ସିଢି ଉପରେ ବସିଥିଲା ଭୁତୁଣୀ ସିସିଟିଭିରେ କଏଦ୍ ହେଲା ଦୃଶ୍ୟ ! ଭୟଭୀତ କର୍ମଚାରୀ କଲେ ମହାମୃତ୍ୟୁଞ୍ଜୟ ପାଠ ।
ଝାରଖଣ୍ଡରେ ଥିବା ଧନବାଦ୍ ନଗର ନିଗମର କର୍ମଚାରୀ ଏଇ କିଛି ଦିନ ହେଲା ଭୟଭୀତ ଅବସ୍ଥାରେ ରହିଛନ୍ତି । କର୍ମଚାରୀଙ୍କ ଭୟର କାରଣ ପାଲଟିଛି ଭୁତ । ଆଜ୍ଞା ହଁ କଥାଟି ଅସହଜ ଲାଗୁଥିଲେ ବି ସତ । ବିଜ୍ଞାନ ଯୁଗରେ ମଧ୍ୟ ଭୁତର ଏଭଳି ଉପସ୍ଥିତିକୁ ବିଶ୍ୱାସ ନ କରିପାରୁଥିଲେ ମଧ୍ୟ ସିସିଟିଭିର ଦୃଶ୍ୟକୁ ସତ ମାନୁଛନ୍ତି କର୍ମଚାରୀ ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି ଉକ୍ତ କାର୍ଯ୍ୟାଳୟରେ ଲାଗିଥିବା ସିସିଟିଭି କ୍ୟାମେରାରେ ଏକ ଅଦ୍ଭୁଦ ଦୃଶ୍ୟ କଏଦ୍ ହୋଇଛି ଯେଉଁଥିରେ ଏକ ଛାଇ ସଦୃଶ ମହିଳା ନିଆଁ ଭଳି କିଛି ଉଜ୍ଜଳ ଦ୍ରବ୍ୟ ଧରି ସିଢି ଉପରେ ବସିଥିବାର ଦେଖିବାକୁ ମିଳିଛି ।
ତେବେ କର୍ମଚାରୀଙ୍କ କହିବାନୁସାରେ ସନ୍ଧ୍ୟା ହେବା ମାତ୍ରେ କାର୍ଯ୍ୟାଳୟରେ ଭୁତୁଣୀର ପାଉଁଜି ଶବ୍ଦ ଏବଂ ଭଳି ଭଳିକା ବିକଟାଳ ଶବ୍ଦ ଶୁଭୁଛି । ଯେଉଁଥିରେ କର୍ମଚାରୀ ଭୟଭୀତ ହୋଇ ଅଫିସ୍ ପରିସରରେ ମହାମୃତ୍ୟୁଞ୍ଚୟ ମନ୍ତ୍ର ପାଠ ତଥା ଯଜ୍ଞ କରାଇଥିଲେ । ତେବେ ଧନବାଦର ମେୟରଙ୍କ ମତରେ ସେ ଭୁତପ୍ରେତକୁ ବିଶ୍ୱାସ କରନ୍ତି ନାହିଁ କିନ୍ତୁ କର୍ମଚାରୀଙ୍କ ସନ୍ତୁଷ୍ଟି ସକାଶେ ସେ ଯଜ୍ଞ କରାଇବାକୁ ରାଜି ହୋଇଗଲେ ।