୍ଡର ଜାରି କରିବେ । ଏହି ନିଷ୍ପତି ଅନୁଯାୟୀ ସରକାର ସମସ୍ତ ଥର୍ମାଲ ପାୱାର ଷ୍ଟେସନରେ ନଡା ବ୍ୟବହାର କରିବା ଅନିବାର୍ଯ୍ୟ ବୋଲି ଜାରି କରିବେ । ନଡାକୁ ବଜାରରେ ବିକ୍ରି ଯୋଗ୍ୟ କରି ସିଧାସଳଖ ବିକ୍ରି କରି ସଠିକ ମୂଲ୍ୟ ଲଗାଇ ପାରିବେ କୃଷକ ।