କେଉଁ ଦୋକାନରେ ମିଳିବ ୨.୫୦ ଟଙ୍କିଆ ପ୍ୟାଡ଼୍ ? ତାହାର ଠିକଣା ଓ ଫୋନ ନମ୍ବର ଟିପି ରଖନ୍ତୁ
କିଛି ଦିନ ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ‘ଖୁସି’ ଯୋଜନାରେ ଓଡିଶାର ମହିଳାଙ୍କୁ କମ ଦରରେ ସ୍ୟାନିଟାରୀ ନ୍ୟାପକିନ ଯୋଗାଇ ଦେବାପାଇଁ ନିଷ୍ପତ୍ତି ନେଇଥିଲେ । ତେବେ କେନ୍ଦ୍ର ସରକାର ମଧ୍ୟ ଅନ୍ତର୍ଜାତୀୟ ମହିଳା ଦିବସ ଅବସରରେ ମହିଳାମାନଙ୍କ ପାଇଁ ଏକ ଖାସ ଉପହାର ଦେଇଛନ୍ତି । ମହିଳାଙ୍କ ସ୍ୱାସ୍ଥ୍ୟକୁ ଧ୍ୟାନରେ ରଖି, ସରକାର ଗତ ଗୁରୁବାର ଦିନ ସ୍ୟାନିଟାରୀ ନ୍ୟାପକିନ( ସ୍ୟାନିଟାରୀ ପ୍ୟାଡ) ଲଂଚ କରିଛନ୍ତି । ଏଥିରେ ପ୍ରତିପ୍ୟାଡର ମୂଲ୍ୟ ମାତ୍ର ୨.୫୦ ଟଙ୍କା । ଅନ୍ୟପଟେ ୪ଟି ପ୍ୟାଡ ଥିବା ପ୍ୟାକେଟର ମୂଲ୍ୟ ମାତ୍ର ୧୦ ଟଙ୍କା । ତେବେ ବଜାରରେ ଉପଲବ୍ଧ ଥିବା ସ୍ୟାନିଟାରୀ ପ୍ୟାଡର ମୂଲ୍ୟ ଠାରୁ ଏହାର ମୂଲ୍ୟ ଖୁବ କମ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଏହି ୧୦ ଟଙ୍କିଆ ସ୍ୟାନିଟରୀ ନ୍ୟାପକିନସ ସମସ୍ତ ପ୍ରଧାନମନ୍ତ୍ରୀ ଜନଔଷଧୀ ପରିଯୋଜନ କେନ୍ଦ୍ରରେ ଉପଲବ୍ଧ ରହିବ । କିନ୍ତୁ ଆପଣଙ୍କ ପାଖରେ ଜନଔଷଧି କେନ୍ଦ୍ର କେଉଁଠି ରହିଛି, ଖୋଜିବା ପାଇଁ ଅସୁବିଧା ହୋଇପାରେ । ତେବେ ଆସନ୍ତୁ ଜାଣିବା ଆପଣ ଆପଣଙ୍କ ଅଂଚଳରେ ଜନଔଷଧି କେନ୍ଦ୍ରର ଠିକଣା ଓ ଫୋନ ନମ୍ବର କିପରି ପାଇବେ ।
ଏଥିପାଇଁ ଆପଣ http://janaushadhi.gov.in ୱେବସାଇଟକୁ ଯାଆନ୍ତୁ । ସେଥିରେ ଉପଲବ୍ଧ ଥିବା STORES ସେକ୍ସନକୁ କ୍ଲିକ କରନ୍ତୁ । ଯଦି ଆପଣ ୱେବସାଇଟକୁ ଡେକ୍ସଟପରେ ଦେଖୁଛନ୍ତି, ତେବେ ବାମପାଶ୍ୱର୍ରେ ସମସ୍ତ ରାଜ୍ୟର ତାଲିକା ଉପଲବ୍ଧ ଥିବ । ଏହାର ଟିକେ ଆଗକୁ ଗଲେ କେଉଁ ରାଜ୍ୟରେ କେତେଟି ଷ୍ଟୋର ରହିଛି, ତା’ହାର ତାଲକିା ପାଇବେ । ଆପଣ ଏଥିରେ କ୍ଲିକ କରିଲା ମାତ୍ରେ ଆପଣଙ୍କୁ ପୁରା ଠିକଣା ମିଳିଯିବ । ତାହାସହ ଦୋକାନର ଠିକଣା ଓ ଫୋନ ନମ୍ବର ମଧ୍ୟ ମିଳିଯିବ ।
ମୋବାଇଲ ୟୁଜର୍ସମାନେ କିପରି ପାଇବେ ?
ଯଦି ଆପଣ ମୋବାଇଲରେ ଏହି ୱେବସାଇଟକୁ ଦେଖୁଛନ୍ତି, ତେବେ ଆପଣଙ୍କୁ ଟିକେ ଅଧିକ କଷ୍ଟ କରିବା ପାଇଁ ପଡ଼ିବ । କାରଣ ଷ୍ଟୋର ଉପରେ କ୍ଲିକ କରିବା ପରେ ଆପଣଙ୍କୁ ପଞ୍ଜାବର ଜନଔଷଧି କେନ୍ଦ୍ର ଲିଷ୍ଟ ମିଳିବ । ଏକ ସରକାରୀ ସର୍ଭେ ଅନୁସାରେ, ଭାରତର ଗ୍ରାମୀଣ ଅଂଚଳଗୁଡିକରେ କେବଳ ୪୮ ପ୍ରତିଶତ ମହିଳା ସ୍ୟାନିଟାରୀ ନ୍ୟାପକିନ ବ୍ୟବହାର କରୁଥିଲା ବେଳେ ସହରାଂଚଳର ମହିଳା ୭୮ ପ୍ରତିଶତ ବ୍ୟବହାର କରୁଛନ୍ତି । ତେବେ ମହିଳାମାନେ ସ୍ୟାନିଟାରୀ ପ୍ୟାଡ଼ ବ୍ୟବହାର ନକରିବା ଅନେକ କାରଣ ରହିଛି, ଏଥିରେ ପ୍ୟାଡ଼ର ଦାମ ମଧ୍ୟ ସାମିଲ ରହିଛି । ନ୍ୟାସନାଲ ଫ୍ୟାମିଲି ହେଥ୍ଲ ସର୍ଭେ ୨୦୧୫-୧୬ରେ ଏହି ତଥ୍ୟ ସାମ୍ନାକୁ ଆସିଥିଲା କି, ଭାରତରେ ୧୫-୧୪ ବର୍ଷରେ ପାଖାପାଖି ୫୮ ପ୍ରତିଶତ ମହିଳା ଆଂଚଳିକ ଭାବେ ତିଆରି ହେଉଥିବା ସ୍ୟାନିଟରୀ ନ୍ୟାପକିନ୍ସ ବ୍ୟବହାର କରୁଛନ୍ତି ।