ମହଙ୍ଗା ପଡିଲା ଚୁଟି ରଙ୍ଗ କରିବା ! କିଛି ସମୟ ମଧ୍ୟରେ ଚନ୍ଦା ହୋଇଗଲେ ଯୁବକ
ଚୁଟି ରଙ୍ଗ କରିବା ମହଙ୍ଗା ପଡିଲା ଜଣେ ଯୁବକଙ୍କୁ । ରଙ୍ଗ କରିବାର କିଛି ସମୟ ମଧ୍ୟରେ ସମସ୍ତ ଚୁଟି ଝଡି ଯିବା ଫଳରେ ଯୁବକ ଜଣକ ଚନ୍ଦା ହୋଇ ଯାଇଛନ୍ତି । ଘଟଣାଟି ଘଟିଛି ଉତ୍ତରପ୍ରଦେଶର ଗାଜିଆବାଦରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ନିଜ ଭାଇର ବିବାହ ପାଇଁ ଆକାଶ ତ୍ରିିପାଠୀ ନାମକ ଜଣେ ଯୁବକ ସ୍ଥାନୀୟ ଏକ ସେଲୁନରେ ଚୁଟି ରଙ୍ଗ କରାଇଥିଲେ । ହେଲେ ରଙ୍ଗ ଶୁଖିବା ପରେ ପରେ ହିଁ ଆକାଶଙ୍କ ଚୁଟି ଝଡିବା ଆରମ୍ଭ କରିଥିଲା । ଆଉ ଚାହୁଁ ଚାହୁଁ କିଛି ସମୟରେ ସଂପୂର୍ଣ୍ଣ ଚନ୍ଦା ହୋଇଗଲେ ଆକାଶ ।
ଏନେଇ ଆକାଶଙ୍କ ଅଭିଯୋଗ କରିବା ପରେ ପୁଲିସ୍ ଘଟଣାର ଛାନଭିନ୍ ଆରମ୍ଭ କରିଛି । ତେବେ ଏହି ଘଟଣା ପରେ ଦୋକାନୀ ଜଣକ ଫେରାର୍ ହୋଇଯାଇଛନ୍ତି ।