ପାନେ ପାଇଲେ ରୋମିଓ ! ସିଟି ବସରେ ଯୁବତୀଙ୍କୁ ଅସଦାଚରଣ କରି ହଟହଟା ହେଲେ ଯୁବକ, ସୋସିଆଲ ମିଡିଆରେ ଭାଇରାଲ ହେଲା ଚପଲରେ ମାଡ ଖାଇବାର ଦୃଶ୍ୟ
କନକ ବ୍ୟୁରୋ: ଭୁବନେଶ୍ୱରରେ ଚଳନ୍ତା ବସରେ ଯୁବତୀଙ୍କୁ ଅସଦାଚରଣ କରି ହଟହଟା ହେଲେ ଯୁବକ । ଅସଦାଚରଣ କରିବା ପରେ ଯୁବକଙ୍କୁ ଜୋତାରେ ପିଟିଲେ ଯୁବତୀ । ଆଉ ଗାଡି ଭିତରେ ଯୁବକଙ୍କୁ ଜୋତାରେ ପିିଟିଥିଲେ ଯୁବତୀ । ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏହି ଅଭାବନୀୟ ଘଟଣା ଘଟିଛି ଭୁବନେଶ୍ୱର ଖଣ୍ଡଗିରି ଅଂଚଳରେ ।
Kanak News is now on WhatsApp
Join and get latest news updates delivered to you via WhatsApp
ଯୁବତୀଙ୍କ ଅଭିଯୋଗ ଅନୁଯାୟୀ, ସିଟି ବସରେ ପାଖରେ ବସିଥିବା ଯୁବକ ଜଣଙ୍କ ତାଙ୍କୁ ବାରମ୍ବାର ଛୁଇଁବାକୁ ପ୍ରୟାସ କରିଥିଲେ । ଶେଷରେ ଯୁବତୀ ଜଣଙ୍କ ବିରକ୍ତ ହୋଇ ସିଟରୁ ଉଠିପଡି ବଡ ପାଟିରେ ଚିଲାଇବା ସହ ସମ୍ପୃକ୍ତ ଯୁବକଙ୍କୁ ଗାଳି ଗୁଲଜ କରିଥିଲେ । ଯୁବକ ଜଣଙ୍କୁ ବସରୁ ଓହ୍ଲାଇ ଯିବାକୁ କହୁଯାଇଥିଲା । ତେବେ ଯୁବତୀଙ୍କ ଅଭିଯୋଗକୁ ଯୁବକ ଜଣଙ୍କ ଅସ୍ୱୀକାର କରିବା ସହ ବସରୁ ଓହ୍ଲାଇବା ପାଇଁ ରାଜି ହୋଇ ନଥିଲେ । ଏଥିରେ ଉତକ୍ଷିପ୍ତ ହୋଇ ଯୁବକଙ୍କୁ ଚପଲରେ ପିଟିଥିଲେ ଯୁବତୀ । ଏହାକୁ ନେଇ ବସରେ ଉତ୍ତେଜନା ଦେଖା ଦେଇଥିଲା ।