କନକ ବ୍ୟୁରୋ : ବିଜେପି ମୁଖପାତ୍ର ଗୋଲକ ମହାପାତ୍ରଙ୍କୁ ଜେରା କଲା ଛତ୍ରପୁର ପୁଲିସ । କାଉନସିଲର ଲଷ୍ମୀଦତ୍ତ ପ୍ରଧାନ ହତ୍ୟା ମାମଲାରେ ଗୋଲକଙ୍କୁ ପଚରାଉଚରା କରାଯାଇଛି । ଏଥିପାଇଁ ଆଜି ଦଳୀୟ ନେତାଙ୍କ ସହ ବିରାଟ ରାଲିରେ ପହଚିଂଥିଲେ ଗୋଲକ । ତଦନ୍ତରେ ପୁଲିସକୁ ସମସ୍ତ ସହାୟତା କରିବେ ବୋଲି ଗୋଲକ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲଷ୍ମୀଦତ୍ତ ପ୍ରଧାନ ହତ୍ୟା ମାମଲାର ମୁଖ୍ୟ ଅଭିଯୁକ୍ତ କୃଷ୍ଣ ନାୟକ ଗୋଲକଙ୍କ ସହ ସଂପୃକ୍ତି ଅଭିଯୋଗ ଆଣିବା ପରେ ଗତକାଲି ତାଙ୍କୁ ନୋଟିସ କରିଥିଲା ଛତ୍ରପୁର ପୋଲିସ । ଏକ ୪୦ ଜଣିଆ ଟିମ ସହ ଭୁବନେଶ୍ୱରରୁ ଛତ୍ରପୁର ଏସଡିପିଓଙ୍କ କାର୍ଯ୍ୟାଳୟ ଅଭିମୁଖେ ବାହାରିଥିଲେ ଗୋଲକ । ସେପଟେ ପୁରା ଘଟଣାକୁ ନେଇ ରାଜନୈତିକ ହଟଚମଟ ଜାରି ରହିଛି । କାରଣ ପୁଲିସର ପଦକ୍ଷେପକୁ ମୂଳରୁ ସନ୍ଦେହ କରିଆସୁଛି ବିଜେପି । ଶାସକ ଦଳର ଇସାରାରେ ଏସପି ଆଶିଷ ସିଂ କାମ କରୁଥିବା ଗୋଲକଙ୍କ ସହ ଭାରତୀୟ ଜନତା ପାର୍ଟି ମଧ୍ୟ ଅଭିଯୋଗ କରିଆସୁଛି ।
ଗୋଟିଏ ପଟେ ୪୦ ଜଣିଆ ଟିମ ସହ ଗୋଲକ ମହାପାତ୍ର ଛତ୍ରପୁରରେ ପହଚିଂଥିବା ବେଳେ ସେଠାରେ ହଜାର ହଜାର ବିଜେପି କର୍ମୀ ଗୋଲକଙ୍କ ସହ ସାମିଲ ହୋଇଥିଲେ । ଏପଟେ କାଉନସିଲର ଲକ୍ଷ୍ମୀଦତ ପ୍ରଧାନ ହତ୍ୟା ମାମଲାରେ ବିଜେଡି ମଧ୍ୟ ତାର ଶକ୍ତି ପ୍ରଦର୍ଶନ କରିଛି । ବିଜେଡି ପକ୍ଷରୁ ଏକ ବିଶାଳ ରାଲି କରାଯିବା ସହ ବିକ୍ଷୋଭ ପ୍ରଦର୍ଶନ କରାଯାଇଛି । ଗୋଲକ ମହାପାତ୍ରଙ୍କ ଗିରଫ ଦାବି କରିଛି ବିଜେଡି । ଯଦି ତାଙ୍କୁ ଗିରଫ କରାନଯାଏ,ଆନ୍ଦୋଳନ ତୀବ୍ରତର କରାଯିବ ବୋଲି ଛତ୍ରପୁର ବିଜେଡି ବିଧାୟକ କହିଛନ୍ତି ।
ସେହପିରି ଗୋଲକ ମହାପାତ୍ର ଆଇନକୁ ସମ୍ମାନ ଜଣାଇ ହାଜର ହେବାକୁ ଯାଉଥିବାବେଳେ ବିଜେଡି ପକ୍ଷରୁ ବିକ୍ଷୋଭ ଓ ଆନ୍ଦୋଳନ କାହିଁକି କରାଯାଉଛି ବୋଲି ପ୍ରଶ୍ନ କରିଛି ବିଜେପି । ବିଜେଡି ମନ୍ତ୍ରୀ ନେତା ଗିରଫ ନେଇ ବାରମ୍ବାର ଆକ୍ଷେପ କରୁଛନ୍ତି । ଥାନାକୁ ଗଲାବେଳେ ବିକ୍ଷୋଭ କରି ତଦନ୍ତକୁ ବାଟବଣା କରିବା ପାଇଁ ଉଦ୍ୟମ କରାଯାଉଛି । ପୁଲିସ ଉପରେ କଣ ବିଜେଡିର ଭରସା ନାହିଁ ବୋଲି ପ୍ରଶ୍ନ କରିଛନ୍ତି ବିଜେପିର ଉପସଭାପତି ସମୀର ମହାନ୍ତି ।