୧୦ ବର୍ଷ ପୂର୍ବରୁ ହୋଇଥିଲା ବାଲ୍ୟ ବିବାହ, ୧୪ ମାସର ଲଢ଼େଇ ପରେ ଏବେ ନିଜ ପସନ୍ଦରେ କଲେ ବିବାହ
୧୮ ବର୍ଷୀୟ ଶଶିଙ୍କ ୮ ବର୍ଷ ପୂର୍ବରୁ ବିବାହ କରିଦିଆଯାଇଥିଲା ।
ବାଲ୍ୟ ବିବାହ ବିରୁଦ୍ଧରେ ଆଇନଗତ ଲଢ଼େଇ ଲଢ଼ି ନିଜ ପସନ୍ଦ ମୁତାବକ ବିବାହ କରିଥିବା ପାନିପତର ଝିଅ ଏବେ ଚର୍ଚ୍ଚାରେ । ଘଟଣାଟି ଏମିତି । ୧୮ ବର୍ଷୀୟ ଶଶିଙ୍କ ୮ ବର୍ଷ ପୂର୍ବରୁ ବିବାହ କରିଦିଆଯାଇଥିଲା । ପାଖାପାଖି ଦେଢ଼ ବର୍ଷ ପୂର୍ବରୁ ଯେତେବେଳେ ଶ୍ୱଶୁର ଘର ଲୋକେ ନେବା ପାଇଁ ଆସିଲେ, ସେ ଯିବା ପାଇଁ ମନା କରିଦେଲେ । ଏହାପରେ ମାମଲା କୋର୍ଟକୁ ଗଲା । ଆଇନଗତ ଲଢ଼େଇ ଲଢ଼ିଲେ ଏବଂ ନିଜ ପସନ୍ଦର ପୁଅକୁ ବାହା ହେଲେ । ଏହି ସମୟରେ ଶଶିଙ୍କ ପୁରା ପରିବାର ତାଙ୍କ ସହିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ବର୍ଷ ୨୦୦୮ରେ ପରିବାର ଲୋକ ଏଥିପାଇଁ ଶଶିଙ୍କ ବିବାହ କରାଇଦେଇଥିଲେ କାହିଁକିନା ଘରେ ତାଙ୍କ ଦାଦାଙ୍କ ବିବାହ ପ୍ରସ୍ତାବ ଠିକ୍ ହେଉନଥିଲା । ଏଥିପାଇଁ ଗୋଟିଏ ରାସ୍ତା ବାଛିଲେ ଓ ଦାଦାଙ୍କ ସହ ବିବାହ ପାଇଁ ଠିକ୍ ହୋଇଥିବା ଝିଅର ଭାଇ ସହ ଶଶିର ବିବାହ ଠିକ୍ କରାଯାଇଥିଲା । ସେତେବେଳେ ଶଶିଙ୍କ ବୟସ ମାତ୍ର ୮ ବର୍ଷ ଥିଲା ।
ସୂଚନାଯୋଗ୍ୟ, ମାର୍ଚ୍ଚ ୨୦୧୭ରେ ତାଙ୍କ ପିତାଙ୍କ ସହ ଯାଇ ମହିଳା ସଂରକ୍ଷଣ ଏବଂ ବାଲ୍ୟ ବିବାହରେ ଅଭିଯୋଗ କରିଥିଲେ । ମେ ୨୦୧୭ରେ କୋର୍ଟରେ ବିବାହକୁ ଅମାନ୍ୟ କରିବା ପାଇଁ ମାମଲା ରୁଜୁ କରାଗଲା । ୧୪ ମାସର ଲଢ଼େଇ ପରେ ୧୬ ଜୁଲାଇ ୨୦୧୮ରେ କୋର୍ଟ ବାଲ୍ୟ ବିବାହକୁ ଅମାନ୍ୟ ଘୋଷଣା କରି ରଦ୍ଦ କଲେ । ଏହି ସମୟରେ ତାଙ୍କ ଉପରେ ବହୁତ ଚାପ ଥିଲା । ତାଙ୍କ ଖୁଡୀଙ୍କୁ ତାଙ୍କ ମା’ବାପା ଘରକୁ ନେଇଗଲେ ଓ ସର୍ତ୍ତ ରଖିଲେ କି ସେ ଯେପର୍ଯ୍ୟନ୍ତ ନଯାଇଛନ୍ତି ତାଙ୍କ ଖୁଡୀ ଶାଶୁ ଘରକୁ ଆସିବେନି । ତାଙ୍କୁ ଶ୍ୱଶୁର ଘର ପଠାଇବା ପାଇଁ ପଂଚାୟତ ବସିଲା । ପଂଚାୟତର କଥା ନମାନିବାରୁ ତାଙ୍କ ପରିବାରକୁ ସମାଜରୁ ବାସନ୍ଦ କରାଗଲ । । ଜମି ବି ହଡ଼ପ କରିନେଲେ ।