ହ୍ୟାକ୍ ହେଲା ବିଜେପି ୱେବସାଇଟ୍ ! ହ୍ୟାକର୍ସ ଲେଖିଲେ ପାକିସ୍ତାନ ଜିନ୍ଦାବାଦ ।

2

ଭାରତୀୟ ଜନତା ପାର୍ଟିର ୱେବସାଇଟ୍ ହ୍ୟାକ ହୋଇଛି । ଗୋଆ ଭାରତୀୟ ଜନତା ପାର୍ଟିର ପୁରୁଣା ୱେବସାଇଟ୍ ସୋମବାର ହ୍ୟାକ ହୋଇଯାଇଥିଲା । ତେବେ ଗୁରୁତ୍ୱପୂର୍ଣ୍ଣ କଥା ହେଉଛି ହ୍ୟାକର୍ସମାନେ ଏହି ସାଇଟରେ ପାକିସ୍ତାନ ଜିନ୍ଦାବାଦ ବୋଲି ଲେଖି ଦେଇଥିଲେ । ପାର୍ଟିର ଜଣେ ଅଧିକାରୀ ଏହି ସୂଚନା ଦେଇଛନ୍ତି । ୱେବସାଇଟ ହ୍ୟାକ ହେବା ପରେ ଏଥିରେ ‘ଟିମ୍ ପିସିଇ’ ଏବଂ ମହମ୍ମଦ ବିଲାଲ୍ ଲେଖାଯାଇଥିଲା ।

ତେବେ ଗୋଆ ଭାରତୀୟ ଜନତା ପାର୍ଟିର ଆଇଟି ବିଭାଗ ସହ ଯୋଡିହୋଇଥିବା ଜଣେ ଅଧିକାରୀଙ୍କ କହିବା ଅନୁଯାୟୀ, ଯେଉଁ ୱେବସାଇଟଟି ହ୍ୟାକ ହୋଇଛି, ତାହା ପାର୍ଟିର ପୁରୁଣା ୱେବସାଇଟ୍ ଥିଲା । କିନ୍ତୁ ନୂଆ ୱେବସାଇଟରେ ଆଣ୍ଟି-ହ୍ୟାକିଂ ସିକ୍ୟୋରିଟି ବ୍ୟବସ୍ଥା ରହିଛି । ୱେବସାଇଟ ହ୍ୟାକ ହେବାର ଅନେକ ସମୟ ବିତି ଯାଇଥିଲେ ମଧ୍ୟ ପାର୍ଟି ପକ୍ଷରୁ ପୋଲିସ ନିକଟରେ ଏପର୍ଯ୍ୟନ୍ତ କୌଣସି ଅଭିଯୋଗ କରାଯାଇନାହିଁ । ଏହା ସହ ବିଜେପିର ଗୋଆ ମହାସଚିବ ସଦାନନ୍ଦ ତନାବଡେ ଏହି ସମ୍ବନ୍ଧରେ କୌଣସି ସୂଚନା ଦେବା ପାଇଁ ମନା କରିଦେଇଛନ୍ତି ।

Comments are closed.