୧୬ ବର୍ଷୀୟ ହର୍ଷିତକୁ ୧.୪ କୋଟି ଟଙ୍କାର ଚାକିରି ଅଫର୍ ମିଛ ! ଗୁଗୁଲ୍ ନିଜେ କଲା ଖଣ୍ଡନ, କହିଲା ଖବରରେ ନାହିଁ ସତ୍ୟତା
ଚଣ୍ଡିଗଡର ଜଣେ ୧୬ ବର୍ଷୀୟ ବାଳକକୁ ଇଣ୍ଟରନେଟ୍ ସର୍ଚ୍ଚ ଇଂଜିନ୍ ଗୁଗୁଲ୍ ପକ୍ଷରୁ ୧.୪ କୋଟି ଟଙ୍କାର ପ୍ୟାକେଜ୍ ଅଫର୍ ଦିଆଯାଇଛି । ଗୁଗୁଲ୍ ପାଇଁ ଆଇକନ୍ ଡିଜାଇନ୍ କରିବାକୁ ତାଙ୍କୁ ଆମନ୍ତ୍ରଣ କରାଯାଇଛି । ଗତ କିଛି ଦିନ ଧରି ବିଭିନ୍ନ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଥିବା ଏହି ଖବର ଏବେ ମିଛ ବୋଲି ଜଣା ପଡିିଛି । ଗୁଗୁଲ୍ ନିଜେ ଏହି ଖବରକୁ ଖଣ୍ଡନ କରିବା ସହ ଏହାର କୌଣସି ସତ୍ୟତା ନାହିଁ ବୋଲି ସ୍ପଷ୍ଟ କରିଛି । ଏହା ଏକ ମିଛ ଖବର ବୋଲି ରିପୋର୍ଟ ପ୍ରକାଶ କରିଛି ଅମର୍ ଉଜାଲା । ଏହି ରିପୋର୍ଟ ଅନୁଯାୟୀ ଗୁଗୁଲ୍ ପକ୍ଷରୁ ଏପରି କୌଣସି ନିଯୁକ୍ତି କାହାକୁ ଦିଆଯାଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଯେମିତି ଏହି ଘଟଣା ମିଛ ବୋଲି ସାମ୍ନାକୁ ଆସିଛି ତାପରଠାରୁ ହର୍ଷିତଙ୍କ ପରିବାର ପକ୍ଷରୁ ମିଡିଆ ଠାରୁ ଦୂରତା ରକ୍ଷା କରୁଛନ୍ତି । ଏପରିକି ମୋବାଇଲ୍ ନମ୍ବର ସ୍ୱିଚ୍ ଅଫ୍ ରଖିଛନ୍ତି ।
ସୋସିଆଲ୍ ମିଡିଆ ଖବର ଅନୁଯାୟୀ, ଦ୍ୱାଦଶ ଶ୍ରେଣୀ ଉତ୍ତୀର୍ଣ୍ଣ ହୋଇଥିବା ହର୍ଷିତ୍ ଶର୍ମାଙ୍କୁ ମୋଟା ଅଙ୍କର ଅଫର୍ ଦେଇ ନିଜ ଗ୍ରାଫିକ୍ ଡିଜାଇନର ଟିମରେ ସାମିଲ କରିବାକୁ ଗୁଗୁଲ ନିଷ୍ପତ୍ତି ନେଇଥିଲା । ଗୁଗୁଲ୍ ତାଙ୍କୁ ବର୍ଷକ ନିମନ୍ତେ ମାସିକ ୪ ଲକ୍ଷ ଟଙ୍କା ଦରମା ଦେବ । ଏହି ସମୟରେ ତାଙ୍କୁ ଗ୍ରାଫିକ୍ ଡିଜାଇନ୍ ନିମନ୍ତେ ଉନ୍ନତ ତାଲିମ୍ ପ୍ରଦାନ କରାଯିବ । ବର୍ଷ ପୂରଣ ପରେ ତାଙ୍କୁ ଜଣେ ନିୟମିତ କର୍ମଚାରୀ ଭାବେ ବିବେଚନା କରାଯିବ ଏବଂ ମାସକୁ ୧୨ ଲକ୍ଷ ଟଙ୍କା ଦରମା ଦିଆଯିବ ।
ଏ ସଂପର୍କରେ ଗଣମାଧ୍ୟମକୁ ସୂଚନା ଦେଇ ସେ କହିଥିଲେ , ଗ୍ରାଫିକ୍ ଡିଜାଇନର ଭାବେ କାମ କରିବାକୁ ଅନଲାଇନରେ ସେ ଏକ ଚାକିରି ଖୋଜୁଥିଲେ । ଏହାପରେ ସେ ଗୁଗୁଲରେ ଅନଲାଇନ୍ ଆବେଦନ କରିଥିଲେ । ପରେ ତାଙ୍କୁ ଅନଲାଇନରେ ସାକ୍ଷାତକାର ଦେବାକୁ ପଡିଥିଲା । ସାକ୍ଷାତକାର୍ ପରେ ତାଙ୍କୁ ଗୁଗୁଲ୍ ଦ୍ୱାରା ମନୋନୀତ କରାଯାଇଥିଲା ।ହର୍ଷିତ୍ କୁହିଥିଲେ , ୧୦ ବର୍ଷ ବୟସରୁ ସେ ଗ୍ରାଫିକ୍ ଡିଜାଇନିଂ ପ୍ରତି ମନ ବଳାଇଥିଲେ । ଗତବର୍ଷ ସେ ପ୍ରସ୍ତୁତ କରିଥିବା ଏକ ପୋଷ୍ଟର ଗୁଗୁଲ୍ ଦ୍ୱାରା ମନୋନୀତ ହୋଇଥିଲା । ଏମିତି କି ଡିଜିଟାଲ୍ ଇଣ୍ଡିଆ ସ୍କିମରେ ତାଙ୍କୁ କେନ୍ଦ୍ର ସରକାର ପୁରସ୍କୃତ କରିଥିବା ସେମାନେ ଜଣାଇଛନ୍ତି ।