କ୍ରିକେଟ୍ ମୈଦାନ ପରେ ରାଜନୀତି ମୈଦାନରେ ଦମ୍ ଦେଖାଇଲେ ଗମ୍ଭୀର । ପୂର୍ବ-ଦିଲ୍ଲୀ ଆସନରୁ ୩ ଲକ୍ଷରୁ ଅଧିକ ଭୋଟରେ ଜିତି କ୍ରିକେଟରରୁ ହେଲେ ସାଂସଦ ।

241

କନକ ବ୍ୟୁରୋ : ୨୦୧୯ ନିର୍ବାଚନ ଫଳାଫଳ ସହ ବିଜେପିକୁ ମିଳିଛି ବଡ ସଫଳତା । ଭାରତୀୟ କ୍ରିକେଟ୍ ଦଳର ପୂର୍ବତନ ଓପନର ବ୍ୟାଟ୍ସମ୍ୟାନ୍ ଗୌତମ ଗମ୍ଭୀର ରାଜନୀତି ମୈଦାନରେ ପାଦ ରଖୁରଖୁ ଧମାଲ କରିଛନ୍ତି । ପୂର୍ବ-ଦିଲ୍ଲୀ ଲୋକସଭା ଆସନରୁ ବିଜେପି ଟିକେଟରେ ଲଢି ଦମଦାର ବିଜୟ ହାସଲ କରିଛନ୍ତି ଗମ୍ଭୀର। କ୍ରିକେଟ୍ ମୈଦାନରେ କ୍ରୀଡାପ୍ରେମୀ ଯେମିତି, ଗମ୍ଭୀରଙ୍କ ଉପରେ ବିଶ୍ୱାସ ରଖିଥାନ୍ତି, ନିର୍ବାଚନ ମୈଦାନରେ ମଧ୍ୟ ତାଙ୍କୁ ଭରସିଛନ୍ତି ଜନତା । ୨୦୧୯ ନିର୍ବାଚନରେ ୩୯୧୨୨୨ ଭୋଟ୍ ବ୍ୟବଧାନରେ ଜିତି ପ୍ରଥମ ଥର ପାଇଁ ସଂସଦରେ ପାଦ ଥାପିବାକୁ ଯାଉଛନ୍ତି ଗୌତମ ଗମ୍ଭୀର ।

୨୦୧୧ରେ ଟିମ୍ ଇଣ୍ଡିଆକୁ ବିଶ୍ୱକପ ବିଜୟ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିବା ୩୭ ବର୍ଷୀୟ ଗୌତମ ଗମ୍ଭୀର ପ୍ରଥମ ଥର ପାଇଁ ବିଜେପି ଟିକେଟରେ ନିର୍ବାଚନୀ ରଣାଙ୍ଗନରେ ପାଦ ଥାପିଥିଲେ । ଟିକେଟ୍ ମିଳିବା ପରେ ଜୋରଦାର ପ୍ରଚାର ଆରମ୍ଭ କରିଥିଲେ ଏହି ବିଜେପି ପ୍ରାର୍ଥୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଭିନ୍ନ ଯୋଜନା ଓ ଜନହିତକର କାର୍ଯ୍ୟକୁ ନେଇ ଭୋଟରଙ୍କ ନିକଟକୁ ଜନସମର୍ଥନ ପାଇଁ ଯାଇଥିଲେ ଗମ୍ଭୀର । ଆଉ ଜନତା ତାଙ୍କ ଉପରେ ଭରସା ପ୍ରକଟ କରିବା ସହ ବିପୁଳ ଜନସମର୍ଥନ ପାଇ ବିଜୟ ହୋଇଛନ୍ତି ଗୌତମ ଗମ୍ଭୀର ।

Comments are closed.