ବିଚ୍ଛିନ୍ନାଞ୍ଚଳରେ ଗଞ୍ଜେଇ ଚୋରାଚାଲାଣର ନୂଆ ତରିକା ! ନଡିଆ ବୋଝେଇ ଗାଡିରୁ ଜବତ ହେଲା ୫ କ୍ୱିଣ୍ଟାଲ ଗଞ୍ଜେଇ
କନକ ବ୍ୟୁରୋ : ଗଂଜେଇର ଚୋରାଚାଲାଣ ପାଇଁ ନୂଆ ତରିକା । ବିଚ୍ଛିନ୍ନାଞ୍ଚଳରୁ ଅନୁଗୁଳ ଯାଇଥାନ୍ତା ଗଞ୍ଜେଇ । ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି ମଧ୍ୟ ସରିଥିଲା । ନଡ଼ିଆ ବୋଝେଇ ଗାଡିରେ ହେଉଥିଲା ଗଂଜେଇ ଚୋରାଚାଲାଣ । କେହି ଯେପରି ସନ୍ଦେହ ନ କରିବେ ସେଥିପାଇଁ ନଡିଆ ଗାଡିର ସାହାରା ନେଇଥିଲେ ଚୋରା ଗଞ୍ଜେଇ ବେପାରୀ । କିନ୍ତୁ ଅଧା ବାଟରେ ଫସର ଫାଟି ଯାଇଥିଲା ଚୋରା ବେପାରୀଙ୍କ ଚାଲାଖି । ଅଭିନବ ଉପାୟରେ ଗଂଜେଇ ଚୋରାଚାଲାଣ ହେଉଥିବା ବେଳେ ଅବକାରୀ ବିଭାଗ ହାତରେ ଧରାପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ମାଲକାନଗିରିରେ ନଡିଆ ବୋଝେଇ ଏକ ଗାଡି ଭିତରେ ଗଂଜେଇ ଚାଲାଣ ହେଉଥିବା ବେଳେ ଅବକାରୀ ବିଭାଗ ଗାଡିଟିକୁ ଜବତ କରିଛି । ଚିତ୍ରକୋଣ୍ଡାରୁ ଅନୁଗୁଳକୁ ଗଂଜେଇ ଚୋରା ଚାଲାଣ ହେଉଥିବା ବେଳେ ଅବକାରୀ ବିଭାଗ ଖବର ପାଇ ଏହି ଚଢାଉ କରିଥିଲା । ଜବତ ୫କ୍ୱିଂଟାଲ ଗଂଜେଇର ଆନୁମାନିକ ମୂଲ୍ୟ ୨୫ଲକ୍ଷ ଟଙ୍କା ହେବ ବୋଲି ଜଣାପଡିଛି । ଏହି ମାମଲାରେ ଅବକାରୀ ବିଭାଗ ୨ଜଣଙ୍କୁ ଅଟକ ରଖିଛି ।
କିଛିଦିନ ପୂର୍ବରୁ ମଧ୍ୟ ମାଲକାନଗିରରେ ଏଭଳି ଅଭିନବ ଉପାୟରେ ଗଞ୍ଜେଇ ଚୋରାଚାଲାଣ ହେଉଥିବା ଖବର ସାମ୍ନାକୁ ଆସିଥିଲା । ସେତେବେଳେ ଗଞ୍ଜେଇର ଚୋରାଚାଲାଣ ପାଇଁ ତେଲ ଟ୍ୟାଙ୍କରର ସାହାଯ୍ୟ ନେଇଥିଲେ ଚୋରା ବେପାରୀ । ତେବେ ବେପାରୀଙ୍କ ଏଭଳି କାରସାଦି ପୋଲିସ ନଜରରୁ ଖସି ପାରିନଥିଲା । ତେଲ ଟ୍ୟାଙ୍କରରେ ଗଞ୍ଜେଇ ଚୋରାଚାଲାଣ ବେଳେ ମାଲକାନଗିରି ପୋଲିସ ହାତରେ ଧରା ପଡିଥିଲା । ସେତେବେଳେ ଟ୍ୟାଙ୍କରରୁ ୨ ଟନ ଗଞ୍ଜେଇ ଜବତ କରିଥିଲା ପୋଲିସ । ତେଲ ଟ୍ୟାଙ୍କର ମାଧ୍ୟମରେ ୨ କୋଟି ଟଙ୍କାର ଗଞ୍ଜେଇ ଗୁଜରାଟକୁ ଚାଲାଣ ହେଉଥିବା ଖବର ଜଣା ପଡିଥିଲା । ଏହି ଘଟଣାରେ ପୋଲିସ ୨ ଜଣକୁ ଗିରଫ କରିଥିଲା ।