ସମ୍ବଲପୁରରେ ବିଦେଶିନୀଙ୍କ ତାଲିମ୍ କେନ୍ଦ୍ର : ୧୫ ଜଣ ଛାତ୍ରୀଙ୍କୁ ସିଲେଇ ଶିଖାଉଛନ୍ତି ନ୍ୟୁଜିଲାଣ୍ଡର ଆନ୍ନା ଉଇଲସନ
କନକ ବ୍ୟୁରୋ : ସମ୍ବଲପୁର ମାଲିପାଲିରେ ଚାଲିଛି ବିଦେଶିନୀଙ୍କ ତାଲିମ୍ କେନ୍ଦ୍ର । ୧୫ ଜଣ ଛାତ୍ରୀଙ୍କୁ ସିଲେଇ ତାଲିମ୍ ଦେଉଛନ୍ତି ବିଦେଶିନୀ । ୪ ମାସ କୋର୍ସ ପାଇଁ ନାମ ଲେଖା ବାବଦକୁ ୧୫୦ ଟଙ୍କା ଓ ମାସକୁ ୪୦୦ ଟଙ୍କା ଦେଉଛନ୍ତି ଛାତ୍ରୀମାନେ । ୨୦୦୬ ମସିହାରେ ସ୍ୱାମୀଙ୍କ ସହିତ ଭାରତ ଭ୍ରମଣରେ ଆସଥିଲେ ନ୍ୟୁଜିଲାଣ୍ଡର ଆନ୍ନା ଉଇଲସନ୍ । ସେହି ସମୟରେ ଭାରତ ପ୍ରତି ଆକୃଷ୍ଟ ହେବା ସହ ଭାରତର ପୋଷାକ ପ୍ରତି ଆକର୍ଷିତ ହୋଇଥିଲେ । ସେହି ଆକର୍ଷଣ ତାଙ୍କୁ ସୁଦୂର ନ୍ୟୁଜିଲାଣ୍ଡରୁ ସମ୍ବଲପୁରକୁ ଟାଣି ଆଣିଛି ।
Kanak News is now on WhatsApp
Join and get latest news updates delivered to you via WhatsApp
୧୯୯୩ ମସିହାରେ ଫ୍ୟାଶନ୍ ଡିଜାଇନୟର ପାଠ ପଢିଥିବା ବିଦେଶିନୀ ଜଣଙ୍କ କେବଳ ସିଲେଇ ତାଲିମ୍ ଦେଉଛନ୍ତି ତାହା ନୁହେଁ, ମହିଳା ଓ ଝିଅମାନଙ୍କୁ ନିଯୁକ୍ତି ମଧ୍ୟ ଦେଇଛନ୍ତି । ସେମାନେ ତିଆରି କରୁଥିବା ଡ୍ରେସ ନିଜେ ପିନ୍ଧିବା ସହ ଅନ୍ଲାଇନ ସପିଂ ମାଧ୍ୟମରେ ବିକ୍ରୀ କରୁଛନ୍ତି । ଏମିତିକି ନ୍ୟୁଜିଲାଣ୍ଡରେ ଥିବା ୩ଟି ଦୋକାନରେ ବିକ୍ରୀ ହେଉଥିବା ଜଣାପଡିଛି । ବିଦେଶିନୀଙ୍କର ଏଭଳି ଉଦମ୍ୟ ଯୋଗୁଁ ଖୁବ୍ ପ୍ରଶଂସା ପାଇଛନ୍ତି । କାରଣ କିଛି ପିଲାଙ୍କୁ ସ୍ୱାବଲମ୍ଭୀ କରିପାରୁଛନ୍ତି । ନିଜର ଶିକ୍ଷାକୁ ଲୋକଙ୍କ ମଧ୍ୟରେ ବାଂଟିବାର ଯେଉଁ ଦୃଢ ଇଚ୍ଛା ତାହା ମହତ ପାଲଟିଛି ।