ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : କମେଂଟ୍ ମାରିଲେ ଆଉ ନିସ୍ତାର ନାହିଁ । ଏହାର ପ୍ରମାଣ ଦେଖିବାକୁ ମିଳିଛି ବାଣୀବିହାର କ୍ୟାଂପସରେ । ଛାତ୍ରୀଙ୍କୁ ଜଣେ ଟ୍ୟୁସନ ଶିକ୍ଷକ କମେଂଟ ମାରିବା ପରେ ଛାତ୍ରୀମାନେ ତାଙ୍କୁ ମାଡମାରିବା ସହ ପୁଲିସକୁ ଦେଇଥିଲେ । ନିଶାରେ ଚୁର ଥିବା ଶିକ୍ଷକ ଜଣକ ଏଭଳି ଅଶୋଭନୀୟ କାଣ୍ଡ କରିଥିବା ସ୍ୱୀକାର କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ମାଡ ଖାଉଥିବା ଲୋକ ଜଣକ ହେଉଛନ୍ତି ଜଣେ ୪୭ ବର୍ଷୀୟ ଟ୍ୟୁସନ ଶିକ୍ଷକ ବିନୋଦ ସାହୁ । ରବିବାର ଅପରାହ୍ନରେ ୟୁନିଭର୍ସିଟି କ୍ୟାଂପସ ଦେଇ ବିନୋଦ ଯାଉଥିବା ବେଳେ ଜଣେ ଛାତ୍ରୀଙ୍କୁ କମେଂଟ ମାରିଥିଲେ ଏବଂ ପରେ ଅଶୋଭନୀୟ ଆଚରଣ ବି କରିଥିଲେ । ଏହି ଖବର ଯୁବତୀ ଜଣକ ସାଙ୍ଗମାନଙ୍କୁ ଜଣାଇବା ପରେ ବିନୋଦକୁ ଠାବ କରିଥିଲେ ସେମାନେ । ଆଉ ତାଙ୍କୁ ନିସ୍ତୁକ ଛେଚିଲେ ।
ଖବର ପାଇ ପୁଲିସ ଘଟଣାସ୍ଥଳରେ ପହଂଚି ବିନୋଦଙ୍କୁ ଗିରଫ କରିଥିଲା। ପିଲାଙ୍କ ଚରିତ୍ର ଗଠନ କରୁଥିବା ସାରଙ୍କ ଚରିତ୍ର ସ୍ଖଳନ । ନିଜେ ବିନୋଦ କହିଛନ୍ତି ମଦ ନିଶାରେ ଭୁଲ କରିଛି ।