କନକ ବ୍ୟୁରେ : କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଗତକାଲି ଗୋଆ ଗସ୍ତରେ ମୁଖ୍ୟମନ୍ତ୍ରୀ ମନୋହର ପାରିକରଙ୍କୁ ଭେଟି ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ । ଆଉ ରାହୁଲ ଗାନ୍ଧୀଙ୍କ ବିନମ୍ରତା ଗୁଣ ଯୋଗୁଁ ଜଣେ ବିଜେପି ବିଧାୟକ ବେଶ୍ ପ୍ରଭାବିତ ହୋଇଛନ୍ତି । ଗୋଆ ବିଧାନସଭାର ଉପବାଚସ୍ପତି ତଥା ବିଜେପି ବିଧାୟକ ମାଇକେଲ୍ ଲୋବୋ ରାହୁଲ ଗାନ୍ଧୀଙ୍କୁ ଭୁରି ଭୁରି ପ୍ରଶଂସା କରୁଛନ୍ତି । କଂଗ୍ରେସ ଅଧ୍ୟକ୍ଷଙ୍କ ବିନମ୍ରତା ଗୁଣ ବିଷୟରେ ସମସ୍ତେ ଜାଣିବା ଆବଶ୍ୟକ ବୋଲି କହିଛନ୍ତି । ସେ ଜଣେ ଅତି ସାଧାରଣ ମଣିଷ । ଗୋଆ ଓ ଭାରତକୁ ଏପରି ଜଣେ ନେତାର ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ମାଇକେଲ୍ କହିଛନ୍ତି ମୁଖ୍ୟମନ୍ତ୍ରୀ ମନୋହର ପାରିକରଙ୍କୁ ସାକ୍ଷାତ କରିବା ପାଇଁ ସ୍ୱତନ୍ତ୍ର ରୂପେ ରାହୁଲ ଗାନ୍ଧୀ ଗୋଆ ଗସ୍ତରେ ଆସିଥିଲେ । ଆଉ ଏଠାକୁ ଆସି ମୁଖ୍ୟମନ୍ତ୍ରୀଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ । ମନୋହର ପାରିକରଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ପାଇଁ ପ୍ରାର୍ଥନା ମଧ୍ୟ କରିଥିଲେ ।
ସୂଚନାଯୋଗ୍ୟ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଗତକାଲି ଗୋଆ ମୁଖ୍ୟମନ୍ତ୍ରୀ ମନୋହର ପାରିକରଙ୍କୁ ବିଧାନସଭା ପରିସରରରେ ସାକ୍ଷାତ କରିଥିଲେ । ଭେଟିବା ପରେ ରାହୁଲ ଗାନ୍ଧି ଟୁଇଟ କରି ସୂଚନା ଦେବା ସହ ଏହା ଏକ ସୌଜନ୍ୟମୂଳକ ସାକ୍ଷାତ ଥିଲା ବୋଲ ଲେଖିଥିଲେ । ଏଥିସହ ପାରିକର ଶୀଘ୍ର ସୁସ୍ଥ ହୁଅନ୍ତୁ ବୋଲି କାମନା କରିଥିଲେ ।