ପୁଣି ନାବାଳିକାଙ୍କୁ ଗଣଦୁଷ୍କର୍ମ : ୧୨ ବର୍ଷର ନାବାଳିକା ସାଙ୍ଗରେ ସାତମାସ ଧରି ୨୨ ଜଣ ବ୍ୟକ୍ତି କରୁଥିଲେ ଦୁଷ୍କର୍ମ
କନକ ବ୍ୟୁରୋ : ଦେଶରେ ପ୍ରତ୍ୟେକ ସମୟରେ ଦୁଷ୍କର୍ମ ମାମଲା ବଢିବାରେ ଲାଗିଛି । ତେବେ ଚେନ୍ନାଇର ଏକ ଘଟଣା ନୃଶଂସତାର ସୀମା ଟପିଛି । ତେବେ ଘଟଣା ଜଣାପଡିବା ପରେ ସେଠାରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଚିଛି ଏହି ବିଷୟ । ୧୨ ବର୍ଷ ଝିଅ ସାଙ୍ଗରେ ଯେଉଁ ଲୋମହର୍ଷଣ କାରୀ ଘଟଣା ଘଟିଛି ତାହା ଶୁଣିଲେ ସମସ୍ତଙ୍କ ଲୋମ ଟାଙ୍କୁରି ଉଠିବ । ୨୨ ଜଣ ଯୁବକ ଗତ ସାତବର୍ଷ ଧରି ୧୨ ବର୍ଷୀୟ ନାବାଳିକା ସହ ଗଣଦୁଷ୍କର୍ମ କରିଥିବା ଜଣାପଡିଛି । ଏହି ଘଟଣାରେ ଆପାଟମେଣ୍ଟରେ କାମ କରୁଥିବା ସିକ୍ୟୁରିଟି, ଲିଫ୍ଟ ଅପେରେଟର,ଲେବର ଓ ପାଣି ଉଠାଉଥିବା ଲୋକ ସାମିଲ ଥିବା ଜଣାପଡିଛି । ତେବେ ଏହି ଘଟଣା ସମ୍ପର୍କରେ ସେଠାକାର ସ୍ଥାନୀୟ ଲୋକ କେହିବି ଅବଗତ ନଥିବା ବିଷୟ ସମସ୍ତଙ୍କୁ ଚକିତ କରିଛି । ନାବାଳିକାକୁ ନିଶା ଦେଇ ତାହାସହ ଏପରି ଘୃଣ୍ୟ କାମ କରୁଥିବା ଜଣାପଡିଛି । ତେବେ ନାବାଳିକା ତାଙ୍କ ମା’ ଏବଂ ଭଉଣୀକୁ ଘଟଣା ସମ୍ପର୍କରେ ସବୁ କଥା କହିବା ପରେ ଏ ସମସ୍ତ କଥା ପଦାକୁ ଆସିଛି । ପରେ ତାଙ୍କ ମା ଏନେଇ ଥାନାରେ ଏତଲା ଦେଇଛନ୍ତି । ଏତଲା ଦେବାପରେ ପୋଲିସ ଆପାଟମେଣ୍ଟରେ କାମକରୁଥିବା ୧୮ ଲୋକଙ୍କୁ ନିଜ ହେପାଜତକୁ ନେଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ପ୍ରାଥମିକ ତଦନ୍ତ କଲା ସମୟରେ ନାବାଳିକା ଜଣକ କହିଛି ଯେ, ମତେ ସେମାନେ କିଛିଖାଦ୍ୟ ଦେଲାପରେ ଦୁଷ୍କର୍ମ କରୁଥିଲେ । କେବଳ ଏତିକି ନୁହେଁ କେବେ କେବେ ନିଶା ପାଉଡର ଶୁଙ୍ଘାଇ ଅଚେତ କଲାପରେ ଦୁଷ୍କର୍ମ କରୁଥିଲେ ଏବଂ ଏହି ସମୟରେ ସମସ୍ତ ଘଟଣାର ଭିଡିଓ ମଧ୍ୟ କରିଥିବା ନାବାଳିକା ଜଣକ କହିଛନ୍ତି । ଏହାକୁ ବିରୋଧ କରିବାରୁ ଓ ବାହାରେ କହିଦେଲେ ଜୀବନରୁ ମାରିଦେବା ସହ ଭିଡିଓକୁ ସୋସିଆଲ ମିଡିଆରେ ଛାଡି ଦେବାପାଇଁ ଧମକାଉଥିବା ନାବାଳିକା ଜଣକ ଅଭିଯୋଗ କରିଛନ୍ତି । ଏହି ଘଟଣାକୁ ସହୟ କରିନପାରି ନାବାଳିକା ଜଣକ ସ୍କୁଲରୁ ଫେରିବା ବାଟରେ ସମସ୍ତ ଘଟଣା ନିଜ ଭଉଣୀକୁ କହିଥିଲା । ନାବାଳିକା ଜଣକ ପୋଲିସକୁ କହିଛନ୍ତି ଯେ, ପ୍ରଥମେ ୬୬ ବର୍ଷୀୟ ଲିଫ୍ଟ ଅପରେଟର ତାଙ୍କ ସାଙ୍ଗେ ଦୁଷ୍କର୍ମ କରିଥିଲେ ଓ ତିନିଦିନ ପରେ ତାଙ୍କର ସାଥୀମାନଙ୍କ ସହ ଆଉଥରେ ଦୁଷ୍କର୍ମ କରିଥିଲେ ।
ଏହି ଘଟଣା ସମ୍ପର୍କରେ ପୋଲିସ କହିଛି ଯେ, ସେହି ଆପାଟମେଣ୍ଟର ୧୮ ଜଣଙ୍କୁ ବର୍ତ୍ତମାନ ସମୟରେ ଆମେ ମାନେ ହେପାଜତକୁ ଆଣିଛୁ ଏବଂ ଅନ୍ୟ ଦୋଶୀମାନେ ମଧ୍ୟ ଖୁବଶୀଘ୍ର ଧରାପଡିବେ । ଏପରି ଘଟଣାରେ ସମସ୍ତ ଦୋଷୀଙ୍କୁ କଠୋର ଦଣ୍ଡ ବିଧାନ କରାଯିବ ବୋଲି ପୋଲିସ ସୂଚନା ଦେଇଛି । ସାରା ରାଜ୍ୟରେ ଏହି ଘଟଣା ଜଣାପଡିବା ପରେ ଅପରାଧୀ ମାନଙ୍କୁ କଠୋର ଦଣ୍ଡ ବିଧାନ ଦେବା ପାଇଁ ସ୍ଥାନୀୟ ଜନସାଧାରଣ ମାନେଦାବୀ କରିଛନ୍ତି ।