ଉପରାଷ୍ଟ୍ରପତି ନିର୍ବାଚନ : ଗୋପାଳକୃଷ୍ଣ ଗାନ୍ଧି ହୋଇପାରନ୍ତି ୟୁପିଏର ଉପରାଷ୍ଟ୍ରପତି ପ୍ରାର୍ଥୀ
କନକ ବ୍ୟୁରୋ: ଗୋପାଳକୃଷ୍ଣ ଗାନ୍ଧି ହୋଇପାରନ୍ତି ୟୁପିଏର ଉପରାଷ୍ଟ୍ରପତି ପ୍ରାର୍ଥୀ । ମହାତ୍ମା ଗାନ୍ଧିଙ୍କ ନାତି ଭାବେ ସ୍ୱତନ୍ତ୍ର ପରିଚୟ ଥିବା ଗୋପାଳକୃଷ୍ଣଙ୍କୁ ଉପରାଷ୍ଟ୍ରପତି ପ୍ରାର୍ଥୀ କରିବାକୁ ମିଳିତ ବିରୋଧୀଦଳ ବୈଠକରେ ନିଷ୍ପତି ନିଆଯାଇଛି । ଆଜି ଦିଲ୍ଲୀରେ ବସିଥିବା ଅଣ ଏନଡିଏ ଦଳ ଗୁଡିକର ଗୁରୁତ୍ୱପୂର୍ଣ ବୈଠକରେ ଗୋପାଳକୃଷ୍ଣଙ୍କୁ ଉପରାଷ୍ଟ୍ରପତି ପ୍ରାର୍ଥୀ କରିବା ସଂପର୍କରେ ସହମତି ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ ଗୋପାଳକୃଷ୍ଣ ଗାନ୍ଧିଙ୍କୁ ନିର୍ବାଚନରେ ପ୍ରତିଦ୍ୱନ୍ଦିତା କରିବାକୁ ଅପିଲ କରିବା ପରେ ନାଁ ଘୋଷଣା ହେବ ବୋଲି ସୂଚନା ମିଳିଛି । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ଜେଡିୟୁ, ଆର୍ଜେଡି, ଟିଏମସି ଓ ବାମଦଳ ସମେତ ମୋଟ ୧୮ଟି ରାଜନୈତିକ ଦଳର ପ୍ରତିନିଧି ସାମିଲ ହୋଇଥିଲେ । ଅନ୍ୟପଟେ ଏଯାଏଁ ଉପରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିନାହିଁ ଏନ୍ଡିଏ ନେତୃତ୍ୱାଧିନ ବିଜେପି ।