ନା ଅଛି ଗାଡି… ନା କୋଠାବାଡି ! ଆଜି ବି ସାଇକେଲରେ ପ୍ରଚାର କରୁଛନ୍ତି ତିନି ଥର ବିଧାୟକ ଓ ଥରେ ସାଂସଦ ରହିଥିବା ଏହି ରାଜନେତା
ଗୋରଖପୁରର ବାସିନ୍ଦା ୮୦ ବର୍ଷୀୟ ଫିରଙ୍ଗୀ ପ୍ରସାଦ ବିଶାରଦ ପ୍ରେରଣାର ସ୍ରୋତ । ଆଜି ବି ସେ ସାଇକେଲ ଚଲାନ୍ତି ଓ ସାଧାରଣ ଲୋକଙ୍କ ଭଳି ଅଟୋ-ରିକ୍ସାରେ ବସି ଯାତ୍ରା କରନ୍ତି । ତାଙ୍କୁ ଦେଖି କେହି ଅନୁମାନ ବି ଲଗାଇପାରିବେନି କି ସେ ତିନି ଥର ବିଧାୟକ ଓ ଥରେ ସାଂସଦ ରହି ସାରିଛନ୍ତି । ସେ ସମାଜବାଦୀ ପାର୍ଟି ପାଇଁ ଏହି ବୟସରେ ମଧ୍ୟ ସକାଳଠୁ ଆରମ୍ଭ କରି ବିଳମ୍ବିତ ରାତ୍ରି ପର୍ଯ୍ୟନ୍ତ ନିର୍ବାଚନ ପ୍ରଚାର କରନ୍ତି । ଦଳର ନୂଆ କାର୍ଯ୍ୟକର୍ତ୍ତାଙ୍କ ପାଇଁ ସେ ଏକ ଉଦାହରଣ ମଧ୍ୟ । ଫିରଙ୍ଗୀ ପ୍ରସାଦ କହନ୍ତି କି, “ପୂର୍ବର ନିର୍ବାଚନ ଓ ଏହି ସମୟର ନିର୍ବାଚନ ମଧ୍ୟରେ ବହୁତ ଫରକ ଅଛି । ସେହି ସମୟର ନିର୍ବାଚନରେ ବହୁତ ସରଳତା ଥିଲା, ଯେବେକି ସାଇକେଲରେ ସେ ନିଜ ପାଇଁ ଭୋଟ୍ ମାଗିବାକୁ ବାହାରୁଥିଲେ ।”
Kanak News is now on WhatsApp
Join and get latest news updates delivered to you via WhatsApp
ସେ କୁହନ୍ତି କି, “ଏବେ ସମୟ ବଦଳିଯାଇଛି । ଆଜିର ପ୍ରାର୍ଥୀ ଓ ନେତା ମହଙ୍ଗା ଗାଡି ଠାରୁ ଆରମ୍ଭ କରି ହେଲିକପ୍ଟରରେ ଯାତ୍ରା କରୁଛନ୍ତି । ମୁଁ ଆଜି ବି ସାଇକେଲ ଓ ଅଟୋ-ରିକ୍ସାରେ ଯାଏ । ଆଜିକାଲି ଧନବଳ ଓ ବାହୁବଳର ଖୁଲମଖୁଲା ଉପଯୋଗ କରାଯାଉଛି । ”
ବିଶୁନପୁରା ଗାଁର ବାସିନ୍ଦା ଫିରଙ୍ଗୀ ବର୍ଷ ୧୯୬୯ରେ ପ୍ରଥମ ଥର ଝଙ୍ଗହା ବିଧାନସଭା କ୍ଷେତ୍ରରୁ ଭାରତୀୟ କ୍ରାନ୍ତି ଦଳରୁ ନିର୍ବାଚନ ଲଢ଼ି ବିଧାୟକ ବନିଥିଲେ । ୧୯୭୪ରେ ଭାରତୀୟ ଲୋକ ଦଳ ଟିକେଟରୁ ଓ ୧୯୭୭ରେ ଜନତା ପାର୍ଟି ଦଳରୁ ଯଥାକ୍ରମେ ମୁଣ୍ଡେରା ବଜାର ଓ ବାଂସଗାଁରୁ ନିର୍ବାଚନ ଲଢ଼ି ଜିତିଥିଲେ ।