ଏଣିକି ଗରିବ ରଥରେ ଯାତ୍ରା କଲେ ଯାତ୍ରୀଙ୍କୁ ଦେବାକୁ ପଡିପାରେ ଅଧିକ ଅର୍ଥ !ଭଡା ବଢାଇବା ପାଇଁ ଚିନ୍ତା କରୁଛି ରେଳ ବିଭାଗ
କନକ ବ୍ୟୁରୋ : ଦେଶରେ ଗରିବ ଲୋକମାନଙ୍କ ସୁବିଧାକୁ ଦୃଷ୍ଟିରେ ରଖି ଭାରତ ସରକାର ବାତାନୁକାଳୀନ ବା ଶୀତତାପ ନିୟନ୍ତ୍ରଣ ଟ୍ରେନ “ଗରିବ ରଥ” ଆରମ୍ଭ କରିଥିଲେ । କିନ୍ତୁ ଏବେ ଏହି ଟ୍ରେନରେ ଯାତ୍ରା କରିବାକୁ ହେଲେ ଆପଣଙ୍କୁ ଅଧିକ ଅର୍ଥ ଦେବାକୁ ପଡିପାରେ । ପିଟିଆଇର ଏକ ରିପୋର୍ଟ ଅନୁସାରେ ଖୁବଶୀଘ୍ର ଏହି ଟ୍ରେନରେ ଦର ବଢାଇପାରନ୍ତି ସରକାର । ରେଳ ବିଭାଗ ବେଡେରୋଲର ୨୫ ଟଙ୍କା ବଢାଇବାପାଇଁ ଇଚ୍ଛା କରୁଛନ୍ତି ସରକାର । କାରଣ ବର୍ତ୍ତମାନ ବଜାରରେ ଯେପରି ଭାବରେ ଦରଦାମ ବୃଦ୍ଧି ହେଉଛି ସେଥିରୁ ସ୍ପଷ୍ଟ ଭାବରେ ଦେଖାଯାଉଛି କି ରେଳ ବିଭାଗ ଏହି ଟ୍ରେନରେ ଯାତ୍ରା କରୁଥିବା ଲୋକଙ୍କଠାରୁ ଅଧିକ ଟଙ୍କା ଟିକେଟ ଆକାରରେ ନିଆଯାଇପାରେ । ତେବେ ଜଣେ ବରିଷ୍ଠ ଅଧିକାରୀଙ୍କ କହିବା ଅନୁସାରେ ଏହି ସ୍ୱତନ୍ତ୍ର ଟ୍ରେନରେ ବ୍ୟବହାର ଉପେଯାଗୀ ସମସ୍ତ ଉପକରଣ ଦାମ ବଢିବାରେ ଲାଗିଛି । ତେଣୁ ଖର୍ଚ୍ଚ ଅନୁସାରେ ଦାମ ବଢାଇବାପାଇଁ ସରକାର ଚିନ୍ତା କରୁଥିବା ଜଣେ ବରିଷ୍ଠ ଅଧିକାରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ସମସ୍ୟା କେବଳ ଗରିବ ରଥ ନୁହେଁ ବରଂ ଦେଶରେ ଚଳାଚଳ କରୁଥିବା ସମସ୍ତ ଟ୍ରେନରେ ଖର୍ଚ୍ଚ ବଢୁଛି । ଯାତ୍ରୀମାନଙ୍କୁ ମିଳୁଥିବା ବିଛଣାର ଖର୍ଚ୍ଚ ବହୁମାତ୍ରାରେ ବଢିଛି । ସେ ସବୁକୁ ନଜରରେ ରଖି ଏପରି ନିଷ୍ପତ୍ତି ନେବାପାଇଁ କେହି କେହି ପ୍ରସ୍ତାବ ଦେଇଛନ୍ତି ବୋଲି ଅଧିକାରୀ ଜଣକ କହିଛନ୍ତି । ତେବେ ଅକ୍ଷର ନିୟନ୍ତ୍ରକ ଓ ମହାଲେଖାଙ୍କ ନିକଟରୁ ଚିଠି ଆସିଲାପରେ ସମସ୍ତ କଥା ଜଣାପଡିବ ବୋଲି ଅଧିକାରୀ ଜଣକ କହିଛନ୍ତି । ସମସ୍ତ ବରିଷ୍ଠ ଅଧିକାରୀଙ୍କ ସହ ଆଲୋଚନା ପରେ ଏହା ବଢିବ କି ନାହିଁ ତାହା ସ୍ଥିର କରାଯିବ । କିନ୍ତୁ ଏହି ଖବର ଆସିଲା ପରେ ସାଧାରଣ ଲୋକମାନେ ଚିନ୍ତାରେ ରହିଛନ୍ତି । କାରଣ ଅନ୍ୟ ରେଳ ଅପେକ୍ଷା ଏହି ଟ୍ରେନରେ ଯାତ୍ରାକଲେ କମ ଅର୍ଥ ପୈଠ କରିବା ପାଇଁ ପଡିଥାଏ । ତେବେ ଏହାର ମୂଲ୍ୟ ବର୍ତ୍ତମାନ ବଢାଯିବ ନାହିଁ । ସମସ୍ତଙ୍କ ସହ ଆଲୋଚନାପରେ ବଢାଯିବ କି ନାହିଁ ତାହା ଚିନ୍ତା କରାଯିବ । ଏହାସହ ଯଦି ବଢାଯିବ ତେବେ କେତେ ପରିମାଣରେ ବଢାଯିବ ତାହା ମଧ୍ୟ ଚିନ୍ତା କରାଯିବା ସହ ଯେପରି ଭାବରେ ଲୋକମାନେ ବିଶେଷ ଭାବରେ ପ୍ରଭାବିତ ନହେବେ ତାହାକୁ ପ୍ରଥମେ ଦୃଷ୍ଟି ଦିଆଯିବ ବୋଲି ରେଳ ଅଧିକାରୀ ଜଣକ କହିଛନ୍ତି । ଏହାସହ ସାରା ଦେଶରେ ସମସ୍ତ ଗୁରୁତ୍ୱପୂର୍ଣ୍ଣ ସ୍ଥାନକୁ ଏହି ରେଳ ଚଳାଚଳ କରୁଛି ବୋଲି ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି ।