ଚାଇଲ୍ଡ ପର୍ନୋଗ୍ରାଫିର ଭିଡିଓ କିମ୍ବା ଲିଙ୍କ ସେୟାର କଲେ ହେବ ଜେଲ୍ । କେନ୍ଦ୍ର ସରକାର ନେଲେ ବଡ ନିଷ୍ପତ୍ତି ।
କନକ ବ୍ୟୁରୋ : ଇଂଟରନେଟ୍ ବ୍ୟବହାରକାରୀ ସାବଧାନ । ଭୁଲରେ ମଧ୍ୟ ଇଣ୍ଟରନେଟରେ ସର୍ଚ୍ଚ କରନ୍ତୁ ନାହିଁ ଚାଇଲ୍ଡ ପର୍ନୋଗ୍ରାଫି । ଏବଂ ଏହା ସମ୍ବନ୍ଧିତ କୌଣସି ବି ଲିଙ୍କ କିମ୍ବା ଭିଡିଓ କାହାରିକୁ ପଠାନ୍ତୁ ନାହିଁ । ଯଦି ଆପଣ ଏପରି କରୁଛନ୍ତି, ତେବେ ଆପଣଙ୍କ ମୋବାଇଲ, କିମ୍ବା କମ୍ପ୍ୟୁଟର ଏବଂ ଲାପଟପ୍ ଏକ ଗୁଇନ୍ଦା ଏଜେନ୍ସିର ରାଡାରକୁ ଚାଲିଆସିବ । ଚାଇଲ୍ଡ ପର୍ନୋଗ୍ରାଫି ଉପରେ ରୋକ ଲଗାଇବା ପାଇଁ ବଡ ପଦକ୍ଷେପ ନେଇଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
ଦେଶରେ କୌଣସି ବି ସ୍ଥାନରେ ଯଦି ଇଣ୍ଟରନେଟରେ ଏଭଳି କିଛି ସର୍ଚ୍ଚ କରାହୁଏ, ତେବେ ଏହାର ସୂଚନା ଏହି ଗୁଇନ୍ଦା ଏଜେନ୍ସି ନିକଟକୁ ଚାଲିଆସିବ । ଆଉ ଏହା ପରେ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ନିଆଯିବ ଆଇନଗତ କାର୍ଯ୍ୟାନୁଷ୍ଠାନ ।
ଚାଇଲ୍ଡ ପର୍ନୋଗ୍ରାଫି ସମ୍ବନ୍ଧିତ କୌଣସି ବି ଭିଡିଓ ତଥା ଲିଙ୍କ୍ ଡାଉନଲୋଡ କିମ୍ବା ସେୟାର କଲେ, ଅଭିଯୁକ୍ତଙ୍କ ବିରୋଧରେ ଆଇଟି ଆକ୍ଟର ଧାରା ୬୭-ବିରେ ମାମଲା ଦାୟର କରାଯିବ । ଆଉ ଏଥିରେ ଅଭିଯୁକ୍ତଙ୍କୁ ୫ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ହୋଇପାରେ ।