ଚିଙ୍ଗୁଡି ମାଫିଆଙ୍କ କବଜାରେ ଘେରି ! କେନ୍ଦ୍ରାପଡା ମହାକାଳପଡାରେ ମାଲାମାଲ ହେଉଛନ୍ତି ମାଫିଆ, ସରକାର ହରାଉଛନ୍ତି ରାଜସ୍ୱ
କନକ ବ୍ୟୁରୋ: ସରକାରୀ ଏବଂ ଜଙ୍ଗଲ ଜମିରେ ବେଆଇନ ଭାବେ ନିର୍ମାଣ ଚାଲିଛି ଚିଙ୍ଗୁଡି ଘେରି । ଲୁଣା ଜଙ୍ଗଲ ଘେରା କେନ୍ଦ୍ରାପଡା ମହାକାଳପଡା ବ୍ଲକର ଉପକୂଳବର୍ତୀ ଅଂଚଳରେ ଚିଙ୍ଗୁଡି ମାଫିଆମାନେ ପ୍ରଶାସନର ନଜର ଆଢୁଆଳରେ ବେଆଇନ ଘେରି ନିର୍ମାଣ କରି କୋଟି କୋଟି ଟଙ୍କା ମୁନାଫା କରୁଛନ୍ତି । ଫଳରେ ରାଜସ୍ୱ ହରାଉଛନ୍ତି ସରକାର । ସେପଟେ ବାରମ୍ବାର ଅଭିଯୋଗ ପରେ ଜବରଦଖଲ ଉଚ୍ଛେଦ ପାଇଁ ଏକ ଟିମ୍ ଗଠନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସିଆରଜେଡ ନିୟମ ଅନୁସାରେ, ଉପକୂଳବର୍ତ୍ତୀ ଅଂଚଳରେ ନଦୀନାଳଠାରୁ ପ୍ରାୟ ୨ଶହ ମିଟର ମଧ୍ୟରେ କୌଣଓି ଚିଙ୍ଗୁଡି ଘେରି ନିର୍ମାଣ କରାଯାଇ ପାରିବନାହିଁ । ତେବେ ଏଠାରେ ନିୟମର ଖୋଲାଖୋଲି ଉଲ୍ଲଙ୍ଘନ ହେଉଛି ।
ତେବେ ସବୁଆଡେ ଚିଙ୍ଗୁଡି ଚାଷ ହେଉଥିବା ଯୋଗୁଁ ସ୍ଥାନୀୟ ଲୋକେ ମଧ୍ୟ ନାନା ସମସ୍ୟାର ସମ୍ମୁଖିନ ହେଉଛନ୍ତି । କେମିକାଲ ମିଶା ବିଷାକ୍ତ ପାଣି ନଦୀରେ ମିଶୁଛି ଏବଂ ପରିବେଶ ମଧ୍ୟ ପ୍ରଦୂଷିତ ହେଉଛି । ତେବେ ଏନେଇ ବାରମ୍ବାର ଅଭିଯୋଗ ପରେ ଘେରି ଉଚ୍ଛେଦ ପାଇଁ ରାଜସ୍ୱ, ଜଙ୍ଗଲ, ମତ୍ସ୍ୟ ଓ ପୁଲିସ ବିଭାଗ କର୍ମଚାରୀଙ୍କୁ ନେଇ ଟିମ୍ ଗଠନ କରାଯାଇଛି ।