ପୁଣି ତେଜିଲା ରସଗୋଲା ବିବାଦ ! ପଶ୍ଚିମବଙ୍ଗକୁ ନୋଟିସ୍ ଜାରି କଲା ଜିଆଇ ଅଫିସ୍
କନକ ବ୍ୟୁରୋ : ତେଜିଲା ରସଗୋଲା ବିବାଦ । ପଶ୍ଚିମବଙ୍ଗକୁ ନୋଟିସ୍ ଜାରି କଲା ଜିଆଇ ଅଫିସ୍ । ବହୁଦିନ ଧରି ଠେଲା ପେଲା ଲାଗିବା ପରେ ଶେଷରେ ପଶ୍ଚିମବଙ୍ଗ ସରକାରଙ୍କୁ ମିଳିଥିଲା ରସଗୋଲାର ଜିଆଇ ମାନ୍ୟତା । ଏବେ ଚାରି ମାସ ପରେ ସେହି ମାନ୍ୟତାକୁ ନେଇ ବିବାଦ ଉପୁଜିଛି । ପଶ୍ଚିମବଙ୍ଗ ସରକାରଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଛି ଜିଆଇ ଅଫିସ୍ । ପଶ୍ଚିମବଙ୍ଗ ରସଗୋଲାର ଜିଆଇ ମାନ୍ୟତାକୁ କାହିଁକି ପ୍ରତ୍ୟାହାର କରାନଯିବ ସେ ନେଇ ନୋଟିସ୍ ଜାରି କରିଛି ଜିଆଇ ଅଫିସ୍ ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗ ସରକାର ଭୁଲ୍ ତଥ୍ୟ ଉପସ୍ଥାପନ କରି ଚେନ୍ନାଇରେ ଥିବା ଇଣ୍ଡିଆନ୍ ପ୍ୟାଟେଂଟ ଅଫିସରୁ ବାଲାଂର ରସଗୋଲା ନାଁରେ ଜିଆଇ ମାନ୍ୟତା ହାସଲ କରିଛି ବୋଲି ଅଭିଯୋଗ ପାଇବା ପରେ ଏହି ନୋଟିସ୍ ଜାରି କରିଛି ଜିଆଇ ଅଫିସ୍ । ଏହା ସହିତ ଓଡିଶାକୁ ମଧ୍ୟ ପକ୍ଷ ରଖିବାକୁ ସୁଯୋଗ ମିଳି ନଥିବା ଅଭିଯୋଗ ହୋଇଛି । ଅଭିଯୋଗକୁ ଗ୍ରହଣ କରି ଉତର ରଖିବାକୁ ପଶ୍ଚିମବଙ୍ଗ ସରକାରକୁ ୨ମାସ ସମୟ ଦେଇଛି ଜିଆଇ କାର୍ଯ୍ୟାଳୟ । ୮୦୦ ବର୍ଷ ତଳୁ ରସଗୋଲା ମହାପ୍ରଭୁ ଶ୍ରୀ ଜଗନ୍ନାଥଙ୍କ ପାଖରେ ଭୋଗ ହୋଇ ଆସୁଛି ବୋଲି ଓଡିଶା ପକ୍ଷରୁ ଦାବି କରାଯାଉଛି ।
ପଶ୍ଚିମବଙ୍ଗ ସରକାର ଭୁଲ୍ ତଥ୍ୟ ଉପସ୍ଥାପନ କରି ଚେନ୍ନାଇରେ ଥିବା ଇଣ୍ଡିଆନ୍ ପ୍ୟାଟେଣ୍ଟ୍ ଅଫିସ୍ରୁ ‘ବାଂଲାର ରସଗୋଲା’ ନାଁରେ ଜିଆ.ଇ ମାନ୍ୟତା ହାସଲ କରିଛନ୍ତି ବୋଲି ଜାଣିବାକୁ ମିଳିଛି । ଅନ୍ୟପକ୍ଷରେ ଓଡ଼ିଶାକୁ ନିଜ ପକ୍ଷ ରଖିବାକୁ ସୁଯୋଗ ମିଳି ନ ଥିଲା ବୋଲି ଅଭିଯୋଗ ହୋଇଛି । ଏହି ମାମଲାକୁ ନେଇ ପଶ୍ଚିମବଙ୍ଗ ବିରୋଧରେ ରିଜିଓନାଲ୍ ଡେଭ୍ଲପ୍ମେଣ୍ଟ୍ ଟ୍ରଷ୍ଟ୍ର ଅଧ୍ୟକ୍ଷ ରମେଶ ଚନ୍ଦ୍ର ସାହୁ ଏକ ମାସ ତଳେ ଚେନ୍ନାଇସ୍ଥିତ ଜିଆଇ ଅଫିସ୍ରେ ‘ଅବ୍ଜେକ୍ସନ୍ ପିଟିସନ୍’ ଦାଖଲ କରି ଏହି ପ୍ରଶ୍ନ ଉଠାଇଥିଲେ । ତେବେ, ଏହି ପ୍ରଶ୍ନର ଉତ୍ତର ଦେବାକୁ ପଶ୍ଚିମବଙ୍ଗ ସରକାରଙ୍କୁ ୨ ମାସ ସମୟ ଦିଆଯାଇଛି ।
ଉଲ୍ଲେଖଯୋଗ୍ୟ, ପୁରୀ ଶ୍ରୀମନ୍ଦିରରେ ମହାପ୍ରଭୁ ଜଗନ୍ନାଥଙ୍କ ନୈବେଦ୍ୟ ଭାବେ ୮ ଶହ ବର୍ଷ ତଳୁ ରସଗୋଲା ଭୋଗ ହେଉଅଛି । ଭକ୍ତ କବି ବଳରାମ ଦାସ ଦାଣ୍ଡି ରାମାୟଣରେ ୫୦୦ ବର୍ଷ ତଳୁ ରସଗୋଲା ସଂପର୍କରେ ବର୍ଣ୍ଣନା କରି ଯାଇଛନ୍ତି । ମାତ୍ର ୧୫୦ ବର୍ଷ ତଳେ ପଶ୍ଚିମବଙ୍ଗ ଲୋକେ ରସଗୋଲା ପ୍ରସ୍ତୁତ ପ୍ରକ୍ରିୟା ଶିଖି ଏହାକୁ ନିଜ ବୋଲି ଦାବି କରୁଛନ୍ତି ।