୬୫ ଡେଇଁଲା ଡିଜେଲ ଦର ! ଜାଣନ୍ତୁ କିପରି ଶସ୍ତାରେ ପାଇବେ ଡିଜେଲ ଓ ପେଟ୍ରୋଲ
ପୁଣିଥରେ ପେଟ୍ରୋଲ ଓ ଡିଜେଲ ଦରରେ ଲାଗିଛି ନିଆଁ । ଏପରିକି ଡିଜେଲ ଦରରେ ଅହେତୁକ ବୃଦ୍ଧି ଦେଖିବାକୁ ମିଳିଛି । ପାଖାପାଖି ୪୩ ମାସ ପରେ ପୁଣିଥରେ ଡିଜେଲ ଦର ୬୫ ଟଙ୍କା ପାର ହୋଇଛି । ଅର୍ନ୍ତଜାତୀୟ ବଜାରରେ ଅଶୋଧିତ ତେଲର ମୂଲ୍ୟ ବୃଦ୍ଧି ହେତୁ ଡିଜେଲ ମୂଲ୍ୟରେ ବୃଦ୍ଧି ଘଟୁଛି । ଯାହାର ପ୍ରଭାବ ସିଧାସଳଖ ଗ୍ରାହକଙ୍କ ପକେଟ ଉପରେ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ଓଡ଼ିଶାରେ ଡିଜେଲ ଲିଟର ପିଛା ଦର ୬୫.୬୨ ପଇସା ଥିବା ବେଳେ ପେଟ୍ରୋଲର ଦର ମଧ୍ୟ କିଛି କମ ନାହିଁ । ପେଟ୍ରୋଲ ଲିଟର ପିଛା ଦର ଏବେ ୬୯ ଟଙ୍କାରେ ପହଞ୍ଚିଛି । ତେବେ ମୁମ୍ବାଇ ଓ ଦିଲ୍ଲୀରେ ମଧ୍ୟ ପେଟ୍ରୋଲ ଦର ୭୦ ପାର କରିଛି । ପେଟ୍ରୋଲ ଓ ଡିଜେଲ ଦରରେ ନିୟନ୍ତ୍ରଣ ରହୁନଥିବାରୁ ଗ୍ରାହକ ମାନଙ୍କୁ ଅଧିକ ଖର୍ଚ୍ଚାନ ହେବାକୁ ପଡୁଛି । ତେବେ ପେଟ୍ରୋଲ ଓ ଡିଜେଲ କିଣିବା ବେଳେ କିଛି ଉପାୟ ଅବଲମ୍ବନ କଲେ ଆପଣ ଶସ୍ତାରେ ଏହାକୁ ପାଇପାରିବେ ।
ଶସ୍ତା ପେଟ୍ରୋଲ ଓ ଡିଜେଲ ପାଇବାକୁ ହେଲେ ନଗଦ କ୍ୟାସ କାରବାର କରିବା ବଦଳରେ କ୍ୟାସଲେସ ପେମେଣ୍ଟ କରିବାକୁ ପଡିବ । ପେଟ୍ରୋଲ ଓ ଡିଜେଲ କିଣିବା ବେଳେ କ୍ୟାସଲେସ ପେମେଣ୍ଟ କରିବା ଉପରେ ବିଭିନ୍ନ ତୈଳ କମ୍ପାନି ରିହାତି ପ୍ରଦାନ କରିଥାନ୍ତି । ଯଦି ଆପଣ ଭିମ ଆପ କିମ୍ବା ୟୁପିଆଇରେ କ୍ୟାସଲେସ ଉପାୟରେ ପେମେଣ୍ଟ କରୁଥାନ୍ତି ତେବେ ପେଟ୍ରୋଲ ଓ ଡିଜେଲ କିଣିବା ବେଳେ ରିହାତି ମିଳିଥାଏ । ପେଟ୍ରୋଲର ଲିଟର ପିଛା ଦର ଅନୁଯାୟୀ ଏବେ ୫୭ ପଇସାର ରିହାତି ଦିଆଯାଉଛି । ସେହିଭଳି କ୍ୟାସଲେସ କାରବାର ପାଇଁ ଡିଜେଲ ଲିଟର ପିଛା ୪୮ ପଇସାର ରିହାତି ମିଳୁଛି । ତେବେ ଏହି ରିହାତି ପାଇବା ପାଇଁ ଆପଣଙ୍କୁ ବେଶି କଷ୍ଟ କରିବାକୁ ପଡିବନି । କେବଳ କ୍ୟାସ କାରବାର କରିବା ବଦଳରେ କ୍ୟାସଲେସ କାରବାର କରିବାକୁ ପଡିବ ।
କେନ୍ଦ୍ର ସରକାର କ୍ୟାସଲେସ କାରବାରକୁ ପୋତ୍ସାହନ ଦେବା ପାଇଁ ବିଭିନ୍ନ ପ୍ରକାର କାର୍ଯ୍ୟକ୍ରମକୁ ହାତକୁ ନେଇଛନ୍ତି । ଏହାଦ୍ୱାରା ପେଟ୍ରୋଲ ଓ ଡିଜେଲ କିଣିବା ବେଳେ ଯଦି ଆପଣ କ୍ୟାସଲେସ କାରାବାର କରୁଛନ୍ତି ତେବେ ଲିଟର ପ୍ରତି ଦରରେ ୦.୭୫ ପ୍ରତିଶତ ରିହାତି ମିଳିଥାଏ । ତେଣୁ ଏହି ସୁବିଧା ପାଇବାକୁ ହେଲେ ଆପଣଙ୍କୁ ପେଟ୍ରୋଲ ଓ ଡିଜେଲ କିଣିବା ବେଳେ ଭିମ ଆପ ବ୍ୟବହାର କରିବାକୁ ହେବ । ଏହାଛଡା ଡେବିଟ ଓ କ୍ରେଡିଟ କାର୍ଡରେ ପେମେଣ୍ଟ କରି ରିହାତି ମଧ୍ୟ ପାଇପାରିବେ । ଏହାର ଫାଇଦା ପ୍ରତି କ୍ୟାସଲେସ କାରବାରରେ ମିଳିଥାଏ ।