ଫୁଟବଲ ବିଶ୍ୱକପରୁ ବିଦା ହେଲା ଆର୍ଜେଣ୍ଟିନା ! ୪-୩ ରେ ଆର୍ଜେଣ୍ଟିନାକୁ ହରାଇ କ୍ୱାର୍ଟର ଫାଇନାଲରେ ଫ୍ରାନ୍ସ ।
ଫିଫା ଫୁଟବଲ ବିଶ୍ୱକପରୁ ବିଦା ହେଲା ମେସିଙ୍କ ଆର୍ଜେଣ୍ଟିନା । ଫୁଟବଲ ବିଶ୍ୱକପର ପ୍ରଥମ ନକଆଉଟ ମ୍ୟାଚରେ ଆଜି ଆର୍ଜେଣ୍ଟିନାକୁ ୪-୩ ରେ ହରାଇ କ୍ୱାର୍ଟର ଫାଇନାଲରେ ପହଞ୍ଚିଛି ଫ୍ରାନ୍ସ । ବିଶ୍ୱକପରେ ଆର୍ଜେଣ୍ଟିନା ବିରୁଦ୍ଧରେ ଫ୍ରାନ୍ସର ଏହା ପ୍ରଥମ ଜିତ୍ ସାବ୍ୟସ୍ତ ହୋଇଛି । ଏହା ପୂର୍ବରୁ ଦୁଇଟି ମ୍ୟାଚ ହୋଇଥିଲା, ଯେଉଁଥିରେ ଆର୍ଜେଣ୍ଟିନା ଦୁଇଟିଯାକ ମ୍ୟାଚ ଜିତି ଆଗକୁ ବଢିଥିଲା ।
Kanak News is now on WhatsApp
Join and get latest news updates delivered to you via WhatsApp
୨୦୧୪ରେ ବ୍ରାଜିଲରେ ଆୟୋଜିତ ହୋଇଥିବା ଫିଫା ବିଶ୍ୱକପର ୨୦ତମ ସଂସ୍କରଣର ଫାଇନାଲରେ ଖେଳୁଥିବା ଦୁଇଟି ଟିମ ଏବେ ଏହି ଟୁର୍ନାମେଣ୍ଟରେ ୨୧ତମ ସଂସ୍କରଣରେ ବାହାର ହୋଇଯାଇଛି । କେବଳ ସେତିକି ନୁହେଁ ବିଜେତା ଜର୍ମାନୀକୁ ମଧ୍ୟ ଗ୍ରୁପ ସ୍ତରରୁ ହିଁ ବାହାରିବାକୁ ପଡିଥିଲା । କିନ୍ତୁ ଆଜି ଆର୍ଜେଣ୍ଟିନା ୪-୩ ଅନ୍ତରରେ ଫ୍ରାନ୍ସ ଠାରୁ ପରାସ୍ତ ହୋଇ ଟୁର୍ନାମେଣ୍ଟରୁ ବିଦାୟ ନେଇଛି । ଫ୍ରାନ୍ସର ଜିତିବା ପଛରେ ଯୁବ ଖେଳାଳି ଫାରବର୍ଡରଙ୍କ ଭୂମିକା ବେସ ଗୁରୁତ୍ୱପୂର୍ଣ୍ଣ ରହିଥିଲା । ଫାରବର୍ଡର ଦୁଇଟି ଗୋଲ ଫ୍ରାନ୍ସ ପାଇଁ ଜିତିବାର ବାଟ ଖୋଲି ଦେଇଥିଲା । ଏଥି ସହିତ ଏଣ୍ଟୋନିଓ ଏବଂ ବେଂଜାମିନ ମଧ୍ୟ ଗୋଟିଏ ଗୋଟିଏ ଗୋଲ କରିଥିଲେ ।
ଆର୍ଜେଣ୍ଟିନା ମଧ୍ୟ ଏହି ମ୍ୟାଚରେ ଖୁବ ଭଲ ଖେଳର ପଦର୍ଶନ କରିଥିଲା । କିନ୍ତୁ ଭଲ ଖେଳର ପଦର୍ଶନ ସତ୍ୱେ ମଧ୍ୟ ଆର୍ଜେଣ୍ଟିନା ଫ୍ରାନ୍ସ ଠାରୁ ପରାଜୟ ହୋଇଛି । ଏବେ ଫ୍ରାନ୍ସ ଆର୍ଜେଣ୍ଟିନାକୁ ଏହି ଟୁର୍ନାମେଣ୍ଟରେ ୪-୩ ବିନିମୟରେ ପରାସ୍ତ କରି କ୍ୱାର୍ଟର ଫାଇନାଲରେ ପାଦ ଦେଇଛି ।