ଦୂତିଙ୍କ ଦୁର୍ଦ୍ଦିନରେ ସାହାରା ବନିଥିବା ଗୋପୀଚାନ୍ଦ ତାଙ୍କ ପ୍ରଶଂସାରେ ହେଲେ ଶତମୁଖ, କହିଲେ- ତାଙ୍କର ସାହାସ ଓ ସଂକଳ୍ପକୁ ସଲାମ
ଡୋପିଙ୍ଗ ପାଇଁ ପ୍ରତିବନ୍ଧକ ସହିଥିବା ଓ ପୁଣି ଫେରି ମଂଚ ଉପରକୁ ଆସିବା ଠାରୁ ଏସିଆନ ଗେମ୍ ରେ ସିଲଭର ମେଡାଲ ପର୍ଯ୍ୟନ୍ତ ଦୂତିଙ୍କ ଯାତ୍ରା କୈାଣସି କରିଶ୍ମା ଠାରୁ କମ୍ ନୁହେଁ । ବର୍ଷ ୨୦୧୪ରେ ଟେଷ୍ଟୋଷ୍ଟେରୋନ୍ ଔଷଧର ଅତ୍ୟଧିକ ସେବନ ମାମଲାରେ ଫସିବା ପରେ ତାଙ୍କୁ ଆଇଏଏଏଏଫ ତରଫରୁ ପ୍ରତିବନ୍ଧକ ଲଗାଯାଇଥିଲା । କିନ୍ତୁ ପରେ ଖେଳର ପଂଚ ଫଇସଲାରେ ଆବେଦନ କରି ଏହି ପ୍ରତିବନ୍ଧକ ବିରୁଦ୍ଧରେ ବିଜୟ ହାସଲ କରିଥିଲେ । ଯେଉଁ ସମୟରେ ସେ ପ୍ରତିବନ୍ଧକ ଦେଇ ଅତିକ୍ରମ କରୁଥିଲେ, ସେତେବେଳେ କେହି ବି ତାଙ୍କୁ ସମର୍ଥନ କରିନଥିଲେ । ଏମିତି ସମୟରେ ଜାତୀୟ ବ୍ୟାଡମିଣ୍ଟନର ମୁଖ୍ୟ କୋଚ୍ ପୁଲେଲା ଗୋପିଚାନ୍ଦ ତାଙ୍କୁ ସାହାରା ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦୂତି ଚାନ୍ଦ ଯେତେବେଳେ ଏସିଆନ ଗେମ୍ସରେ ୧୦୦ ମିଟର ଦୈାଡ଼ରେ ଦ୍ୱିତୀୟ ସବୁଠାରୁ ଦ୍ରୁତ ମହିଳାର ଉପାଧି ହାସଲ କଲେ, ସେତେବେଳେ ଗୋପୀଚାନ୍ଦ ବି ଜାକର୍ତ୍ତାରେ ଥିଲେ ଓ ବହୁତ ଖୁସି ଥିଲେ । ଗୋପୀଚାନ୍ଦ କହିଲେ , “ଆଜି ମୋ ପାଇଁ ବହୁତ ଖୁସିର ଦିନ । ଦୂତି ଯାହା ହାସଲ କଲେ, ତାହା ଆମ ସବୁ ଖେଳାଳୀଙ୍କ ପାଇଁ ପ୍ରେରଣା ।” ଦୂତିଙ୍କ ପ୍ରଶଂସାରେ ସେ କହିଲେ, “ କେହି ବି ତାଙ୍କର ସଂକଳ୍ପ ଓ ସାହାସକୁ ସଲାମ କରିପାରିିବ । ମତେ ସଂପୁର୍ଣ୍ଣ ଭରସା ଅଛି ଯେ, ଦୂତି ସେମାନଙ୍କ ପାଇଁ ରୋଲ ମଡେଲ, ଯେଉଁମାନେ ମୁସ୍କିଲରେ ଆଗକୁ ବଢ଼ିବାକୁ ଚାହାଁନ୍ତି ।” ଦୂତି ୧୦୦ ମିଟର ମହିଳା ଦୈାଡ଼ରେ ଦେଶକୁ ପାଖାପାଖି ୨୦ ବର୍ଷ ପରେ ପଦକ ଜିତାଇଲେ । ଏହି ସ୍ପର୍ଧାରେ ଶେଷ ଥର ବର୍ଷ ୧୯୯୮ରେ ଏସିଆନ ଗେମ୍ସରେ ରଚିତା ମିସ୍ତ୍ରୀ କାଂସ୍ୟ ପଦକ ଜିତିଥିଲେ । ୨୨ ବର୍ଷୀୟ ଦୂତିଙ୍କ ଏହା ପ୍ରଥମ ଏସିଆନ ଗେମ୍ସ ।