କନ୍ନଡ କବିଙ୍କୁ ସମ୍ମାନ ଜଣାଇଲା ଗୁଗୁଲ । କୃଭେପଙ୍କୁ ଡୁଡୁଲ କରି ଜନ୍ମଦିବସରେ ମନେପକାଇଲା ବିଶ୍ୱର ସର୍ବବୃହତ ସର୍ଚ୍ଚ ଇଂଜିନ
ବିଶ୍ୱର ସର୍ବବୃହତ ସର୍ଚ୍ଚ ଇଂଜିନ ଗୁଗଲ ପୁଣିଥରେ ଜଣେ ପ୍ରସିଦ୍ଧ ବ୍ୟକ୍ତିଙ୍କୁ ଡୁଡଲରେ ସ୍ଥାନ ଦେଇଛି । ଆଜି ଗୁଗଲ କନ୍ନଡ ଭାଷାର କବି କୃପାଲୀ ଭେଙ୍କଟପ୍ପା ପୁଟପ୍ପାଙ୍କ ୧୧୩ ଜନ୍ମ ବାର୍ଷିକୀରେ ଡୁଡଲ କରି ସମ୍ମାନୀତ କରିଛି । ସେ କୃଭେପୁ ନାମରେ ମଧ୍ୟ ପରିଚିତ । ତାଙ୍କର ଜନ୍ମ ୨୯ ଡିସେମ୍ବର ୧୯୦୪ରେ ମୈସୁରର କୋପ୍ପା ତାଲୁକ ଠାରେ ହୋଇଥିଲା । ସେ କନ୍ନଡ ଭାଷାରେ ଅନେକ କବିତା, କାହାଣୀ, ଉପନ୍ୟାସର ରଚନା କରଛନ୍ତି । ସେ କନ୍ନଡ ଭାଷାର ପ୍ରଥମ ଲେଖକ ଭାବେ ଜ୍ଞାନପୀଠ ପୁରସ୍କାରରେ ସମ୍ମାନୀତ ହୋଇଥିଲେ । କେବଳ ଏହା ନୁହେଁ ଅଭିନେତା ଓ ନିର୍ଦ୍ଦେଶକ ଗିରିଶ କର୍ନାଇ ତାଙ୍କ ଉପରେ ଫିଲ୍ମ ମଧ୍ୟ ନିର୍ମାଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
କୃଭେପୁ ରାମାୟଣକୁ ନୂଆ ରୂପରେ ବ୍ୟାଖା କରି ପ୍ରସିଦ୍ଧି ଲାଭ କରିଥିଲେ । ସେ ତାଙ୍କର ପୁସ୍ତକ ‘ଶ୍ରୀ ରାମାୟଣ ଦର୍ଶନମ’ ଜରିଆରେ ରାମାୟଣକୁ ଆଧୁନିକ ରୂପରେ ଦର୍ଶାଇ ଥିଲେ । ଯାହାକୁ ଖୁବ ପସନ୍ଦ କରାଯାଇଥିଲା । ତାଙ୍କୁ ୧୯୮୮ରେ ପଦ୍ମ ବିଭୁଷଣରେ ସମ୍ମାନୀତ କରାଯାଇଥିଲା । ସେ କର୍ଣ୍ଣାଟକର ରାଜ୍ୟ ଗୀତ ଜୟ ଭାରତର ମଧ୍ୟ ରଚନା କରିଥିଲେ ।
୧୯୯୯ ରେ କୃଭେପୁଙ୍କ ଉପରେ ଏକ ଫିଲ୍ମ ନିର୍ମାଣ କରାଯାଇଥିଲା । ଏହି ଫିଲ୍ମର କାହାଣୀ ସ୍ୱାଧୀନତା ପୂର୍ବର ଏକ ପରିବାର ଉପରେ ଆଧାରିତ ହୋଇଥିଲା । ୨୦୦୦ରେ ଏହି ଫିଲ୍ମ କନ୍ନଡର ବେଷ୍ଟ ଫିଚର ଫିଲ୍ମ ଭାବେ ରାଷ୍ଟ୍ରୀୟ ଫିଲ୍ମ ପୁରସ୍କାର ପାଇଥିଲା । ସବୁଠାରୁ ବଡ କଥା ଏହା କି ଫିଲ୍ମ ରିଲିଜ ହେବା ପରେ ଏହି ଉପନ୍ୟାସର ଲୋକପ୍ରୟତା ବୃଦ୍ଧି ହୋଇଯାଇଥିଲାଏବଂ ଏହି ଉପନ୍ୟାସର ୨୦୦୦ ପୁସ୍ତକର ପୁନଃପ୍ରକାଶନ କରାଯାଇଥିଲା ।