କନକ ବ୍ୟୁରୋ : ନନ୍ଦନକାନନ ପର୍ଯ୍ୟଟକଙ୍କ ପାଇଁ ଖୁସୀ ଖବର । ୬୦ ନମ୍ବର ‘କ’ ଖୁଆଡ ମଧ୍ୟରେ ରହୁଥିବା ସିମ୍ପାଞ୍ଜି ପମ୍ପେଟା ତା ଷଷ୍ଠ ଗର୍ଭରୁ ଜୁଲୁ ଔରସର ସନ୍ତାନକୁ ଜନ୍ମ ଦେଇଛି । ଶାବକଟି ମାଈ ବୋଲି ଜଣା ପଡିଛି । ନନ୍ଦନକାନନର ମୋଟ ସିମ୍ପାଞ୍ଜି ସଂଖ୍ୟା ୫କୁ ବୃଦ୍ଧି ହୋଇଛି । ଏମାନଙ୍କ ମଧ୍ୟରେ ଜୁଲୁ,ପମ୍ପେଟା,ପୂର୍ଣ୍ଣିମା,ରାକ୍ଷୀ ଓ ଜନ୍ମିତ ଶାବକଟି ଅଛି । ପମ୍ପେଟା ଜନ୍ମ ଦେଇଥିବା ଶାବକ ମାନଙ୍କ ମଧ୍ୟରୁ ୩ଟିଙ୍କର ମୃତ୍ୟୁ ହୋଇଥିବା ବେଳେ ଗୋଟିଏ ପୂର୍ଣ୍ଣିମା ଏବେ ନନ୍ଦନକାନନରେ ଅଛି । ରାକ୍ଷୀ ନାମକ ସନ୍ତାନକୁ ଜିରାଫ ପ୍ରତି ବଦଳରେ ପାଟନା ଚିଡିଆଖାନାକୁ ନନ୍ଦନକାନନ କର୍ତୁପକ୍ଷ ପଠାଇ ଦେଇଛନ୍ତି ।

ପମ୍ପେଟା ପ୍ରଥମେ ୧୯୯୮ ମେ ୧୨ ତାରିଖରେ ବର୍ଷାକୁ ଜନ୍ମ ଦେଇଥିଲା। ମାତ୍ର ୬ ମାସ ପରେ ତାର ମୃତ୍ୟୁ ହୋଇଯାଇଥିଲା। ପମ୍ପେଟା ଗର୍ଭରୁ ପୂର୍ବରୁ ଜନ୍ମ ନେଇଥିବା ୫ଟି ଶାବକଙ୍କ ମଧ୍ୟରୁ ୩ଟିଙ୍କର ମୃତ୍ୟୁ ହୋଇଯାଇଥିବା ବେଳେ ପୂର୍ଣ୍ଣିମା ଏବେ ଜୀବିତ ଥିବା ଅଛି ଏବଂ ଅନ୍ୟ ଏକ ସିମ୍ପାଞ୍ଜି ସୁଭଦ୍ରାକୁ ପାଟନା ପଠାଯାଇଛି।