ଏକା ସହ ଏହି ଫଳ ଖାଇବା ସ୍ୱାସ୍ଥ୍ୟ ପାଇଁ ହୋଇପାରେ ହାନିକାରକ ! ଜାଣନ୍ତୁ କେଉଁ କେଉଁ ଫଳ ଏକା ସହ ଖାଇବା ଉଚିତ୍ ନୁହେଁ ।
ଆମେ ନିଜର ଶରୀରକୁ ସୁସ୍ଥ ରଖିବା ଲାଗି ପ୍ରଚୁର ମାତ୍ରାରେ ଫଳ ଓ ପରିବା ଖାଇଥାଉ । କିନ୍ତୁ ଯଦି ଏମିତି ଫଳ ବି ଅଛି, ଯେଉଁ ଦୁଇଟିକୁ ଏକା ସାଙ୍ଗରେ ଖାଇବା ସ୍ୱାସ୍ଥ୍ୟ ପାଇଁ ହାନିକାରକ ହୋଇପାରେ, ଆସନ୍ତୁ ଜାଣିବା କେଉଁ ଫଳ ସହ କ’ଣ ଖାଇବା ଅନୁଚିତ ।
Kanak News is now on WhatsApp
Join and get latest news updates delivered to you via WhatsApp
କମଳା ଓ ଗାଜର: କମଳା ଓ ଗାଜର ଏ ଭଳି ଦୁଇ ଫଳ ଯାହାକୁ ଏକା ସାଙ୍ଗେ ଖାଇବା ଉଚିତ ନୁହେଁ । ଏହାକୁ ଏକା ସାଙ୍ଗେ ଖାଇଲେ ମୁଣ୍ଡବିନ୍ଧା ହେବାର ଆଶଙ୍କା ଥାଏ । ତା’ଛଡା କିଡନି ଖରାପ ହେବାର ମଧ୍ୟ ଆଶଙ୍କା ଅଧିକ ।
ପାଚିଲା ଅମୃତଭଣ୍ଡା ଓ ଲେମ୍ବୁ: ଏହି ଦୁଇ ଫଳକୁ ଏକା ସଙ୍ଗେ ଖାଇଲେ ଶରୀରରେ ହିମୋଗୋବ୍ଲିନର ଅସନ୍ତୁଳନ ଘଟିଥାଏ । ପିଲାମାନଙ୍କ ପାଇଁ ଏହା ଅତି ହାନିକାରକ ।
ପିଜୁଳି ଓ କଦଳୀ: ଏ ଦୁଇ ଫଳ ବି ଏକାଠି ଖାଇବା ଅନୁଚିତ। କାରଣ ଏହା ଦ୍ୱାରା ଏସିଡିଟି ଓ ଗ୍ୟାସ୍ଟ୍ରିକ୍ ସମସ୍ୟା ଉପୁଜିଥାଏ । ତା’ଛଡା ମୁଣ୍ଡବିନ୍ଧା ବି ହୋଇଥାଏ ।
ସପୁରି ଓ ଦୁଧ: ଦୁଧ ସହିତ ସପୁରି ମିଶାଇ ଖାଇବା ଅନୁଚିତ, କାରଣ ଏହା ଫଳରେ ମୁଣ୍ଡବିନ୍ଧା, ଗ୍ୟାସ୍ ଓ ସଂକ୍ରମଣ ଆଦି ସମସ୍ୟା ଦେଖା ଦେଇଥାଏ ।
କମଳା ଓ ଦୁଧ: ଦୁଧ ସହିତ କମଳା ମଧ୍ୟ ଏକାଠି ଖାଇବା ଉଚିତ ନୁହେଁ । କାଣ ଏହା ସହଜରେ ହଜମ ହୋଇ ନଥାଏ । ଏହା ଫଳରେ କେତେକ ସ୍ୱାସ୍ଥ୍ୟଗତ ସମସ୍ୟା ମଧ୍ୟ ସୃଷ୍ଟି ହୋଇଥାଏ ।