ନାଁ ଭଗବାନ କିନ୍ତୁ କାମ ସୈତାନ ! ଚାକିରି ଦେବା ନାଁରେ ଯୁବତୀଙ୍କୁ ଲୁଟିଲେ
କନକ ବ୍ୟୁରୋ : ନାଁ ଭଗବାନ କିନ୍ତୁ କାମ ସୈତାନ ଭଳି । ଚାକିରି ନାଁରେ ଲକ୍ଷାଧିକ ଟଙ୍କାର ଠକେଇ । ଚାକିରି କରାଇ ଦେବାର ପ୍ରଲୋଭନ ଦେଖାଇ କଳାହାଣ୍ଡି ଜିଲ୍ଲା ମୁସ୍କୁଟି ଗାଁର ଭଗବାନ ଦାଶ ନାମକ ଜଣେ ଯୁବକ ପ୍ରାୟ ୪ଲକ୍ଷ ୫୦ହଜାର ଟଙ୍କା ଠକିନେଇଥିବା କେସିଙ୍ଗା ଥାନାରେ ଅଭିଯୋଗ ହୋଇଛି । ଅଭିଯୋଗ ପରେ ପୁଲିସ ବିଭିନ୍ନ ସ୍ଥାନରେ ଚଢାଉ କରି ଅଭିଯୁକ୍ତକୁ ଅଟକ ରଖିଛି । ଗଂଜାମ ଜିଲ୍ଲାର ଭଂଜନଗରର ସସ୍ମିତା ପଣ୍ଡାଙ୍କୁ ଏଫସିଆଇରେ ଚାକିରି କରାଇ ଦେବା ନାଁରେ ୪ଲକ୍ଷ ୫୦ହଜାର ଟଙ୍କା ନେଇ ମିଥ୍ୟା ନିଯୁକ୍ତି ପତ୍ର ଦେଇ ଫେରାର ହୋଇଯାଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୁକ୍ତ ଭଗବାନ ଦାଶ ଭୁବେନଶ୍ୱରରେ ବିଟିଏସ ମିନେରାଲ୍ସ ନାମକ ଏକ ସଂସ୍ଥା ଖୋଲି ବେକାର ଯୁବକ ଯୁବତୀଙ୍କୁ ଚାକିରି କରାଇ ଦେଉଥିବା କହିଥିଲେ । ସ୍ମସିତା ଏହି ସଂସ୍ଥା ବିଷୟରେ କିଛି ନ ବୁଝି ପଡିଯାଇଥିଲେ ଏହି ଦଲାଲର ହାବୁଡରେ । ସସ୍ମିତା ଏହି ସଂସ୍ଥାକୁ ଆସିବା ପରେ ଏଫସିଆଇରେ ଚାକିରି କରିବା ପାଇଁ ତାଙ୍କଠାରୁ ୪ଲକ୍ଷ ୫୦ହଜାର ଟଙ୍କା ମାଗିଥିଲେ ଅଭିଯୁକ୍ତ । ସସ୍ମିତା ଟଙ୍କା ଦେବା ପରେ ଆଉ ଧରାଛୁଁଆ ଦେଇନଥିଲେ ଅଭିଯୁକ୍ତ । ଏନେଇ ମାନବାଧିକାର ମହିଳା କାଉନସିଲରଙ୍କ ଦ୍ୱାରସ୍ଥ ହୋଇଥିଲେ ସସ୍ମିତା । ପରେ ମାନବଧିକାର କାଉନସିଲରଙ୍କ ସହାୟତାରେ କେସିଙ୍ଗା ଥାନାରେ ଏତଲା ଦିଆଯାଇଥିଲା । ପରେ ପୋଲିସ ମୁସ୍କୁଟି ଅଂଚଳରେ ଚଢାଉ କରି ଅଭିଯୁକ୍ତକୁ ଅଟକ ରଖିଛି । କେବଳ ସସ୍ମିତା ନୁହଁନ୍ତି ଅନ୍ୟ କିଛି ଯୁବକ ଯୁବତୀ ମାନେ ମଧ୍ୟ ଭଗବାନଙ୍କ ଫାଶରେ ପଡିଛନ୍ତି । ସସ୍ମିତାଙ୍କ ବ୍ୟତୀତ ଅନ୍ୟ ମାନଙ୍କଠାରୁ ଭଗବାନ ପ୍ରାୟ ୧୯ଲକ୍ଷ ଟଙ୍କା ଠକିଥିବା ଜଣାପଡିଛି ।