ଜିମେଲ ଆସୁଛି ନୂଆ ରୂପରେ : ଜିମେଲର ନୂଆ ସଂସ୍କରଣରେ ଆପଣଙ୍କୁ ମିଳିବ ଏହି ଶାନଦାର ଫିଚର୍ସ
ଗୁଗଲ ଜିମେଲର ନୂଆ ସଂସ୍କରଣ ଜାରି କରିବାକୁ ଯାଉଛି । ଏହାର କିଛି ଫିଚର୍ସ ଲିକ ହୋଇଯାଇଛି । ଯେପରିକି ସେଲ୍ଫ ଡିସ୍ଟ୍ରକ୍ଟିଭ ଇ-ମେଲ ଏବଂ ଗୋପନୀୟ ମୋଡ । ୮ ମେରେ ଆଇ/ଓ ସମ୍ମିଳନୀରେ ଜିମେଲର ଏହି ନୂଆ ସଂସ୍କରଣ ଲଂଚ କରାଯାଇପାରେ । ଟେକକ୍ରଂଚ ରିପୋର୍ଟରେ ଏହା ଦାବି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଋିପୋର୍ଟରେ କୁହାଯାଇଛି କି ଜିମେଲ ତା’ ୟୁଜର୍ସଙ୍କୁ କଂପୋଜ ୱିଣ୍ଡୋର ନୂଆ ଟୁଲ୍ସ ଜରିଆରେ ଅଧିକ ନିୟନ୍ତ୍ରଣ ଦେବ । ଏଠାରେ କ୍ଲିକ କରିବା ପରେ ଏକ ପପଅପ ଖୋଲିବ । ଏଥିରେ ୟୁଜର୍ସ ଏକ ତାରିଖ ନିଶ୍ଚିତ କରିପାରିବେ, ଯେତେବେଳେ ଇମେଲ ନଷ୍ଟ ହୋଇଯିବ । ଇମେଲର ଅବଧି ଶେଷ ହେବାର ସମୟ ଏକ ସପ୍ତାହ, ଏକ ମାସ ଏବଂ ଏକ ବର୍ଷ ବି ହୋଇପାରେ । ନୂଆ ଜିମେଲରେ ଇମେଲକୁ ଗୋପନୀୟ ମୋଡରେ ରଖିବାର ସୁବିଧା ମିଳିବ । ଏହାର ଅର୍ଥ ହେଉଛି ଇମେଲ ଗ୍ରହଣ କରୁଥିବା ଲୋକ ଏହାକୁ ନା ପଠାଇପାରିବ ନା ଡାଉନଲୋଡ କରିପାରିବ, ନା ପ୍ରିଣ୍ଟ ବାହାର କରିପାରିବ । ଏଥିରେ ବିଷୟବସ୍ତୁକୁ କପି ଓ ପେଷ୍ଟ ବି କରିପାରିବେନି । ଏହାର ପାସକୋର୍ଡ ଟେକ୍ସଟ କରି ପଠାଇଦିଆଯିବ ।
ନୂଆ ଫିଚର୍ସରେ ଇମେଲର ସମାନାରେ ଏକ ସାଇଡବାର ମଧ୍ୟ ହେବ, ଯେଉଁଠି କ୍ୟାଲେଣ୍ଡର, ନୋଟ ଟେକିଙ୍ଗ ଆପ ଓ ଟାକ୍ସ ବି ଦେଖାଯିବ । ଏହାଦ୍ୱାରା ୟ୍ରୁଜର୍ସଙ୍କୁ ମିଟିଙ୍ଗ ସମୟ ନିର୍ଦ୍ଧାରିତ କରିବା ଓ ଇମେଲ ପଠାଇବା ସମୟରେ ଲୋକଙ୍କ ଉପଲବ୍ଧତାକୁ ଯାଂଚ କରିବାରେ ସହଜ ହୋଇଯିବ । ଆଗକୁ ତିନୋଟି ନୂଆ ଫିଚର୍ସ ଆସିବ, ଯେଉଁଥିରେ ସ୍ମାର୍ଟ ରିପ୍ଲାଇ, ସ୍ନୁଜ ବଟନ ଏବଂ ଅଫଲାଇନ ସପୋର୍ଟ ସାମିଲ ଅଛି ।