କନକ ବ୍ୟୁରୋ: ମାଡ଼ି ଆସୁଛି ସାମୂଦ୍ରକି ଝଡ଼ ‘ଫୋନି’ । ରାଜ୍ୟବାସୀଙ୍କ ଛାତିରେ ଛନକା ଭରୁଛି । କାରଣ ନିକଟରେ ବାତ୍ୟା ତିତଲିର ଭିବିଷୀକା ରାଜ୍ୟବାସୀଙ୍କ ମନରୁ ନଲିଭୁଣୁ ପୁଣି ଥରେ ‘ଫୋନି’ ସାମୁଦ୍ରିକ ଝଡ଼ ଆତଙ୍କୀତ କରିଛି । ବିଶେଷ ଭାବେ ତିତଲିରେ ଭୟଙ୍କର ଭାବେ ପ୍ରଭାବତି ହୋଇଥିବା ଗଜପତି ଜିଲ୍ଲାକୁ ଘାରିଛି ବାତ୍ୟା ‘ଫୋନି’ ଭୟ । ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ପ୍ରସ୍ତୁତି କରିଛି ଜିଲ୍ଲା ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ଏକ ସମ୍ବାଦିକ ସମ୍ମିଳନୀରେ ଜିଲ୍ଲାପାଳ ସୂଚନା ଦେେଇ କହିଛନ୍ତି ଯେ, ଜିଲ୍ଲାରେ ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରି ଦିଆଯାଇଛି । ସମସ୍ତ ସ୍କୁଲ ଓ ଅଙ୍ଗନବାଡି କେନ୍ଦ୍ରକୁ ବାତ୍ୟା ଆଶ୍ରୟସ୍ଥଳୀ ଭାବେ ବ୍ୟବହାର କରାଯିବ । ଅସୁରକ୍ଷିତ ମନେ କରୁଥିବା ସମସ୍ତ ପରିବାରଙ୍କୁ ଆଶ୍ରୟ ସ୍ଥଳୀକୁ ସ୍ଥାନାନ୍ତରିତ ହେବା ପାଇଁ ମାଇକ ଯୋଗେ ପ୍ରଚାର କରାଯାଉଛି । ସମସ୍ତ ପଂଚାୟତରେ ସୁଖିଲା ଖାଦ୍ୟ ତଥା ଚାଉଳ ମହଜୁଦ ରଖାଯାଇଛି ।
ସେହିପରି ଆରଆରସିରେ ମଧ୍ୟ ଚାଉଳ ମହଜୁଦ ଅଛି । ଅଗ୍ନିଶମ, ଓଡ୍ରାଫ, ପରିମଳ, ସ୍ୱାସ୍ଥ୍ୟ ତଥାୀ ସମସ୍ତ ବିଭାଗକୁ ସଜାଗ ରହିବା ପାଇଁ ନିର୍ଦେଶ ଦେଇଛନ୍ତି ଜିଲ୍ଲାପାଳ ଅନୁପମ ଶାହ । ସ୍ଥିତି ଉପରେ ନଜର ରଖିବା ସହ ଜିଲ୍ଲାରେ ପ୍ରାୟ ୧୫ହଜାର ଲୋକଙ୍କୁ ଆଶ୍ରୟ ସ୍ଥଳରେ ରଖିବା ପାଇଁ ବନ୍ଦୋବସ୍ତ କରାଯାଇଛି ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।