୭ ବର୍ଷ ପରେ ସାମ୍ବାଦିକ ଜେ.ଡି ମର୍ଡର କେସର ଆସିଲା ରାୟ । ଅଣ୍ଡର ୱାର୍ଲ୍ଡ ଡନ ଛୋଟା ରାଜନ ସମେତ ୯ ଜଣକୁୁ ଦୋଷୀ ସାବ୍ୟସ୍ତ କଲେ ମୁମ୍ବାଇ ମକୋକା କୋର୍ଟ
କନକ ବ୍ୟୁରୋ:
Kanak News is now on WhatsApp
Join and get latest news updates delivered to you via WhatsApp
ସାତବର୍ଷ ପରେ ସାମ୍ବାଦିକ ଜେଡି ହତ୍ୟାକାଣ୍ଡରେ ମୁମ୍ବାଇ ମକୋକା କୋର୍ଟ ଆଜି ରାୟ ଶୁଣାଇ ଅଣ୍ଡରୱାର୍ଲଡ ଡନ ଛୋଟା ରାଜନକୁ ଦୋଷୀ ସାବ୍ୟସ୍ତ କରିଛନ୍ତି । ଅନ୍ୟତମ ଅଭିଯୁକ୍ତ ଜିଗନା ବୋରାଙ୍କ ସମେତ ୨ ଜଣଙ୍କୁ ଦୋଷମୁକ୍ତ ହୋଇଥିବା ବେଳେ ଅନ୍ୟ ୮ ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି କୋର୍ଟ । ଦୋଷୀଙ୍କ ବିରୋଧରେ ଦଣ୍ଡ େଘୋଷଣା ଅପରାହ୍ନ ସାଢେ ୪ଟାରେ ହେବ । ମକୋକା କୋର୍ଟ କହିଛନ୍ତି, ଛୋଟା ରାଜନଙ୍କ ଇସାରାରେ ହିଁ ହତ୍ୟାକାଣ୍ଡ ହୋଇଥିଲା । ପ୍ରଥମେ ମୁମ୍ବାଇ ପୋଲିସ ହତ୍ୟାକାଣ୍ଡର ତଦନ୍ତ କରୁଥିବା ବେଳେ ପରେ ଏହା ସିବିଆଇକୁ ହସ୍ତାନ୍ତର କରାଯାଇଥିଲା ।
ଚର୍ଚ୍ଚିତ ହତ୍ୟାକାଣ୍ଡକୁ ନେଇ ପରେ ଦେଶବ୍ୟାପୀ ସାମ୍ବାଦିକଙ୍କ ଆନ୍ଦୋଳନ ଜୋର ଧରିଥିଲା । ୨୦୧୫ରେ ଇଣ୍ଡୋନେସିଆ ବାଲିରୁ ଛୋଟା ରାଜନକୁ ଗିରଫ କରାଯାଇଥିଲା । ଗିରଫ ପରେ ଦିଲ୍ଲୀ ତିହାଡ଼ ଜେଲରେ ରହିଛି ଛୋଟା ରାଜନ । ଭିଡ଼ିଓ କନଫରେନ୍ସିଂ ଜରିଆରେ କୋର୍ଟରେ ଛୋଟା ରାଜନ ହାଜର ହେଉଥିଲେ । ୨୦୧୧ ଜୁନ ୧୧ ତାରିଖରେ ମୁମ୍ବାଇର ଜନଗହଳିପୂର୍ଣ୍ଣ ଅଂଚଳରେ ଇଂରାଜୀ ସମ୍ବାଦ ପତ୍ରର ବରିଷ୍ଠ ସାମ୍ବାଦିକ ଜ୍ୟୋତି ଡେଙ୍କୁ ଗୁଳିକରି ହତ୍ୟା କରିଥିଲା ଛୋଟା ରାଜନ । କୌଣସି ମାମଲାରେ ଛୋଟା ରାଜନ ଦୋଷୀ ସାବ୍ୟସ୍ତ ହେବା ପ୍ରଥମ ଘଟଣା । ୨୦୧୬ରେ ମାମଲାରେ ଚାର୍ଜସିଟ ଦାଖଲ ହୋଇଥିଲା ।