କନକ ବ୍ୟୁରୋ : ଶଙ୍ଖ ଧରିଲେ ପୂର୍ବତନ କଂଗ୍ରେସ ବିଧାୟକ ଦୁଷ୍ମନ୍ତ ନାଏକ । କଂଗ୍ରେସରୁ ଇସ୍ତଫା ଦେଇଥିବା ଭବାନୀପାଟଣାର ଏହି ପୂର୍ବତନ ବିଧାୟକ ଆଜି ବିଜେଡିରେ ଯୋଗ ଦେଇଛନ୍ତି । ରାଜ୍ୟ ବିଜେଡି କାର୍ଯ୍ୟାଳୟରେ ହଜାର ହଜାର ସମର୍ଥକ ସହ ସେ ମିଶିଲେ। ଆଉ ଏହାକୁ ନେଇ କଳାହାଣ୍ଡି ଜିଲା ବିଜେଡିରେ ଆରମ୍ଭ ହୋଇଛି ହଟଚମଟ ।
Kanak News is now on WhatsApp
Join and get latest news updates delivered to you via WhatsApp
ଗତ ବର୍ଷ ଜୁନ ମାସରେ ଦୁଷ୍ମନ୍ତ କଂଗ୍ରେସ ଛାଡି ବିଜେଡିରେ ଯୋଗ ଦେବା ନେଇ ଆଲୋଚନା ଜୋର ଧରିଥିଲା । ସେତେବେଳେ ଦୁଷ୍ମନ୍ତ ବିଜେଡିକୁ ଆସିବା ନେଇ କଳାହାଣ୍ଡିର ବିଜେଡି ନେତା ବିରୋଧ କରିଥିଲେ । ଏପରିକି ଏ ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଚିଠି ମଧ୍ୟ ଲେଖିଥିଲେ ଜିଲ୍ଲା ବିଜେଡିର ସମସ୍ତ ନେତା । କିନ୍ତୁ ବର୍ଷେ ପରେ ବର୍ତ୍ତମାନ ସୁପ୍ରିମୋଙ୍କ ନିଷ୍ପତିକୁ ସମ୍ମାନ ଜଣାଇ ଦୁଷ୍ମନ୍ତଙ୍କୁ ଦଳକୁ ସ୍ୱାଗତ କରିଛନ୍ତି କଳାହାଣ୍ଡିର ବିଜେଡି ହେଭିୱେଟ ।