କନକ ବ୍ୟୁରୋ : ବିଶିଷ୍ଟ ରାଜନେତା ରବି ରାୟଙ୍କ ଦେହାନ୍ତ । ଆଜି କଟକ ବଡ ମେଡିକାଲରେ ଆଖି ବୁଜିଛନ୍ତି ଲୋକସଭାର ପୂର୍ବତନ ବାଚସ୍ପତି । ବେଶ କିଛି ଦିନ ହେବ ଅସୁସ୍ଥ ଥିଲେ ରବି ରାୟ । ଗୁରୁତର ଅବସ୍ଥାରେ ଏସସିବିର ସେଂଟ୍ରାଲ ଆଇସିୟୁରେ ଚିକିତ୍ସିତ ହେଉଥିଲେ । ଆଜି ଚିକିତ୍ସାଧିନ ଅବସ୍ଥା ଏହି ବିଶିଷ୍ଟ ଜନନାୟକ ରବି ରାୟଙ୍କ ପରୋଲୋକ ହୋଇଛି । ମୃତ୍ୟୁ ବେଳକୁ ରବି ରାୟଙ୍କୁ ୯୧ ବର୍ଷ ହୋଇଥିଲା । ପ୍ରଥମ ଓଡିଆ ବାଚସ୍ପତି ଭାବେ ଲୋକସଭା ପରିଚାଳନା କରିଥିଲେ ରବି ରାୟ।
Kanak News is now on WhatsApp
Join and get latest news updates delivered to you via WhatsApp
୧୯୨୬ ନଭେମ୍ବର ୨୬ରେ ପୁରୀ ଜିଲ୍ଲାରେ ଜନ୍ମ ଗ୍ରହଣ କରିଥିଲେ ଲୋକସଭାର ନବମ ବାଚସ୍ପତି ରବି ରାୟ । ରେଭେନ୍ସାରୁ ସ୍ନାତକ ଶେଷ କରିବା ପରେ ମଧୁସୁଦନ ଆଇନ କଲେଜରେ ଆଇନ ପଢିଥିଲେ ଏହି ସ୍ୱାଧୀନତା ସଂଗ୍ରାମୀ । ଦେଶ ସ୍ୱାଧୀନତା ସମୟରେ ତାଙ୍କୁ ବ୍ରିଟସ୍ ସେନାଙ୍କ ଦ୍ୱାର ଗିରଫ ହେବା ପାଇଁ ଜେଲ ଯିବାକୁ ମଧ୍ୟ ପଡିଥିଲା । ସେ ଏକାଧାରାରେ ଜଣେ ସ୍ୱାଧୀନତା ସଂଗ୍ରାମୀ, ସାମାଜିକ କର୍ମୀ, ଆଇନଜୀବୀ ଓ ବିଷିଷ୍ଟ ରାଜନେତା ।
୧୯୪୮ରୁ ସୋସିଆଲିଷ୍ଟି ପାର୍ଟିରେ ସାମିଲ ହୋଇ ରାଜାନୀତିରେ ପାଦ ଥାପିଥିଲେ ରବି ରାୟ । ୧୯୬୭ରେ ପୁରୀ ଲୋକସଭା ଆସନରୁ ଚତୁର୍ଥ ସାଂସଦ ଭାବେ ନିର୍ବାଚିତ ହୋଇଥିଲେ । ୧୯୭୪-୧୯୮୦ ଯାଏଁ ରାଜ୍ୟସଭା ସଦସ୍ୟ ଥିଲେ । ମୋରାଜି ଦେଶାଇଙ୍କ ସରକାର ସମୟରେ ଗୋଟିଏ ବର୍ଷ ମନ୍ତ୍ରୀ ପଦ ସମ୍ଭାଳିଛନ୍ତି ଏହି ବିଶିଷ୍ଟ ରାଜନେତା । ୧୯୭୯ରୁ ୮୦ ରବି ରାୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଦାୟିତ୍ୱ ତୁଲାଇଛନ୍ତି ।
ଏହାପରେ ୧୯୮୯ରେ ଜନତା ଦଳର ସାଂସଦ ଭାବେ ପୁନଃ ନିର୍ବାଚିତ ହୋଇ ଲୋକସଭାକୁ ଯାଇଥିଲେ । ଏହାପରେ ସେହି ବର୍ଷ ଲୋକସଭାର ନବମ ବାଚସ୍ପତି ଭାବେ ତାଙ୍କୁ ନିର୍ବାଚିତ କରାଯାଇଥିଲା । ସେ ହିଁ ଲୋକସଭାରେ ଜଣେ ଓଡିଆ ବାଚସ୍ପତି । ରବି ରାୟଙ୍କ ଦେହାନ୍ତ ଖରବ ପାଇ ତାଙ୍କ ଶେଷ ଦର୍ଶନ ପାଇଁ ଏସସିବି ପରିସରରେ ରାଜନେତା ଓ ବହୁ ବରିଷ୍ଠ ବ୍ୟକ୍ତି ପହଂଚିଛନ୍ତି ।
ପୂର୍ବତନ ବାଚସ୍ପତିଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି ରାଜ୍ୟପାଳ ଏସସି ଜମୀର ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସାଂସଦ ଭର୍ତୃହରି ମହତାବ, ବୈଷ୍ଣବ ପରିଡା, ରାଜ୍ୟ ବିଜେପି ସଭାପତି ବସନ୍ତ ପଣ୍ଡା, ବିଜେପି ବିଧାୟକ ଦଳ ନେତା କନକ ବର୍ଦ୍ଦନ ସିଂହଦେଓ, ବିଧାୟକ ପ୍ରଭାତ ବିଶ୍ୱାଳ, ଦେବାଶିଷ ସାମନ୍ତରାୟ ପ୍ରମୁଖ ଶୋକ ପ୍ରକାଶ କରିଛନ୍ତି ।