ଚୋରକୁ ନେଇଗଲା ପୁଲିସ, ଫେରାଇବା ଦାବିରେ ଗ୍ରାମବାସୀଙ୍କ ରାସ୍ତାରୋକ ! ଆସ୍କା-ବ୍ରହ୍ମପୁର ୫୯ ନମ୍ବର ଜାତୀୟ ରାଜପଥ ଅବରୋଧ
କନକ ବ୍ୟୁରୋ: ଚୋରକୁ ଫେରାଇବା ଦାବିରେ ଗ୍ରାମବାସୀଙ୍କ ରାସ୍ତା ଅବରୋଧ । ଏଭଳି ଘଟଣା ଘଟିଛି ଗଞ୍ଜାମ ଜିଲ୍ଲା ହିଞ୍ଜିଳି ଥାନା କଁଚୁଡୁ ଗାଁରେ । ରାତି ଅନିଦ୍ରା ହୋଇ ଗ୍ରାମବାସୀ ଚୋରକୁ କାବୁ କରିଥିବା ବେଳେ ପୋଲିସ ଥାନାକୁ ନେଇଯିବାରୁ ଦେଖାଦେଇଛି ଉତ୍ତେଜନା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୀର୍ଘ ଦିନ ହେବ କଁଚୁଡୁ ଗାଁରେ ଅନେକ ଲୋକଙ୍କ ଘରୁ ନିୟମିତ ଭାବେ ଚୋରି ହୋଇ ଆସୁଥିଲା । ଥାନାରେ ବାରମ୍ବାର ଅଭିଯୋଗ କରିଥିଲେ ବି ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ହୋଇନଥିଲା । ଶେଷରେ ଗ୍ରାମବାସୀ ରାତି ଅନିଦ୍ରା ହୋଇ ଜଗିବା ପରେ ଗତକାଲି ଚୋରକୁ ଧରି ଥିଲେ ।
ଗାଁରୁ ହେଉଥିବା ଚୋରି ପଛରେ ସେ ଏକା ନା ଆଉ କେଉଁ ଗ୍ୟାଙ୍ଗ ଏଥିରେ ସଂପୃକ୍ତ ରହିଛି ସେ ନେଇ ଗ୍ରାମବାସୀ ଜେରା କରୁଥିଲେ । କିନ୍ତୁ ପୋଲିସ ପହଂଚି ଚୋରକୁ ଥାନାକୁ ନେଇଯିବାରୁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଚୋରକୁ ଫେରାଇବା ଦାବି କରି ଆସ୍କା-ବ୍ରହ୍ମପୁର ୫୯ ନମ୍ବର ଜାତୀୟ ରାଜପଥକୁ ଟାୟାରଜାଳି ଅବରୋଧ କରିଛନ୍ତି ।