କନକ ବ୍ୟୁରୋ : ରାଜ୍ୟ ରାଜନୀତିର ସବୁଠାରୁ ବଡ ଚର୍ଚ୍ଚାରେ ପଡିଲା ପୂର୍ଣ୍ଣଚ୍ଛେଦ । ନେତା ବନିବେନି ଗୀତା । ଆଉ ଏକଥା ନିଜେ ସ୍ପଷ୍ଟ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ସଫା ସଫା କହିଛନ୍ତି, ରାଜନୀତିକୁ ଆସିବାକୁ ଇଚ୍ଛୁକ ନୁହଁନ୍ତି ଭଉଣୀ ଗୀତା ମେହଟା । ତାଙ୍କୁ ରାଜ୍ୟସଭାକୁ ପଠାଇବାକୁ କୌଣସି ଯୋଜନା ନାହିଁ । ଏପରିକି ଦଳର କୌଣସି ପଦପଦବୀରେ ବି ସେ ରହିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମରେ ଗୀତା ମେହେଟ୍ଟା ରାଜ୍ୟର ଶାସନ ଭାର ଗ୍ରହଣ କରିପାରନ୍ତି ବୋଲି ଖବର ପ୍ରକାଶିତ ହୋଇଥିଲା । ଏହାପରେ ବିଜେଡିର ନେତାମାନେ ମଧ୍ୟ ଜଣେ ପରେ ଜଣେ ଗୀତାଙ୍କୁ ନେଇ ବୟାନ ଦେବାକୁ ଲାଗିଲେ । କହିଲେ, ଗୀତା ଆସିଲେ ଭଲ ହେବ ।
ପ୍ରଶ୍ନ ଉଠୁଛି, ନବୀନଙ୍କ ସ୍ପଷ୍ଟୋକ୍ତି ପରେ ଗୀତା ମେହଟାଙ୍କୁ ନେଇ ସମସ୍ତ ସମ୍ଭାବନାର ବାଟ ବନ୍ଦ ହୋଇଯାଇଛି ନା ଦଳର ପରାମର୍ଶଦାତା ଭଳି ସବୁଠାରୁ ଗୁରୁତ୍ୱପୂର୍ଣ୍ଣ ପଦବୀରେ ରହିପାରନ୍ତି । କାରଣ ବରିଷ୍ଠ ପ୍ରଶାସକ ଓ ଦଳର ବରିଷ୍ଠ ନେତାଙ୍କୁ ନେଇ ନବୀନ ନିବାସରେ ବସେ ଗୀତା ଦରବାର ।