କାମନା ନିଆଁରେ ଜଳିଗଲା ରକ୍ତ ସମ୍ପର୍କ ! ମା’କୁ କାନ୍ଦି କାନ୍ଦି ଝିଅ କହିଲା, ମୋ ପେଟରେ ବଢୁଛି ବାପାଙ୍କ ଛୁଆ
ଗୁଜୁରାଟ ବଡଦୋରାରେ ପବିତ୍ର ସର୍ମ୍ପକର ହତ୍ୟା ହୋଇଛି । ଏଠାରେ ପାଞ୍ଚ ମାସର ଜଣେ ଗର୍ଭବତୀ ଯୁବତୀ ନିଜ ବାପା ନାମରେ ଆଣିଛନ୍ତି ସଙ୍ଗୀନ ଅଭିଯୋଗ । ସେ ପୋଲିସକୁ କହିଛି ତା’ ପେଟରେ ବଢୁଥିବା ଶିଶୁ ତା’ ର ବାପାର । ଏହି ଅଭିଯୋଗ ପରେ ଅଭିଯୁକ୍ତ ବାପାକୁ ପୋଲିସ ଗିରଫ କରିଛି । ବଡଦୋରା ମକରଦାପୁରା ଅଞ୍ଚଳରେ ରହୁଥିବା ୧୯ ବର୍ଷୀୟ ପୀଡିତା କହିଛନ୍ତି ତାଙ୍କୁ ଯେତେବେଳେ ୧୪ ବର୍ଷ ବୟସ ହୋଇଥିଲା, ସେବେଠାରୁ ତା’ର ବାପା ତାକୁ ଦୁଷ୍କର୍ମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାକ୍ଷସ ବାପା ଏନେଇ କାହା ଆଗରେ ମୁହଁ ଖୋଲିଲେ ଜୀବନରୁ ମାରିଦେବାର ଧମକ ମଧ୍ୟ ଦେଉଥିବା ସୂଚନାରୁ ଜଣାପଡିଛି । କିନ୍ତୁ ଏ ସମ୍ପୂର୍ଣ୍ଣ ଘଟଣା ବିଷୟରେ ପୀଡିତାଙ୍କ ମା’ ପୁରା ଅଜ୍ଞ ଥିଲେ । ୩ ଦିନ ପୂର୍ବରୁ ହିଁ ଅଭିଯୁକ୍ତ ପିତା ଝିଅ ସହ ଦୁଷ୍କର୍ମ କରିିଥିଲା । ସେହି ସମୟରେ ପୀଡିତା ପେଟରେ କଷ୍ଟ ଅନୁଭବ ହେଉଛି ବୋଲି ପ୍ରକାଶ କରିଥିଲେ । କାମନାର ନିଆଁରେ ଅନ୍ଧ ହୋଇଥିବା ଅଭିଯୁକ୍ତ ବାପା ପୀଡିତାଙ୍କୁ ଡାକ୍ତରଙ୍କ ପାଖକୁ ଯିବା ପାଇଁ କହିଥିଲେ । ପୀଡିତାଙ୍କ ପେଟରେ ଅସହନୀୟ କଷ୍ଟ ହେବାରୁୁ, ସେ ମା ସହ ଡାକ୍ତରଖାନା କଲେ ।
ଡାକ୍ତର ଯାଞ୍ଚ କରିବା ପରେ ତାଙ୍କ ମାକୁ ପୀଡିତା ଗର୍ଭବତୀ ଅଛନ୍ତି ବୋଲି ତାଙ୍କ ମା’କୁ କହିଥିଲେ । ପୀଡିତାଙ୍କ ମା’ ଯେତେବେଳେ ଏକଥା ଜାଣିବାକୁ ପାଇଲେ ସେ ରାଗିକି ଏକଥା ଝିଅକୁ ପଚାରିଲେ । ପୀଡିତା ଜଣକ କାନ୍ଦି କାନ୍ଦି ମା’କୁ କହିଥିଲେ ମୋ ପଟେରେ ବଢୁଛି ବାପାଙ୍କ ଛୁଆ । ଏକଥା ଶୁଣି ପୀଡିତାକୁ ନେଇ ମା’ ପୋଲିସ ଷ୍ଟେସନ ଯାଇ ସ୍ୱାମୀ ବିରୋଧରେ ଅଭିଯୋଗ କରିଥିଲେ । ପୋଲିସ ପୀଡିତାଙ୍କ ବୟାନ ଆଧାରରେ ଅଭିଯୁକ୍ତକୁ ଗିରଫ କରିଛିି ।