ରିଲାଏନ୍ସ ଜିଓର ମାଗଣା ସେବା ୩୧ ମାର୍ଚ୍ଚ ୨୦୧୭ରେ ଶେଷ ହେଉଛି । ଖବର ଆସୁଛି କମ୍ପାନୀ ଏହାର ସମୟସୀମା ଆଗକୁ ବଢାଇପାରେ । କିନ୍ତୁ କମ୍ପାନୀ ଏନେଇ କୌଣସି ନିଷ୍ପତି ନେଇନାହିଁ । ଟେଲିଆନାଲିସିସ ଦ୍ୱାରା ଜାରି କରାଯାଇଥିବା ରିପୋର୍ଟ ଅନୁସାରେ କମ୍ପାନୀ ଯେତିକ ଆଶା କରିଥିଲା, ରିଲାଏନ୍ସର ଜିଓ ପ୍ରାଇମ ମେମ୍ବରସିପ ପାଇଁ ସେତେ ମାତ୍ରାରେ ଉତ୍ସାହ ଦେଖିବା ପାଇଁ ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ରିଲାଏନ୍ସର ଅନୁମାନ ଥିଲା ଏପର୍ଯ୍ୟନ୍ତ ୨.୨୦ କମ୍ବା ୨.୭୦ କୋଟି ସଂଖ୍ୟାରେ ପଞ୍ଜୀକରଣ ହେବ କିନ୍ତୁ ଏପରି ହେଲା ନାହିଁ । ଯାହାର ପରିଣାମ ସ୍ୱରୂପ କମ୍ପାନୀ ସମୟସୀମାକୁ ଆଗକୁ ବଢାଇପାରେ ବୋଲି ଶୁଣାଯାଉଛି ।ରିପୋର୍ଟ ଅନୁସାରେ ରିଲାଏନ୍ସ ଜିଓ ପ୍ରାଇମ ସେବାର ପଞ୍ଜୀକରଣ ତିଥିକୁ ଆଗକୁ ବଢାଇ ୩୦ ଏପ୍ରିଲ ପର୍ଯ୍ୟନ୍ତ କରାଯାଇପାରେ ।
ଏହାସହ ଏଇଠି କହିରଖଛୁୁ କମ୍ପାନୀ ତରଫରୁ ଏନେଇ କୌଣସି ସ୍ଫଷ୍ଟ ମତପ୍ରକାଶ ଆସିନାହିଁ । ସୂତ୍ର ଅନୁସାରେ କମ୍ପାନୀକୁ ଏପର୍ଯ୍ୟନ୍ତ ୫୦ ପ୍ରତିଶତ ପଞ୍ଜୀକରଣ ମିଳିଛି । ଏହାର ଅସଲ ସଂଖ୍ୟା କେତେ ଅଛି ତାହା ଜଣାପଡି ନାହିଁ । ଖବର ଅନୁସାରେ ପାଖାପାଖି ୮୪ ପ୍ରତିଶତ ଜିଓ ଗ୍ରାହକ ପ୍ରାଇମ ମେମ୍ବରସିପକୁ ସମର୍ଥନ କରୁଛନ୍ତି ।
ଶୁଣାଯାଉଛି ରିଲାଏନ୍ସ ଜିଓ ୧ ଅପ୍ରେଲ ଠାରୁ ନିଜର ମାଗଣା ସେବାକୁ ଶେଷ କରିବା ସହ ପ୍ରାଇମ ଅଫରକୁ ଆରମ୍ଭ କରିବା ପାଇଁ ଘୋଷଣା କରିଛି । ୧ ଏପ୍ରିଲ ଠାରୁ ରିଲାଏନ୍ସ ଜିଓ ପ୍ରାଇମର ଉପଭୋକ୍ତାଙ୍କୁ ୯୯ ଟଙ୍କାର ପଞ୍ଜୀକରଣ ପାଉଣା ଓ ୩୦୩ ଟଙ୍କାର ମାସିକିଆ ଖର୍ଚ୍ଚ ପରେ ଏହି ସୁବିଧା ମିଳିପାରିବ । ଏହି ଅଫର ୩୧ ମାର୍ଚ୍ଚ ୨୦୧୮ ପର୍ଯ୍ୟନ୍ତ ରହିବ ।